شاركوني بأرائكم بتعامل الدوائر الحكوميه بالخفجي

[حبيب الطرفاوي]

مشكور علي هذا الطرح /كل الادارة الحكومية ولعسكرية تعاملهم ممتاز جدا اما مستشفى للاسف للاسف موبس المستشفى المستوصفات الحكومية الشمالية والغربية وكيلو 8 كلهم خدماتهم ضغيفه من ناحية الاستقبال والاصيدلية وا الممرضين والدكتور تعاملهم ضعيف جدا اتمني ان نرى في الايام الاقادمه تحسن افضل من قبل
ولــــــــــــــــــــكم منـــــــي افضــــــــــــــــــــــل تحياتــــــــــــــــــــــــــــــــــــي

[agg767agg]

[align=center]
أخواني ......... عزيز نفس , حبيب الطرفاوي الله يعطيكم العافيه عالمشاركه الجميله .

تعقيبا على مشاركة الاخ عزيز نفس ..
بالنسبه للبلديه فحدث ولا حرج ..... وأخص بالكلام قسم ( صحة البيئه )


ياليت تتعدل أمورهم ويسهلون اوامر المواطنين ..

أتمنى التوفيق للجميع ...
[/align]

[لاتبتعد ارجوك]

السلام عليكم ورحمة الله وبركاته
اولا حبيت اشكرك اخوي على موضوعك اللي صراحه لو غير شي بالخفجي لصار اقوى موضوع ..
ثانيا / من ناحيه الادارات الحكوميه فيه زين وفيه الشين والاغلبيه مرمطه وقلت حيا ..

الجوازات / احلى تحيه لهم صراحه تغيرت بشكل ملحوظ والشكر لله ثم لمدير الجوازات وللموظفين لاهنتم على ماتقدمون ..

الشرطه / الحمد لله ماعمري راجعتهم ..

المرور / صراحه الف شكر لمديرها العيسى والف شكر للموظفين على سير المعاملات حسب النظام شي طيب منهم صراحه .. ولاهنتم على ماتقدمون ..

البلديه / صراحه اذا ماتعرف لك احد صدقني بتقووووول يالليل ياعين وبردون الموظفين عاش بو حسين .. يعني تمشي نظامي بيسحبون فيك وبيهبلوووونك .. مااشوف تغير الا المدير حاشرنا هاليومين ولا ودنا بالواسطات وشغل الدنفسه ..

مكتب العمل / عمري كله وانا اراجع عندهم من يوم كنت صغير الا ان كبرت وللحين ماطلعت بواحد بالميه فايده منهم .. لا من وظيفه يوم خلصت الثانويه ولاحتى معامله خلصت تعفيد في تعقيد والموظفين بالايدي العامله تقول انك ذابح له احد منفس ويزمر وولايعطيك زبده وربي حرام عليهم الدين معامله واخلاق ماهو بمسلم وخلاص لازم تصير كفو للمكان اللي انت فيه فبكره وراك حساب عند ربك .. ويعني ارجع وقول ماعندك واسطه منا منا بيع جح عند مكتب العمل اللين تخلص اوراقك ..

المستشفيات / بما اني ممرض اقول ربي يعين الموظفين ويلهم الصبر للمراجعين ..

المحكمه / الحمد لله مايوم مرمطو فيني ناس مو مقصرين وخاصه كتاب الضبط يكتبون بيدهم مساكين عسا تنتهي مشكلتهم ويحطون لهم كمبيوتر .. ولاهنتو على ماتقدمون ..

الغرفه التجاريه / كل يوم لهم مزاج .. ربيع اكسبرس ..

التامينات الاجتماعيه / لاتهش ولاتنش يعني اسم على غير فايده مكتب بس يرسل اوراق والدمام توصلهم ويرمونها يعني على قولت المثل ( صبه لنا لبن ) .. ماقول غير الله يعين كل المراجعين ..

ان شاء الله اني قلت اللي في خاطري والخافي اعظم .. وعسا ان نشووووف شي وتغيرات في الخفجي لانها ديره تستاهل من يرفع قدرها صراحه ياحبي للخفجي وهل احب سواها

[حبة سكر]

اذا اردنا التقيم الحقيقي ف التغيير بالمدراء هو الاجدر بالذات القدماء اتمنى التغيير لكي يتجدد النشاط
فدائما الدوائر الحكوميه هي الافضل من غيرها
شكرا لك

[القصيده]

رفع شـكــ وبارك الله فيك ـــرا لك ... لك مني أجمل تحية .

[بو حمد]

[align=center]
[align=center]
عفية والله لموظفي الأحوال المدنية بالخفجي بسرعة إنجاز معاملات المواطنين .
اما محكمة الخفجي فلازال الملف الأخضر موجود ضمن طلباتهم والتأخير الغير طبيعي .
[/align]
[/align]

[هين]

[align=center]
السلام عليكم ورحمة الله وبركاتة :

اخي الكريم صاحب الموضوع لك مني الف شكر على هذا الموضوع
وهذا الحرص في سبيل الارتقاء بمستوى الخدمات الحكوميه

ياليت تسمحون لي بابداء وجهة نضري الخاصه بهل موضوع

بشكل عام تضل الخفجي افضل من غيرها بالف مره على مستوى الخدمات الحكوميه طبعا ماهو تفاني منهم ولكن لقلة التعداد السكاني بطيبعة الحال

***************
1- البلديه : من اهم الدوائر الحكوميه دائما وبالخفجي لهم جهد واضح للاعيان ولكن فيه بطئ في التنفيذ لاسباب خاصه فيهم
ولكن اعطيهم 7 من 10 يستاهلون

**************
2- الشرطه : دورهم جيد جدا وماهناك ملاحظات كثيره عليهم ولكن فيه موضوع المطالبات الي فيها شيكات ياليت يكون تنفيذ الامر فوري وبلا محسوبيات ومعارف لان الخفجي صغيره وكل الناس تعرف بعضها
اعطيهم 8 من 10 يستاهلون

*****************
3- الجوازت بشكل عام : الامور طيبه بوجود العساف الي يتعامل بكل حزم وشخصيته مؤثره بشكل كبير على موظفي المنفذ بدون قصور بالسحيباني والله ..
ولكن يعاب عليهم وهذا اشوف كثير يشتكي منهم بالمنفذ انهم لايعرفون الابتسامه وماخذين الامور بجديه اكثر من اللازم
يبه مشوا النظام ولكن بابتسامه منتوا خسرانين شي
شوفوا موظفي الكويت اول ماتجيه يرحب - قوه - ويعطيك العافيه
واذا خلصك قالك مبتسما بالسلامه ..

الدعوه كلها خفه نفسسسسس مو اكثر

اعطيهم 8 من 10 يستاهلون

*****************

4- المحكمه : يااااااااااساتر بس ابشركم سمعت انه قريب بيركبون كمبيوترات وطابعات ونصير زي العالم
للحين وكالات + وصكوك = بخط اليد
ابكم القيصومه الي كبر الكيلو ثمانيه استلمت منهم صك ارض وشحلاته صغنون مطبوع كمبيوتر من النوع الجديد جنه البخت ههههههههه
بعدين المشايخ ياكثر مايغيبون .. واذا داوموا جاو بعد الظهر
لا ياجماعة الخير نبي اهتمام اكثر .. الله يجزاكم خير
اعطيهم 6 من 10 يستاهلون

****************

5- المرور : هذولا ماشاء الله اعطيهم 9 من 10 على طووول
الحمد لله صارت المعامله تخلصها وانت واقف
وكلمة ارجع بعد الصلاه خلااااااااااااااص نسيناها اهم شي تكون امورك نظاميه
بس فيه شغله بسيطه وهي بصراحه مو بس هم يسونها
الي هي موضوع الواسطات والمعرفه
يعني انا اخسر على سيارتي فلوس ووقت وتعب الين افحصها دوري
واجي ادفع 400 ريال تامين
وغيري ينقل سيارته لافحص ولا تامين
مانقول لاتفزعون عادي والفزعه طيبه بس اعدلوا او فتحوا عين وغمضوا عين عشان محد يعصب

بمناسبة موضوع الفحص الدوري
تحيه حب واتقدير الى مدير محطة الفحص الدوري
ابو جـــــــــــاسم
ونعم الرجل على خلق ومايقصر ويعرف كيف يرضي الناس وبالنظام
والكل يمدح فيه والله ...

****************

6- جمــــــــــرك الخفجي :
هذا عاد موضوع طويل كبير عريض .. ولكن يشهد الله ان موظف الجمرك يتعب بشكل محد يتصوره .. وفيه شغل جبار ولكن مايقدره الا الناس القريبه نهم .. اما المسافر بيمهرم دقايق ويبي يخلص ..
الف شكر مدير الجمرك وكل موظفي الجمرك وعساكم على القوه

*****************

هذا كل مالدي واكرر الف شكر على هل موضع الحلو

واسف اذا زعلت احد ولكن يضل كلامي راي شخصي فيني

وسلامتكم ...
[/align]

[*عاشق الخبر*]

السلام عليكم ورحمة الله وبركاتة
بالنسبه للموضوع لاجديد
أنا أقترح أن تسميها بأسامي أشخاص ..... لابأس
الجوازات... تواجد بدرى وتنجز أمورك
جوازات المنفذ...حسب الزحمه
المرور... أبتسم ونكت وتخلص
الأحوال المدنيه.... أوراقك سليمه تخلص
مكتب العمل.... جهز فلوسك
البلديه.....هم جهز فلوسك
الشرطه....أعرف فلان تخلص
المحكمة.... حسب مزاج الشيخ اذا كان رايق تخلص واذا كان زعلان أحتمال كبير يسجنك
التأمينات.... نصب وأحتيال


تذكر أنك حينما تمزق ستائر الخوف ستزيد ثقتك بقدراتك


شكرا

[agg767agg]

اقتباس المشاركة الأصلية كتبت بواسطة *عاشق الخبر* السلام عليكم ورحمة الله وبركاتة بالنسبه للموضوع لاجديد أنا أقترح أن تسميها بأسامي أشخاص ..... لابأس الجوازات... تواجد بدرى وتنجز أمورك جوازات المنفذ...حسب الزحمه المرور... أبتسم ونكت وتخلص الأحوال المدنيه.... أوراقك سليمه تخلص مكتب العمل.... جهز فلوسك البلديه.....هم جهز فلوسك الشرطه....أعرف فلان تخلص المحكمة.... حسب مزاج الشيخ اذا كان رايق تخلص واذا كان زعلان أحتمال كبير يسجنك التأمينات.... نصب وأحتيال تذكر أنك حينما تمزق ستائر الخوف ستزيد ثقتك بقدراتك شكرا

[align=center]
الله يعطيك العافيه أخوي عاشق الخبر عالمشاركه ... وعلى إجابتك المختضره :d
[/align]

[agg767agg]

اقتباس المشاركة الأصلية كتبت بواسطة لاتبتعد ارجوك السلام عليكم ورحمة الله وبركاته اولا حبيت اشكرك اخوي على موضوعك اللي صراحه لو غير شي بالخفجي لصار اقوى موضوع .. ثانيا / من ناحيه الادارات الحكوميه فيه زين وفيه الشين والاغلبيه مرمطه وقلت حيا .. الجوازات / احلى تحيه لهم صراحه تغيرت بشكل ملحوظ والشكر لله ثم لمدير الجوازات وللموظفين لاهنتم على ماتقدمون .. الشرطه / الحمد لله ماعمري راجعتهم .. المرور / صراحه الف شكر لمديرها العيسى والف شكر للموظفين على سير المعاملات حسب النظام شي طيب منهم صراحه .. ولاهنتم على ماتقدمون .. البلديه / صراحه اذا ماتعرف لك احد صدقني بتقووووول يالليل ياعين وبردون الموظفين عاش بو حسين .. يعني تمشي نظامي بيسحبون فيك وبيهبلوووونك .. مااشوف تغير الا المدير حاشرنا هاليومين ولا ودنا بالواسطات وشغل الدنفسه .. مكتب العمل / عمري كله وانا اراجع عندهم من يوم كنت صغير الا ان كبرت وللحين ماطلعت بواحد بالميه فايده منهم .. لا من وظيفه يوم خلصت الثانويه ولاحتى معامله خلصت تعفيد في تعقيد والموظفين بالايدي العامله تقول انك ذابح له احد منفس ويزمر وولايعطيك زبده وربي حرام عليهم الدين معامله واخلاق ماهو بمسلم وخلاص لازم تصير كفو للمكان اللي انت فيه فبكره وراك حساب عند ربك .. ويعني ارجع وقول ماعندك واسطه منا منا بيع جح عند مكتب العمل اللين تخلص اوراقك .. المستشفيات / بما اني ممرض اقول ربي يعين الموظفين ويلهم الصبر للمراجعين .. المحكمه / الحمد لله مايوم مرمطو فيني ناس مو مقصرين وخاصه كتاب الضبط يكتبون بيدهم مساكين عسا تنتهي مشكلتهم ويحطون لهم كمبيوتر .. ولاهنتو على ماتقدمون .. الغرفه التجاريه / كل يوم لهم مزاج .. ربيع اكسبرس .. التامينات الاجتماعيه / لاتهش ولاتنش يعني اسم على غير فايده مكتب بس يرسل اوراق والدمام توصلهم ويرمونها يعني على قولت المثل ( صبه لنا لبن ) .. ماقول غير الله يعين كل المراجعين .. ان شاء الله اني قلت اللي في خاطري والخافي اعظم .. وعسا ان نشووووف شي وتغيرات في الخفجي لانها ديره تستاهل من يرفع قدرها صراحه ياحبي للخفجي وهل احب سواها

[align=center]
والله بالنسبه لتعليقي على كلامك بأول سطر إن الموضع لو غير شي لصار أقوى موضوع أقولك للأسف أطلع وشوف الردود كم والمشاهدات كم !!!
وبتعرف إنه مراح يتغير شي ... إذا الواحد مستخسر يبدي رأيه كيف تبي المسؤول لمى يشوف الموضوع يلقى ملاحظات ..



بس حلللللللللللللللللوه عاش بو حسين هههههههههههههههههههههههههههههههههه

وصدقني لو تجيبلهم خالد الملا ماخلصت هههههههههههههههههههه
[/align]