[align=center]بسم الله الرحمن الرحيم
هذه القصيدة التي ألقاها الشاعر ممدوح المسطح في مسابقة " شاعر الشُعراء "
و الذي أنسحب من المسابقة هو و 7 شُعراء من السعودية بعد أن طالبوه اللجنة بالإعتذار للقناة
و رفض الإعتذار و خرج من المسابقة ..
إليكم القصيدة .
[poem=font="Simplified Arabic,4,gray,bold,normal" bkcolor="transparent" bkimage="backgrounds/1.gif" border="inset,4,gray" type=2 line=0 align=center use=ex num="0,black"]
يادارنا سجي مع الندر الفيح =سجي سجيج المقلصه والركايب
وان زرفلوبك زرفلي للمدابيح =غر النجوم المدبحات الرقايب
خلي مراميع الرجال المشافيح =ولدي بعينك للوغى والحرايب
مايكسب الطولات كود الزحازيح =والا الردي ماهو عن الطفس تايب
يالهامله يالهامله خلي الشيح =الربع ربعي طيب ولا غصايب
على سنامك داب جر المفاحيح =يفح ويداعب نسيم الهبايب
والخرج به عقرب وخنجر وزرنيح =والطرش عنك انحا نحي السحايب
باطرف حجا النبنوب سامرتي الريح =امسبله للزيف شهب الذوايب
هجرس لك الخايب وذب المساريح =خبلن كبير شدوق والعلم خايب
ان هللوا هلل يرد التسابيح =وان صفقوا صفق بليا سبايب
وان افتلوا واستفزعوا بالمفاتيح =ماهو على نقض الملازيم جايب
يالهامله سلك الخرز بالمسابيح =اذا انقطع اظن مابه غرايب
والحنظله احيان طب التباريح =والي جرعها من وزى الضيم هايب
والبرق قبل الديم للغيث تلميح =بس الحيا لاقيض القيض شايب
قفت سنينك والليالي مشاويح =منك العرب مابين طعن وطلايب
بقريح دجي يالجزيره وبقريح =تنطحي لحيام سود المصايب
وانتي ياداري مع هل الندر الفيح =يوم اللزز خليك قبل الركايب
وان زرفلوبك زرفلي للمدابيح =غر النجوم المدبحات الرقايب[/poem]
علما ً أن هذه القصيدة لا تمسّ قطر لا حكومةً ولا شعبا ً .!
و إنّما المقصود فيها هو ( فيصل القاسم )
تحياتي لكم
[/align]
المواضيع المتشابهه
العرض العادي
