اسمعوا هالقصه
وانا اتوضا للصلاه جاني اخوي الصغير وسئلني
( هو موبصغير حيل يعني صف خامس )
المهم انه سئلني وين رايح ؟
قلت المسجد ابي اصلي
قال ابي اروح اصلي معك
قلت ابرك الساعات , توض وامش معي
ويوم خلص رحنا المسجد وصلينا الحمد لله
وبعد الصلاه صار معي شي غريب
كل ما مر واحد من الجيران وسلمت عليه وقفنا شوي
إلا ونقز هالصغير في حلقي وقالي
( قله شف اخوي الصغير... يصلي اطيب من اخوانك )
وفعلاً من باب التشجيع كنت اقول للي معي
هذا فلان .. اطيب اخواني ما يصلي الا بالمسجد
مهو بمثل عيالكم مثل الحريم صلاتهم بالبيت
اخوي رجاااال
والجماعه ما قصروا سلموا عليه يشكرونه ويدعوله
لاااااااا .. واحد جزاه الله خير عطاه فلوس وقاله هذي جائزه
عاد هو مع هالكلام الحلو.. والفلوس
دوره ما تلقاه .. طار من الفرحه
وصرت اروح المسجد القاه قدامي
وشوي صرت القى معه خوياه
ماشاء الله كل واحد ماسك قران ويقرا
بصراحه منظر يشرح الصدر
تذكرت قصص اطفال الصحابه
وجت فكره في راسي
ليه ما نسوي لوحه تكريميه تعلق في المسجد ويكتب فيها
(اسماء الاطفال المحافظين على الصلاه مع الجماعه )
وممكن نوزع جوائز وهدايا بسيطه على اكثر الاطفال محافظه على الصلاه
ياليت تطبق هالفكره في مساجدنا , وخصوصاُ الان
جاينا رمضان .. شهر الخير والرحمه والغفران
شهر عباده
ممكن نستغل هالشهر في زرع محبة وتعليق قلوب اطفالنا
في المساجد
أرجو تعميم الفكرة على أئمة المساجد
يقول الله عز وجل
'وفي ذلك فليتنافس المتنافسون'
وجزاكم الله خير
المواضيع المتشابهه
اطفال الصحابه
العرض الشجري