هذي قصيده لاخوي حالكم المعلا من احدى قصائده التي القاها بامسيته اللتي اقيمت بالخفجي
واليكم مضمونها
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال المعـلا حاكـم الشعـر لـه بـاب = وكلن حسب فكـره ومصـدر الهامـه
عاد اسمعوني زيـن يـاأؤل الالبـاب = مـن خلقـة الدنيـا ليـوم القيـامـه
وشئم السنين القادمه رمزهـا غـراب = وورمز السلام اوراق غصـن وحمامـه
وعند العرب متساويـه كـل الالقـاب = توحـدت فـي رمـز طيـر النعامـه
امدسسيـن الـروس كشافـة اذنـاب = نبغا السلامـه بـس مامـن سلامـه
قولو لبوش الزفت مقطـوع الانسـاب = ماعـاد يفزعـنـا بـقـوة نظـامـه
قبل امس هدد دولة الصين وش جاب ؟ = خلوه ... باكـر يعتـذر عـن كلامـه
وأمس ... يتهدد كوريا .. نابعد تـاب = خلوه .. يعـرف حشمتـه واحترامـه
واليـوم كانـه هـدد الفـرس كـذاب = الناس عرفت كيـف تقصـر خطامـه
لكن علينا .. تختصـر جـل الاسبـاب = من شـان يبقـا الكنقـرس بالزعامـه
كل مااهتزت صورتـه عنـد الاجنـاب = عود علينـا ... يعيـد فينـا الكرامـه
وكل مادنا وعـد انتخابـات الاحـزاب = فينا يفوز الحـزب .. فينـا انهزامـه
وكل مامرام الحزب في ناخبـه خـاب = فـي دمنـا المهـدور حقـق مرامـه
لابوك حاله ... حالنا غدت حالة كـلاب = وجلودنا من سـوط رايـس مضامـه
صرنا تقل خرفان في حـوش قصـاب = كـل علـى دورة تراعـد عظـامـه
من ذلنا نحسي لهم الف ابـو حسـاب = وجودنـا معهـم يسـاوي انعـدامـه
هذا ... وحنا احفاد عكفـان الاشنـاب = ماوالله ادري منين ... جتنـا الرخامـه
كنـا .. نعاملهـم معاملـة الاصحـاب = وكنـا نماشيهـم بطيـب و شهامـه
اثر اليهودي .. رفقتـه رفقـة الـداب = لا بـد ماتسـاورك .. منـه الندامـه
ارواحنـا .. بيديـن قطـاع الارقـاب = ولا علـى المسلـم بدينـه مـلامـه
المسأله ماهي علـى قصـر الاثيـاب = ولاهي على كبـر اللحـا .. والعمامـه
بس العزا مقـرون بحصـان الاطـلاب = اللي سكن في وسـط قصـر اليمامـه
عبـدالله المسطـور فكـاك الانشـاب = وان شربكوهـا خابـريـن انتقـامـه
اليا امر بالحـرب جينـا لـه اسـراب = واليـا امـر بالسلـم رهنـة بهامـه
ياما حذفت ابيات آآآآمـه علـى آآب = حيث انـي ادري كـل شيـاَ غرامـه
وش فايدة لا نلت تصفيـق الاعجـاب = وش الجمل من دون سكبـة سنامـه
قـال المعـلا لشعـر عـدة ابــواب = وكلن حسب فكـرة ومصـدر لهامـه [/poem]
المواضيع المتشابهه
العرض الشجري