ليلة الغيّاب ( لقلوبكم )

[فهد المويهي]

[poem=font="af_najed,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جرح قلب اللقا ..\ حزن الغياب وليلـة الغيّـاب = وخيط من السهر قيّد .. جفون وعيـن ماغابـت

وليل من العنا يسدل \ سـواد ويجـرح الاهـداب = يظن فيه السمـا ذابـت \ وانـا ادري ولاذابـت

ولقانا تكسي متونه ثيـاب البعـد ..\ والعـرّاب = لمتون اللقا دايم .. شبـاب الـروح لـو شابـت

يهد حيلي دروبك يالهمـوم السـود والاسبـاب = جرح عيني هدب عينك \ ونظرة عيـن ماخابـت

تشوفك تدفن الروحين .. في يـدّك تـزم تـراب = يهاب ارواحنا قبرك ..\ مـدام قلـوب ماهابـت

وكان انت الغياب اللـي قـدر ويفـرق الاحبـاب = معي تبطـي ولاتقـدر بعـاد اللـي هنـا نابـت

ياخالد لاتقـول شلـون ؟ سكّـر باليديـن وذاب = يذوب ان كان مبلوله \ يدي في ضمتـه طابـت

أحبه يالجنون اللي هـذا بالتمتمـه ثـم صـاب = خلايا المخ والعقـل ايهـذي بضنـون مااقتابـت

يا انثى كل مامالت ..\ تطيح من السمـا اسـراب = يا انثى لا اقبلت كل النسا لـو حاضـره غابـت

ياقيمة طيب لو سالت علـى تشريـن ينبـت آب = يامهره خلفهـا الريـح وبناتـه عنهـن نابـت

يادولة حب سوّرهـا الغـلا ..\ يافتنـة الكُتّـاب = ياعاصمة القلوب البيض تربـى فيـك وترابـت

نفسها لاحكت .. ينثر حروف بنكهـة الاطيـاب = تشيب الغيد ثـم تبطـي حريـمٍ مثلهـا جابـت

وراحـت ليلـة البـارح بعـد ماكشـر الانيـاب = هذا البعد ... \ يااااروحٍ هنـا والله مـا ارتابـت

ياعمري والغياب ان كان لبّسنـا ظـلام غيـاب = شعلت من الاصابع نور ..\ تبّـت يـدّه وتابـت

حبيبي لايهمـك لوبعـاد اسـود وظلـم اقـراب = ولاتنـذّل دام انّـي معـك للمـوت انـا ثابـت

ياليل البارحـه مـد السـواد وقطّـع الاطنـاب = ورمحك بالضلوع العوج لـو انـه غـدا نابـت

وحتى البعد لو صـار الظـلام وليلتيـن اغـراب = هنا روح ... وهنا روح ... وهنا ماسبت لوسابت

ولو ضلع اللقا تكسر ..\ له ضلوعي ولا ينعـاب = واذا يدّ الامل تقصر ..\ نمد له كفـوف ماعابـت

وقلبك ياللقا طاب ونبض ..\ واجتمعـوا الغيّـاب = وقطع خيط السهر رمشي .. وعين بنومها غابت
[/poem]