أغفر لي ألحين ..!! // هاني الظاهري ..

[~أصداف~]

.
.
.



يعني .. وبعدين .. لاتغفر ولا تنسى
ولا تفـــــــــــكر فـ لحظة تعتق انفاسي

تعبت ادور فـ بحر عيونك المرسى
ما باقي الا اجــــــــيك امشي على راسي

اغفر لي الحين بس وعقبها اقسى
علمني اشـــــــلون اموت بجد في ياسي

مل التعب من وقوفي والحزن امسى
يشربني بصمت وانت طعــــــونك لباسي

حتى الاغاني تجي في غيبتك خرسا
شف وردتك كيف ذابت في ظـــــــما كاسي

ارسى على حل واحد .. خلّني ارسى
يا وصل .. يا وصل .. يكفي تحرق احساسي

وان كان مليت ..من صوتي .. تبي تنسى
الله يرضى علــــــــيك .. ارسل لي انفاسي !!


الشاعر /
.. هاني الظاهري ..