سلخير يعني مساء الخير أقلطو لـ فنجال وعلوم ما تنقال؟؟

[(ملاذ الطير)]

سلخير

0
0
0
شلونكم كلن بشنبه المفتل وكلن بشباصتها الخضرا

وشلونكم مع البرد هالايام <<توهق بمدخل السالفه

0
0

الموهيم والله لا ادرعمها بكيفها تجي زي ماتجي

عموماً << لاحول بتسولف والا اقضب الارض







ايه شسمه الاسبوع اللي طاف كنت بأحد المولات التجاريه ابي اشتري لي عطر (ون مليون) ياهو عطر

يخقق اللي تجي دعايته بقناة العربية ((حقت سوزان تميم)) ام الحاله يالربع سوزان هذي تقولون انها اشهر عالمة

ذرة والا مخترعة شي كايد (خلصت التشبيهات) ابلشونا فيها كل ما اناظر التلفزيون الا والمصارية من

ورا قضبان الحديد يبتسون والقاضي في يده مرزبة و ناسن متبطحة برا قاعة المحكمه بعظهم مايدري

وش السالفه مير شاف هالدقرش متجمعين وعالم الله لا يوريكم .

اركدي يا قناتنا المفضله حسبي الله عليتس ماتو مشائخ ومظلومين ومجاهدين و عطران الشوارب

وانتي ما جبتي خبر حتى بالنشرة الرياضيه هالحين وش دخل ام ملاذ يوم يناظر بسوزان


لا وعجيزي ام امي ما تدري وش السالفه ماغير دموعها اربع اربع يوم سمعت ان فيه وحده مذكينها

وذابحينها قلت لأميمتي هالحين جدتي وراها تبتسي قالت ناظر التلفزيون بغيت افلق جدتي بصحن

الكليجه مير خفت لا ينكسر مسيكينه على نياتها و قلبها طيب فديت قلبها هالصغنونه .


هذي مو سالفتنا على كل حال

شسمه يوم الخميس الماضي قعدت من النوم الصبح بدري وانا آخذ لي دش سفري شلون مسكت مادري

ويم صرت تحت الدش وفي امان الله إلا والسخان ماد لسانه يطلبني الحل عز الله اني ابتروش لوني بالخلا بعد حسيت بشي زي النمل

يمشي على ظهري قلت اييييه هذي اكيد الدورة الدمويه شدت حيلها واستانست من هالنشاط اللي

اببدا فيه يومي على غير العادة
0
0
ما خذت ساعة وربع الا وركبي يوم قامت تصاك وشسمه حسيت بذوني تصفر بس على خفيف

وانا اشوف هالبرد يومن دخل مع الدريشة وهو يدخل مع جميع مسامات جسمي وهو ينفضني نفض

الله لا يوريكم تقول افغاني يرج له عصير منقه وانا اسلم نفسي لله وايقنت بالامر الواقع

وانا اتوسد الفراش من الصبح الين من العشاء تقول (حالة نفاس) والاهل الله لا يوريكم

مستلجين هاك الليله اللي يجيب كمون ويحطه بمرق واللي يجيب كاس زنجبيل

واللي طابختن ليمون SGHMKJI لا وخيتي اصغيرة قالت صديقتي جاها هالمرض

وحرصت امها انها تشربها بردقوش انا الى هالحين مادري هذي نبته والا عاصمة جيبوتي الوكاد

كلن قام يجرب فيني قلبوها الكتور جابر القحطاني ابو عشبه

واذا سألتهم عن هاللي يحطـونه لي : قالو اذكر الله وانطم !! انت ماتبي العافيه؟

قلت هين ابيها مير لا تضيعون مستقبلي همن اصير طعام جحوش وربي اني ابي اعيش مثلكم

ويومن يأذن المؤذن للصلاة وانا ازعق الصوت واناديهم يقربون لي السجادة تقول شايبن يحتري

منيته ، ومادري من الهلوسة احس برجلي اليسار ترف وتنفضني واذا ناظرتها توقف حسيت

يا انها بها انهيار عصبي من المرض او انها تستهبل علي مسويتن مقلب

0
0
ويمن جا الليل وهو يرخي سدوله علي << اكشن مو ابي ادخلكم جو القصه

بيني وبينكم ارتعت شوي ما فيه الا انا وعلى ماقالو لا حس ولا نِس وهو يبدى جسمي يعرق

وعيوني تنافص تقول غريق وانا اتوكى على الجدران تقول توني خلصت من الحبي وبديت امشي

محاولاتي كلها اني ابي المطبخ

شسمه ابي آخذ لي كمون اسود مع شوية حلتيت << تراي وربي مادري وش ذا مير ان اميمتي

يومن توصف لخالتي هالوصفه حفظتها المهم رحت وافتح الثلاجة مرتن شسمه اطلع ساردين

ومرتن ليمون ومرتن مايونيز عجزت القى وصفة عجيزي الله يخليها لي.

