لا تشتكي للناس والجرح مدفـون = اكثر فضول الناس عـاده قبيحـه
السر خله وسط الاضلاع مكنـون = خلك بطل والداب تسمـع فحيحـه
العاذل اللي مـع وكالـة يقولـون = يكفيك عن ذمه مقاصـد مديحـه
من عذرّب الوافين شيطان ملعون = ملعون راع التفرقـه والفضيحـه
ومن رافق الابطال مايقبل الهـون = يموت مايرجي كفـوفٍ شحيحـه
بس الوكاد وزبدة القول مضمون ؟= الروح من شرهاتهـم مستريحـه
العاقل اللي مطلّق أيديه مسجـون = في عالمه عايـش حيـاةٍ مريحـه
لو قالوا انه صايب الراي مجنـون = حكمـة قديمـة للرجـال الفليحـه
مثل الجبل ماهزه الريـح تـدرون = (راس الشمالي) والعباره صريحه
راس الشمالي عادته مانـزل دون = فوق الجبـال النايفـات البديحـه
لا ذعذع الهاجس مضامين ولحون = على بياض الطرس لون القريحـه
أسرجت خيل الشعر باعماق مفتون = مثل الزلال العذب شهده وريحـه
يوم أشتعل في خافقي نار غليـون = صديت عن كذب الكلام وصحيحه
زبنت ربي خالق الناس والكـون = سبحانه اللي مايخلـي نطيحـه ؟
عندي قناعه والعهد درع وحصون = لا غابوا الغالين نفسـي سميحـه
ماهمني لو كـل أبوهـم يعذلـون = الراس شامخ والاراضي فسيحـه
أصد عن دمعـة يتيـمٍ ومحـزون = وأشوم عن شوف النمور الجريحه
الطعنه اللي بالخفا رمح مسنـون = بيدين صاحـب ياعسى الله يبيحـه
غلطه ولكن مالها أسباب وظنـون = مدلولها عنـد العقـول الرجيحـه
مرت ثمان سنين والقلب مطعـون = الجرح ينزف والهـقاوي طريحـه
لاجيت أسلّي خاطري هم وشجون = رؤس الافاعي بالخـزى مستريحـه
قصة مسلسل والبطل هام بعيـون = عيون عـميـاء والامانـي ذبيحـه
مليت من ناسٍ هدفهـم يعرفـون = مـن فـعلهـم غاياتهـم مستبيحـه
الذيب يقنب ونبحة الكلب بالهـون = لاقفى قوّي البـاس يبـدى نبيحـه
راع الردى في نيته طاح مرهون = غـره زمـانـه ماسمـع للنصيحـه
وأن جارت الايام وأصبحت مغبون = ابعـد عن النمام يرخـص مديحـه
.
.
.
المواضيع المتشابهه
العرض العادي
