لولا الحيا ومسابق الطيب والجود
ماشفتني ياصاح صدري شمالـي
ولولا إن بعض الهرج ياتيك منقود
لقيت صمتـي للمـلا راس مالـي
وإن جات زله من هديفه ومقـرود
ماحركت شعـره ولاضـاق بالـي
أنا رجل واثق ولاأعتـاز لشهـود
حتى تزكينـي علـى قـدر حالـي
ونا الذي لاجـات للنعـم والـزود
خذيتهـا لـو كلفتنـي حـلالـي
ربيت فالدنيا ونـا رفعتـي عـود
متنومسن بإسمه على أول وتالـي
أصبر وصبري لو على شمخ الذود
تبرك ونا متني جبل فـوق عالـي
ولو الليالي في عيوني غدن سـود
أصبر على الدنيا و جور الليالـي
وإن عادت الفزعه مع قروم وسنود
حولي بني عمي وحولـي خوالـي
كل رجل بالدنيا له خطوط وحـدود
حتى لو إنه كـان بالعيـن غالـي
خطوا رجل يمزح على غير مقصود
يجيب له منقود لـو كـان خالـي
وعمر التكبر مارفـع آدمـي زود
الكبـر لله والبـقـى ياحـلالـي
بكره تموت وياكل بجسمك الـدود
ماهـو بنافعـك الكبـر والتعالـي
العقل نعمه والجهل ماجلـب فـود
مار إن بعض الخلق ماهو مبالـي
كنز القناعه فالرجاجيـل موجـود
والحمـد لله دام صـدري شمالـي
المواضيع المتشابهه
العرض العادي
