أمس وأنا قاعده بالمكتب ... مسكت الجريده ... وقعدت أقرى
ورحت بفكري لبعيييييييييييد ... وقلت :
ياربي على أمريكا ... ترسم وتخطط ... موحق سنه أو سنتين
لااااااااااا من أيام شاه إيران
ماتذكرونه ...
شاه إيران كان إمبراطور أبا عن جد ... وإلا قصوره شي عجيب
كلها صارت متاحف ألحين ... بفضل الله ثم حكمته ...
في ذاك الوقت أمريكا تطالع من بعيد الخليج
وتقول يووووووه ... الخليج يبيله شغل
أول خل نضارب القوتين ... العراق مع إيران
بس الشاه قوي .... طيب شنسوي ... ؟؟؟ إيه بس لقيتها
وبدت أمريكا تحرض شلة الخميني من تحت إلى تحت ...
اللي كانوا برا إيران .....
وصارت حركة إنقلاب وهددوا الشاه بالحرب الداخليه
(( أمريكا تتفرج مستانسه ))
بس الشاه مايبي إراقة الدماء .... ولايبي إيران بقصورها تتدمر
ترك كل شي ... وقال راح أترك لكم كل شي ... بدون حروب
واعتقد سافر معا أهله إلى فرنسا ....
الله مثل مابغت أمريكا .... وطبعا مثل ماانتم عارفين صارت الحرب العراقيه
الايرانيه .... اللي هدت حيل الجيشين ...
بس أمريكا شافت إن مدخل الخليج الشمالي مازال قوي ....
عطت العراق غمزه من تحت إلى تحت لدخول الكويت
حتى تجي أمريكا وبطلب رسمي وتقضي على جيش البوابه الشماليه
أوكي
الحين أمريكا دمرت أفغانستان ... والعراق
(( حاصرت إيران ))
ولها أكبر قاعده في قطر ....
يعني حلمها من سنين تحقق
واليوم تهدد أمريكا إيران وسوريا بأنهم سيكونون التاليين
طبعا إيران رفضت أمر أمريكا لها بإيقاف النووي
(( وهذا راح يكون عذر أمريكا في إعلان الحرب ))
الايرانيين يقولون احنا كيفنا مثل ماأنتم يالامريكان عندكم نووي
هم احنا عندنا .... (( والله يستر ))
طبعا بشار ... (( الرئيس السوري )) سافر إلى بوتين (( مال روسيا ))
يبي سلاح
وشارون قال لهم طردوووووووووووووووووه
ورجع بخفي حنين
والله يستر ... لاتقوم حرب عالميه ثالثه
ولوحدث ولو خطأ بشري بهالنووي اللي عند إيران
عزالله رحنا فيها
طبعا آراء الجميع أتوقع معروفه ...
وأنا كتبت هالموضوع غرضي تبادل فكري ثقافي
واللي عنده شي يفيدنا فيه فياليت يسعفنا
وسلامتكم
المواضيع المتشابهه
أمريكا ... والتكتيك البعيد المدى ... دعوى للنقاش ...
العرض الشجري