هذا انا مستاء

[مخاوي الشوق]

آلمدخلِ

كل صوره كنت : اصورها معاك ،
كنت جنبك شخص يجبر : مدمعه !

لأجل اقول أن شفتها وانا بجفاك ،
هذا أنا : مستاء / رغم إني معه !!

آلنصَ :

العبره اللـي لهـا يوميـن تخنقنـي
خذيت منها على مر الزمـن عبـره

آفرح ليا بان وآحزن لاسـلا عنـي
إلين ماصرت في دور الهوى خبـره

تآمرني آنساك بنسى ويش يمنعنـي ..!
لكن لياجيت في بالي وش الدبـره ..؟

خذيتنـي سالـي ودالـه ومتهـنـي
ورميتني شـاعرٍ ساهر على حبـره

الله حسيبك على الضيقـه معودني
ياكاسر الخاطر اللي شوفتك جبـره

تطلب وآنفذ وآبي قربـك وتجهلنـي
كني طلبتك تحفـر البيـر بـ الأبـره ..!

تقول :- يامكرم القيفـان تخدعنـي
وآقول :- بعدك كفنه وغيرتـه قبـره

طيفك على صدك وبعدك مصبرنـي
لو كان طيفك يشيل القلب من صبره

آمهلتني للزمـن والوقـت مهملنـي
ياحـر كبـدي على حاجـات منثبـره

واللي سرق بالي وحيّـره وآشغلنـي
طاريـك لامـر وش دخلـه بالنبـره

موج الغلا يم سيف الشوق يدفعنـي
ياقرد حظي معى شفّـي وياغبـره

إليا طلبته يقـول آسـف وفارقنـي
اللي معى مايعـل النفـس ياكبـره

ولا انت ياحزبة الضامـي معذبنـي
متى نصادف طريقٍ نلتقي عبره ..؟

آبتصل فيك لاا ..! مانيب متعنـي ..!
آخاف لاقلت ( آلوو ) تخنقني العبره

مَخرجِ

يالله نروح ننام ،
الليل … تعبنا !!

يجوز بالأحلام ،
نلقى : حبايبنا !

[دانة الكون]

قممممممممممه التعذيب
يحفر بير بابره
تشبيه اليم
صح لسان الشاعر المبدع
الف شكر ع الانتقاء المميز

[شموخيے غير]

يعطيك العافيه ع الطرح الرائع

[عذبة الاوصاف]

خذيتنـي سالـي ودالـه ومتهـنـي
ورميتني شـاعرٍ ساهر على حبـره


روووووعه الابيات وبذااات هالبيت اتعبني حييل

يعطييك العاافيه .. تقبل مروري

[مخاوي الشوق]

شموخي غير الغلا
دانة الكون الغالية
عذبة الاوصاف الغالية
الله لايهينكم على مروركم والرائع

[الدووووخي]

روووووووعه ..

صح لسااانك ..

[سـَمآ ♪]

تسلم ع الاختياار....|~

[نجـد]

ابهرتني
جداالابيات

رااائعه و كالعاده انتقاء مميز
يسلمو الانامل مخاوي
تحيتي

[مخاوي الشوق]

الغلا سماء واخي الحبيب دوخيي والرائعة نجد لكم حبي واحترامي وودي ولاهنتم على المرور والكلام الجميل