حاره

[حمد الدليهي]

امر لي حاره على شان رجال
وان غاب ماعبرت حاره ولا ناس

ماهمني وجبه ولا شرب فنجال
اشفق على اللي كاسبٍ كل نوماس

وان شفت وان ماشفت في بعض الاحوال
احط في تغيير الاحوال مقياس

لو للمشالح شي في قدر الازوال
ان كان حطوها البشر رمز ولباس

ماعشت تركيبة محنط وتمثال
لاصار من فوق الكنب بعض الاكياس

هياكلٍ تلبس لها شماغ وعقال
ماهمها لو قدرها فيه تنداس

وان صار فيه اقوال ماهي بالافعال
فرقّت عظم الساق عن هامة الراس

حددت مطلاعي قبل كل مدخال
واصل الذهب يبقى ذهب ماهو نْحاس