نصائح زكرتيه على كيف كيفك

[ابوشنب]

بسم الله الرحمن الحرحيم


السلام عليكم ورحمة الله وبركاته


هذي نصايح عربجي ياليت تطبقونها عشان تشوفون التغيير في حياتكم الروتينيه




انا عن نفسي مابي اجربها هههههههههههههههههه لكن انتو قدها


>>>ابي أورطكم


اخليكم مع العربجي وافهمو كلامه زين وحاولو تطبقونه


العربجي يقووول ....


لاحظت وانا امشي في الشارع ولا اي مكااان وجود أخطاء سلوكية في حياتنا ...


والاالمدرسة:


فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...


بسم الله نبدأ ..



الخطأ :عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...
الصحيح :تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...


ثم ..


تقوله شيل الكتب .. ومرة ثانية فتح عيونك يالوح ..



الخطأ :تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم


تلوح بيدك تتأسف ...

الصحيح :تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ...


واجلده لمين يقول العيد الليلة ...


ثم ..


قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..




الخطأ : تدخل الفصل متأخر ... يقولك المدرس اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...>>>اسأل مجرب



الصحيح :تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..


ثم ..


طلع راسك مع الطاقه... واضحك ..




الخطأ :جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم


صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه


الله يرجك والله لارد لك المقلب ..
الصحيح :تمسكه ... مع رجليه ... وتصبخه بالارض صبخ ... وتجيب علبة الببسي .. وترجه رجا مبرحا ... ثم تفتحه بوجهه ...


ثم ..


تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...


ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...





الخطأ :تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...


وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح :تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم ..


قل بينك وبين نفسك ... ماعمري أحلّق عنده ...




الخطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ..



الخطأ :ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..


الصحيح :دق على محل صحون دشاشه ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة ..
ثم واصل للصبح ...



الخطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...



الخطأ :تكتب بعد نهاية اي موضوع تكتبه في االمنتدى ان شاء الله ما طولت عليكم


الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون ......