ليالي والوالفـا والشـوق والدمـع الأصيـل
روحت مع موكب الأحزان في ماض الليـال
والسهر ومعانق الأحـلام والـدرب الطويـل
السبب فيها هنوف(ن) في خفوقـي لا تـزال
أقبلت مثل الهوا لا عانـق أطـراف النخيـل
وأرحلت مثل الضمى لا صاح من خلف الزلال
ياوجودي يـوم أناظرهـا وتشـر للرحيـل
وجد من مالت سنينه مثـل ميـلات العقـال
مابقالـي منهـا ياكـود دمعـات(ن) تسيـل
يوم لفت ترتجي وصلـي ولا جاهـا مجـال
الوفي لامن بكـا لابـد يبكـي مـن غليـل
دمعته لا روحت تروي حكايـات(ن) طـوال
في خفوقي تبكي الأشـواق وأهاتـي دليـل
وفي عيوني تحكي الأحزان عن قهر الرجـال
والله إني مابغيت أنسـاك يالصبـر الجميـل
لين شفت إن التواصل بيننا شي(ن) محـال
علميهـا ياسحـاب الهـم بالقلـب العليـل
كيف تتركني بحر الشمس من عقب الظـلال
وخبريها ياحروف الحب عن عابـر سبيـل
واحـدن ماحبهـا ياكـود عفـه وإرتجـال
وذكروها في حياة البدو جيل(ن) بعـد جيـل
كيف كنا نستر العذراء ولا نخشـى القتـال
يابري حالـي وياوجـدي ليـا زاد الفتيـل
وأستضاقت فسحة الأظلاع من بعـد الـزوال
وياوجودي لا برق جرحي وعبراتـي تخيـل
ولاحت أمزون المحاجر وأنتثر دمعي وسـال
وياوجودي لا أرتويت الهم عقب السلسبيـل
وجد أهات الكويتـي فـي نهـار الإحتـلال
وياوجودي يـوم أناظرهـا وتشـر للرحيـل
يوم لفت ترتجي وصلـي ولا جاهـا مجـال
ابونوره
المواضيع المتشابهه
الليالى و الوفا
العرض الشجري