يالله ترحمنا بعفوك ورحمتك

[عبدالرحمن الميزاني]

[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
يالله ترحمنا بعفوك ورحمتك = يالله ترحمنا وترضاعلينا

ياذا الجلال الي عظيمه جلالتك = يالله تقدرنا رضا والدينا

اقولها وانا حياتي بدبرتك = مدري متى سهوم المنايا تجينا

جاني غلام وقال نبغا نصيحتك = وحنا لنصحك كلنا سامعينا

قلت استمع ونكان دنياك غرتك = ترا الليالي تفجع الغافلينا

واكبر فخر انك بالاسلام فطرتك = لك الفخر انك من المسلمينا

لكن عزز مع إلهك علاقتك = أد الصلاه وكن من الصايمينا

وأد الزكاه ولا تهاون بحجتك = وهلل وكبر والعرب نايمينا

واحرص على الي باول العمر ربتك = امك امانه لو تطو لالسنينا

الي بطول الوقت تسهر لراحتك = يمك تناظر كل ساعه وحينا

وابوك يحسب ويتحرا رجولتك = يبغاك بين الناس حصن(ن) حصينا

وعلى القرايب لاتكاثرزيارتك = وخلك من اهل الطيب والشاكرينا

وعلى رفيقك لاتماري بزلتك = وابعد عن اهل الحسد والحاقدينا

واهم حاجه يابن الاجواد سمعتك = احرص عليها واترك الخايبينا

ماكل رجال يتمنى سلامتك = ولاكل مخلوق(ن) تحطه ضنينا

واصبر على الزله من الناس لاجتك = وخلك حكيم وساعد المعسرينا

وعند الضعايف لاتدور لحاجتك = خلك شجاع وصاحب الطيبينا

ولامن عكفان الشوارب تحدتك = اقلط على الجزله بجنب(ن) متينا

افرض على الشجعان طيبك وهيبتك = والله على كل الدعاوي يعينا

ومن دون حقك لاتردا عزيمتك = طب البحر واسبح مع السابحينا

حتى ولو هذي تقرب منيتك = الموت حق وكلنا ميتينا

وموت الشجاعه فيه تحسب شهادتك = اخير لك من صحبت التافهينا
[/poem]