[align=center]مساك الله بالخير .. هـذي شروط شيابنا بعـد مشاورات ومطاقات وحقـوق إلخ . دوووك
التسجيل في ~*¤ô§@@@@@§ô¤*~ مفتوح ومجاني يعني ببلاش ، لكن اقــرا هالشروط قبل تسجـّـل .. وإن كنت ما تبي تقراها فـ بكيفك بس تراها سارية المفعول قريت ولا ما قريت (( وش فيه ينافخ؟؟ )) :
1. أول شي الدين هـنا الدين الاسلامي يعني انتبه تقول كلمتن تهوي بك في النار سبعين خريف .. لكن لو بتجي وبتسوي فاهم وتجي تفتي من جيبك وتتميلح أو تخبص لنا بحتسي مهوب بالدين أو شي ما نفهم فيه أو تحط توقيع و صور مال أمها داعي .. ترى نبي نسوي فيك شي مال أمه وأبوه داعي .. أعجبك أهلن وسهلن .. والمسلمون على شروطهم..
2. انتبه على روحك من الخياش الحمر ..السياسه لا تحوّم حولها ولا تقول بأجرب هي شي يوكل؟ .. ترى اللي بيفتح عندنا مواضيع سياسيه ومصارعه حره .. نبي نجيب واحد دبّي يثبّت ثمّ نجيب لعيب كورة عندنا يشوته وهو حافي بعد ؛ والله يارجيلاته أقوى من البوت .
3. عـندنا المشرفين عند الغـلط قشران بالحيل ، اللي يبي يجرّبهم يتميصل ويسبّ أخوه بالمنتدى ، والسبّ أنه يخرّب أخلاقه ويهذري بحتسي مشفـّر .. والله مايدري إلا وهو يطلطل من تحت الباب .
أما أنك تذب الميانه على أخوك وتمزح معاه بكلام قوي هـذي عـادي .. وقلنا فرّقوا بين الحتسي القوي والحتسي الوصخ .
4. الأعضـاء في هالمنتـدى كلهم أخوان .. لا فرق بين وبين ......إلخ ( إلا بالمشاركات )
يعني سالفة أنك تشيل في نفسك على أخوك .. أو تشيل في نفسك بخصوص أي موضوع ما نبي هالشي يصير عـندنا
فـ إذا براسك شكوى أو شي للتطوير لا تكتم بنفسك ثم تجيك عاهه .. كافي اللي فيك وأنا أخوك .. رح لمكتب المشرف العام وقل اللي عندك كله .. وابشر باللي يرضيك بس ما نبي حركات الابتدائي والبثاره اللي مالها داعي ونقلب المزح جدّ .. ترى اللي بنمسكه وهو يتهاوش مع أخوه نبي نرصّـه بمشعاب من بعـدها يصير مستخف بألف ليله وليله.
5. ترى وظيفة العمدان قصدي العُـمـد ( المشرفين ) .. هو التنظيم
فلزومن علينا نحترمهم ونحترم قوانين كل منتدى ، وندري أنهم إن مزعـوا مواضيعنا فلأنهم يحبوننا .. فـ لا نخرّب شغلهم .. فهم منكم وإليكم وعلشانيكم (( قلبنا سوداني علشان السجع )) .. فرجاءن محد يتدخل بشغلهم بتاتن البتة
6. إن كنت تبي تسجّـل معـنا فـ هذا معناه أنك موافق وأنت في كامل قواك البدنيه (( العقليه مهوب لازم )) على أنك ما تحشر هالأفنس ( خشمك يعني ) في شؤون الإدارة ، ولا تسجّل علشان تسوي اعـلانات لمنتديات ثانية ( مع أننا قلنا عيال الابتدائي لا نشوفهم ) .. وترضى باللي ينكتب تحت اسمك .. ولا تجي تقلقنا بكره وش هاللي كاتبينه تحت اسمي .. ترى بنعطيك قطتك ونذبـّـك مع الدريشه و وراك دبّة غاز بعـد يرتاحون العالم منك .
الحين إن وافقت على هالشروط اللي فوق اختر اسم محدن اختاره قبلك .. وتعال خنبق وسولف و وسـّـع صدرك مع أخوانك وإذا أنت من المثقفين أو حساس وتكتب شعر ونثر فالمحل محلك وحياك عندك منتدى الصدز والجادّين وغيرهم
ما وافقـت .. ما نقدر نسوي لك شروط بلحالك والله يسهل دربك أدعس علامة × تلقاها فوق بالكورنر على اليسار ..واستر ما واجهت وترى الدنيا فانيه
وافـقـت .. حيااااك مع أخوانك وياليت ترعـص على (موافق) بشويش
=======================
إيه نعم موافق على شروطكم في ~*¤ô§ @@@@@@ §ô¤*~ .
و إن شاء الله ما تشوفون مني إلا كل علمن غانم
منقول للأماااااااااااااانه[/align]
المواضيع المتشابهه
العرض العادي