ويومني توهقت بالمطبخ ابي افك طلاسم هالوصفه الشعبيه ما قدرت ((وللاحاطة تراي قروي ومانعرف

هالحبوب اللي تضفونها من الصيدليات ما نعرفها)) رجعت لفراشي واتوسده

شوي وهي تنفضني رجلي اليمين قلت ابناظر فيها يمكن تهجد شوي وتفك هالحركات!!ASERFDGTYU

ناظرت همن بحلقت مافيه امل خمتها ام الركب يازين رجلي اليسار وربي عويقله ماهيب تطول علي

مير هاليمين راكبتن راسها ولاني معبي عينها بها هبال.ن زايدن شوي وانا افز واقرب سجادة

جدتي سديم << ايه هين وانا اروح اوضي واصلي واروكع عشان اذا الله خذا امانته

تكون خاتمتي زينه اللهم آمين ويغفر لي ممشاي مع ولد المنزوي ايام المراهقه

والله لايوريكم يجيني ابليس هاللعين يقول لي يارجال فكك من الصلاة واسحب لك سيدي لفيروز

وشغله وعش جوك يمكن تغير حالتك النفسيه وانا انفث ثلاث عن يميني شوي ويجيني مرتن ثانية

يقول طيب مزعل فرحان وانا انفث عشر ماهوب ثلاث واتعوذ من وسواسه

شسمه شوي وانا اشوف هالسواد المقبل علي مع الباب وهو يجيني شيطان ابليس براسه يقول لي

هذا ملك الموت جاك يا ملاذ يبيك بسالفه طويله شوي<< اممم التفكير ياشيخ


وانا اللي تضيع علومي واقطع الصلاة ويتكهرب جسمي اناظر




0
0
0
0
0
الا وهي الوالده مبتسمه << فديت هالضحكه يا بعد طوايفي انتي

وش السالفه؟




قالت انت هالحين تصلي يابعد حيي؟

0
0

قلت وشرايك بالله سجادة امك وهالطهر والجلاء اللي معبي خشتي من نور الايمان


اكيد اني اصلي
0
0
تبسمت همن قالت : هالحين اللي يصلي قبلته شرق ؟؟؟؟




0
0
قلت بخاطري : وشلون لو شد علي المرض زيادة .. تهقون وش بيصير فيني

0
0
قالت : شلون صحتك يا عين ابوي هالحين؟
0
0
عاد لازم اتدلع شوي واشوف نفسي

0
قلت والله لك عليها ماهوب بطيبه بالحيل

0
0
قالت : تبي حلتيته ؟ .. وش ذي يالربع اخاف انها بنية مضيعينها اهلها بالحكير لاند

0
قلت فكيني الله يرحم والديك بطني صار من هالشعبيات مثل الصرافه ايداع من دون سحب

0
ارتميت بفراشي تقول الدعيع قاضبن كورة بالثمانيات وتمنيت حزتها

اني ادفع مال عمري كله وانعم بالعافية

0

العافيه يالربع ما مثلها وربي انها تاج ما يقدرها الا اللي غاص بمرضه

0
0
قربنا نخلص تحملوا


0
0
مايستفاد من هالسالفه اللي مانتهت لين الحين هي كالتالي :

1- الدش لا تستامنه تراه سلاح ذو حدين مثل الطيارة والفرن << امم التشبيه

خصوصا هالايام اللي قبل المربعانيه يا انه يسدحك بفراشك مثل سيء الذكر اعلاه

او انه يخليك تلق وتنزرط


خامساً - اللي يلعب عليك ويقلك ما مثل الادوية العشبيه خررراطن نصابن ما عندة ماعند جدتي

راعية السجادة عزتي للبروفين والمضادات الحيويه اللي تا خذها من الدختور بنفسك


الامر الثالث عشر- اعافية والستر تاجن على روس العرب الصاحيه مايشوفها الا طريحين الفراش

((والله مانيب هين راعي امثله منتازة))


تاسعاً - ياخي رح طق لك ابرة حقت انفلونزا وريح من هالحين وافتك من الغثا


اخيراً - تخبرون لي واحدن يبي يشتري فراشي اللي قلت لكم عليه ترا عليه

استكر مكتوب عليه ((استخدام حشمه))


0
0
والسلام يالبردقان

وماتشوفون شر