قآآلوآ : لقيط ورآس ماله هدومه ,!

[لذة ح ـــــــب]

تقول :
آثناء فترة تدريبي .. وبالتحديد في وقت الوجبه " او مايسميها البعض بالفسحه "
كنت منهمكه بـ آطعام احدهم فكانت مقعده على "كرسي متحرك"
وبينما وانا اتحدث ببعض الاحاديث مع تلك
الطفله المقعده ..

وآذا وبتلك الفتاة الفائقة الجمآآل والنعومه تقطع حديثنا قائله ..

الفتاة : انتي موظفه جديده ولا متدربه ..!

هي وبكل خوف وحذر منها : لا حبيبتي انا متدربه وباقي لي
اسبوعين وبروح لمقر عملي ..

الفتاة : طيب ليش ماتقعدين هنا على طول ..؟!

هي : لان تعييني بمكان ثاني ياقلبي مو هنا ..

الفتاة : طيب ممكن اقولك شي ...؟!

هي : تفضلي حبيبتي وش تبين ..

الفتاة : انتي احسن منهم كلهم اذا مريتي علينا الصبح
تبتسمين واذا جيتي تطلعين تودعينا ..

هم بس يهاوشون ومايحبون يقعدون معنا ..

هي : .................؟!!

الفتاة : تدرين اني انا بدون اصل ........؟؟!!

هي وبـ ارتباك وتوتر : مافيه احد ماله اصل وكلنا بشر
والله خلقنا من طين وبنرجع للطين ..!

الفتاة : اجل ليش هم شايفين انفسهم علينا ولا احد يحبنا
او يفكر يحاكينا ويقعد معنا ..اذا كان عندنا هموم ومشاكل محد يفهمنا ..
"وبداء صوتها بالتقطع "صحيح ان احنا بدون اصل بس
مالنا ذنب بغلطه غلطونا اثنين ...

هي : من قال هالكلام حبيبتي كل اللي هنا يحبونكم
ويخافون عليكم وعادينكم بناتهم ..!

الفتاة : لاتكذبين علي انا ماني صغيره واعرف وافهم..!
بقولك شي .. تدرين انا مره كذبت على وحده
من صديقاتي بالمدرسه وقلت لها اني انا اصلي ..........
وصادقتني وصرنا مثل الاخوات واكثر اتفسح معها ..
وصرنا قروب كامل وقلوبنا على بعض بجد حبيتهم وارتحت
معهم بعدين تطورت علاقتنا في بعض وصارت تطلب مني اني ازورها ..
وانا ماقدر اطلع من هالملجىء حدي المدرسه والمستشفى وبس ..
وصرت اصرفها واقولها اهلي مايرضون قالت خلاص وين بيتكم وانا اجيكم
وكل مرهـ اصرفها بشي واطلع لي عذر عشان ما انفضح وتعرف اني بالملجىء ..
ومره قالت لي بنطلع فالويك اند للملاهي تعالي معنا..
وماعاد اقدر اتحمل اكذب عليها اكثر من كذا
وقلت لها اني بدون اصل وعايشه بالمجىء .. !
تدرين وش سوت ..؟!

هي وبكل انصات وذهول : وش سوت ..؟!

الفتاة : راحت لكل القروب وقالت لهم عن السالفه
وصاروا يتهربون مني وماعاد يحاكوني ..
ورجعت وحيده وغبت اسبوعين عن المدرسه وصرت ما عاد اروح ..!

هي : طيب كيف قدرتي تكذبين عليهم وانتم كل يوم تروحون
مع الاخصائيه الاجتماعيه وترجعون معها ماشافوها معكم ..!

الفتاة : انا صرت اترجى الاخصائيه ماتنزل وتوصلنا للباب وتروح
عشان محد يعرفنا وتسبب لنا احراج ورضت ..
وصرت اذا وصلت للمدرسه بسرعه اتهرب من بنات الملجىء
اللي معي واروح بعيد عنهم ..
تخيلي اروح بسرعه لدورة المياه واخذ لفه كامله
على المدرسه بس عشان محد يعرف اني تبعهم ..!

هي : ...............؟!

الفتاة : ادري ماعندك شي تقولينه .. لان كلكم كذا ..
ماتقدرون تواسونا ولا حتى تخففون عنا ..
بس حبيت اقولك انك طيبه مره رغم اني ماتعاملت معك ..
بس ابتسامتك لنا كل يوم حببتنا فيكـمو بس انا
حتى البنات اللي معي كل "قسم الضيافه" يحبونك ..
بس كلهم خافوا يتقربون لك وتصدينهم مثل الباقين ..

هي : حتى انا بعد احبكم ونفسي ادخل واقعد معكم بس
تعرفين الوقت ماره ضيق ويادوب اخلص تدريبي واطلع ..
" ماحبت تقول لها ان مديرتكم رافضه ان بنات التدريب يحتكون
في بنات الضيآفه خافت تجرح احساسها "..!

ملاحظهـ " قسم الضيافه " عباره عن قسم في بعض مراكز التاهيل
والمؤسسات العامه لرعاية المشلولين
وملاجىء الايتام ودور الرعايه ..
يضم عدد كبير من " اللقطاء " ...

صبـآح / مسـآء .. معطـر بروح الصفـآء
تتلآلآ فيه نجومـ السمـآء ..وتتهـآتف نسمـآتهآ بـآلآخـآء ..
صبـآح / مســآء زهرآ ينظر شذآه فـي
ربــوع الرائــــدية ..

هذا الحوار آعلاهـ دار بين فتاة "لقيطه " ..
واخصآئيه نفسيه اثناء تدريبها في مؤسسه رعاية المشلولين ..!
عرفت بتلك القصه من الآخصآئيه نفسها ..
بالفعل لاآعلم كيف اصف مشاعري تلك اللحظه
واثناء حديثها ..
صعب علي حال تلك الفتاة والكثير غيرها ممن بنفس وضعها ..!

* لماذا لايتقبل المجتمع هؤلاء اللقطاء برحابة صدر وتودد وعدم خوف ..؟!

* فـ آذا كان ابواهما قد اذنبا ..

فماذنبهم بغلطه غلطها اثنان اثناء لحظة ضعف وحضور شيطان قد زين لهم الجريمه ..!
آسئله بالفعل تدرو في مخيليتي لم اتمالك اعصابي عند سماعي لتلك القصه ..!
قد يكون العيب فينا نحن ..او فالمجتمع نفسه ..؟!

ليس من الضروري ان يكون اللقيط " ابن غير شرعي " ..قد تتعد الاسباب في ذالك ..!
ربما غلطة اثنان قد تزوجا زواج مسيار " حيث ان احد شروطه عدم الانجاب "
وخوفاً من تدهو العلاقه بين الطرفين قاما برمي الطفل ولم يفكرا في مصيره ..
او قد يكون الابوين يعانون من امراض نفسيه اوعقليه ..!
فقاموا ذويهم بنذ ذالك الطفل ورميه ...!

آعزآئي منتدى الرائدية .. بالفعل حقيقه قد نغفل عنها ..!

* ماهي نظرتكم لتلك الفئه " اللقيط /هـ " ..؟!

............................. * هل تقبل/ ين الزواج من " لقيطـ/هـ " ..؟!

...........* صآآدفت /ي " لقيط /هـ " في احد الاماكن العامه وآخبرك عن وضعه ..
ماردة فعلك ومدى تقبلك لكونه " لقيط/هـ ..؟!

موضوع رآقني لفآئدته وإختلاف الرأي به
بـ آنتظاركم ..!

لـ آنفاسكم ..
لذة ح ـب