جـوع الـمـشـاعـر

[عقيلي المجلاد]

[align=center]
السلام عليكم ورحمة الله وبركاته

اعتذر عن الغياب الطويل واقدم نصي الجديد على امل ان يشفع لي عن فترة الغياب الخارجه عن ارادتي
[/align]

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

لاتزيد الجرح ياطب الجروح=لا تعذبني وانا ميت عذاب
والله إن القلب من هجرك يفوح=ميت"لوكان صدري له حجاب
شايل"جثة خفوقي فوق لوح=محتري موعد على رحلة غياب
ياتجين وكل قلبي لك سموح=ونهتني بالعمر دامنا شباب
او تغيبين وتهدم لك صروح=وتنطوي صفحة غرام" بالكتاب
يالحمام اللي على غصنك تنوح=هضتني بالصوت والشوق استجاب
ساهرن ليلي مع الهم الكبوح=كن همي سيف وضلوعي جراب
اسمحيلي يالغلا اكتب وابوح=عن غرام" من سببه القلب ذاب
الهوى والعشق احساس ووضوح=والهوى ياغايتي ود وعتاب
لو تروح القلب يبقى دون روح=ياحياة القلب ياملح الزهاب
ياذكرت ايام ضحكك والمزوح=والليال البيض والشمع المذاب
والعبير اللي من احساسك يفوح=والغنج ياسيد تلعات الرقاب
والجديل اللي على خصرك يموح=والخدود البيض والغر العذاب
والله إن الحزن من صدري يروح=كيف ياعشتك حقيقة لاسراب
ياضيا برق"على صدري يلوح=ينتظر منك ولوقطرة سحاب
لاتصير بمد حبك لي شحوح=المشاعر ميته جوع وشراب
مال عيني في هوى غيرك شبوح= مالك" للقلب ساحات وهضاب
تدري انك في ظلام الليل ضوح=وتدري إن الجو عقبك في ضباب
وتدري إنك قمه وغيرك سفوح=وتدري ان العمرمن دونك خراب
ياحسين القد يالوجه الصبوح=شوف راسي بعد ماغيبت شاب
لاتصيري مع غثا الوقت اللحوح =ارحبي والصدر كله لك رحاب
يادوا قلبي وياطب الجروح=لاتعذبني وانا ميت عذاب
[/poem]