تشيز دولسي دي ليش

[حنين]

المقادير:

الطبقة الاولى :
½ 1 كوب بسكويت دايجستيف مطحون
3 ملاعق سكر باودر
50 جرام زبده ( ½ باكو )


الطبقة الثانيه :
جبن ( فلادلفيا ) تقريباً علبتين الاربع مقاس 200 جرام او كرتونين جبن (ابو ثمان حبات)
3 بيض
⅓ كوب حليب سائل
¼ ملعقه صغيره ملح
1 علبة دولسي دي ليش ( أو علبة حليب محلى مركز كبيره )




الطبقه الثالثه:

شوكولاته خام
زبده
قشطه


( للتذكير الحلويات الغربيه لازم المقادير بالضبط)

الطريقه


الطبقه الاولى:

يخلط البسكوت والزبده والسكر

ويوضع البسكوت في الصينيه بعد نغليفها من الخارج بقصدير بدون ضغط عليه بس ترتيب او في قوالب الكب كيك بعد وضع ورقه البليسيه بالقالب


تدخل الفرن عشر دقايق فقط ثم تطلع لتبرد



الطبقه الثانيه :


هذي صوره (دلوسي دي ليش)



واذا مالقيتيه هذي طريقه تصليحه:

جيبي علبه نستله العاديه وحطيها في قدر كااتم (الضاغط) وحطي نص القدر مويه وحطي علبه النستله فيه وسكري القدر وخليها على النار ساعه ونص بييصير لون النستله مثل الصوره هذي بني وثقيل مررررررره



نأخذ جبن الفلادلفيا وتخلط بخلاط الكيك حتى تصبح سلسه وناعمه
نضيف له البيض واحده تلو الاخرى مع الاستمرار بالخفق
ثم الحليب والملح ونخفقه بعد ذالك نضيف علبة دولسي دي ليش
ونخفق حتى يصبح الخليط ناعم ولا يوجد به أي تكتلات
يصب فوق البسكويت ويدخل الفرن على حمام مائي

يترك في الفرن الين يتماسك تقريبا 45 دقيقه

وبعد ما يخرج من الفرن يترك ليبرد ثم يدخل الثلاجه ليتماسك وكل ماطوول بالثلاجه كل ما تماسكت الطبقه اكثر



الطبقه الاخيره:



تذوب الشوكولاته الخام ويضاف لها الزبده والقشطه

ويصب فوق التشيز







وبالعافيه عليكم











ترى من جد لذيذ لحد الثماله
<< تقلد بعض الناس اللي مو اسمهم لأجل اشتياقي




بم انه اخذ وقت طوويل بالتصليح لازم صور كثيره له

[اميرة الكون..]

تسلم يدينك يآعسل..
شكله يشهي..
تقبلي مروري..

..اميرة الكون..

[حنين]

ياهلا باميره الكوون


منوره بطلتك

[شوق الغلا]

رووووووووووووووووووعه


وش هذا الزين ..


منتي سهله ..


كل هذا السنع ومدفون ..


بجربها ان الله احياانا ..


دمتي بود ..

[حنين]

ياهلا بشووواقه الحلوة


جربيها

اختي انهبلت عليها تقول من حلاة طعمه بيدخل بموسوعه جينيس خخخخخ

[goree]

اي والله لذييييييييذ لحد الثمآله
<~ ذايقته يعني

شكله يشهي
بس اول مره اشوف دولسي دي ليش .. هذا
واما طريقه حليب النستله فـ حلو انها تؤدي لنفس الطريقه
بس طريقته خطيرة وتخوف حسيتها ..

بس الاقتراح الامثل
اني اذوقها من يدك
وخوفي ان عقب مااكلها من يدك
يجيني السكر ..
حلا الحلا وحلا يدك
تحمست للحلا اللي بيدخل الموسوعه

عوآآآآآآفي لقلبك ياقلبهم

[ابو البراء]

والله تحفة فوق الخيال ما شاء الله عليك تغيبي وتجيبي <<تستحق التجربة
تسلم الايادي
طيب الان لما تحطي الطبقة الاولى 10 دبالفرن وبعدين ترجعيها كمان 45 د على الحمام احس المدة كثيرة اخاف تنحرق!!!







111

[حنين]

<<< استحت من كلام جووي




تسلمين يالغلا






بس لا تلمحين ماراح اسوي شي خخخخخخخخخ

[حنين]

ياهلا بابو البراء



منور بطلتك



وان شاء الله تجربها وتعجبك




وماتنحرق لأنها بحمام مائي



على ضمانتي جربها

[لأجل اشتياقي]

[align=center]
وعليكم السلام ورحمة الله وبركاته


ما شاء الله تبارك الرحمن

ياويل قلبي قلبآآآآآآآآآآآآآه

هذي اللي بتخلينا نلحس الشاشات

بالفعل هالحلى هذا

حد الكلافه...لكنه واضح انه جميل حد الثماله


ونبي تصوير فيديو للطبخه ما صرت اركز بالكلام المكتوب من شكله اللي يهوس هوووس

او تصرفين نفسك وتذوقيني ..ولا تقولين ابشري تراني شبعت من ابشرآآتك

وليومكم ذا ما شفت شي هع



ماشاء الله عليك

بس تراك هبطي عزيمتي لما قلتي اخذ وقت ..اجل انا يبي ياخذ ايام ههه

وبعدين اعجبتني الصوره الاخيره اللي مطعسه على خويتها

قاعده تقحص هههه..يبدو انك بجانب طباخه ايضا مصوره
وبعدين من كثر هذرتي ما دريت هالكلمه صايره حقتي هع

تدرين من علمني ان فيه حركات وحسنات صايره تمطر علي وانا مدري


العصفوره قوقله الحلوه ههههه


[/align]