لاتجرحيني ... وجرحك العام ماطاب

[البــــــــــدر]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تجرحيني .. جرحك العام ما طاب=
داوي بحنانك ما مضى .. واجرحيني
ياللي حنانك نظرة بين الأهداب =
ردي علي بعض العزا .. ناظريني
خافي على قلبٍ يحبك إلى ذاب =
ذاب الهوى في خفقته .. والحنيني
لولاك ما زار القمر ليل الأحباب =
ولا لوحت شمس المحبه جبيني
ولولاك .. ما يلفي على الدّار غياب=
ولا تبكي اللي فارق الدار عيني
في غيبتك كل الملا عندي اغراب=
ما أحدٍ أبي قربه .. ولا أحدٍ يبيني
لا ياغلا كل القرابه والأصحاب=
ضاع العدل في الناس لو تظلميني[/poem]