رقم وااااحد في ( الحب - الطبخ - الفصاااحة)

[رقم _ واحد]

أه أه أهلا وسهلاً

طبعاً أهلا وسهلا هذي يقولوها النااس لمن يكونوا محصووورين :p:p( يعني حشرانين) ويحتاااجوا الحمام ،،، لكن يفاجؤوا بواحد قاعد يغني في الحمااااام،،، يقوموا يقولوا أهلا وسهلاً من القهر....


ندخل لموضوعنا طواااالي ولكن بعد المقدمة


المقدمـــــة

الحياة مليئة بالتجاااارب والخبراااات ،،، يعني كل يووووم يمر عليك لازم تستفيد منه شيء وإذا ما استفدت شيء فمعناااه إن اليوم هذا مر بدون ما تستفيد شيء يعني يووومك ضااايع ،،، لكن أنا قلت هذا الكلام لأعز أصدقاائي اللي دائماً معي جلس يضحك ساعتين ،،، وفي الأخير يقووول،،، أنا أدري إنك ما عندك ما عند جد جدتي،،، بس من وين جبت هالكلااااام،،، قلت له من راااسي ،،، قال اذلخ انت وراااسك،،،


الله يقطعه مدري من وين عرف إني نقلت هالكلام من مجلة;)،،،، شكله يشتغل مرااقب دوولي خااص فيني،،، لأني 24 سااعة اشوووفه ويشوووفني شكله ياخذ رااتب وأنا ما أدري،،،



المتأمل في موضوعي والمتأمل في المقدمة رااااح يعرف إني ما عندي أحد،،،، ما أقصد إنه مافي أحد جنبي،،، أقصد يعني مالي داااااعي،،،، ويوم فكرت أكتب هالموضوووع كاااان قصدي إني أفيد وأستفيد،،، لأن الحياااة مليئة بالخبرااات والتجااارب،،، لكن أدري إني فاااااشل وما أعرف وشلوووون أكتب ،،، لكن أحب أجرب ،،، لأن التجاااارب مليئة بالحياااة (( قصده الحياااة مليئة بالتجااارب،،، لكن بدأ يخرف وسااامحووه هذي المرة ))





المــــوضــووووع

يوووم من الأياااام اللي فااتت،،، يعني عدت،،، بمعنى مشيت،،، يعني راااحت،،، كنت جااالس لوحدي أحاااول أناااام ،،،، لكن النوووم عيا يجيني،،، لأني كنت أفكر في شي أقدر أنجح فيه ،،، لأني طلعت فاااشل في كل شي،،، قلت خلني أنجح في الحب ،،، وما أدرااااك ما الحب ،،، سمعت هالكلمة من شخص يقووول أنا خبير في الحب،،، عجبتني كلمته وقلت لااااازم أتعلم منه وأصير خبير في الحب،،،، لكن مشكلتي ما أعرف وين ألقى هالحب عشااان أتعرف عليه ونصير أصحاااب،،،


فكرت ورحت لواااحد مهموووم ،،، هذا الشخص يدرس معي في المدرسة،، ودااائماً يكتب الحب عذااااب على الكراااسي والماصااات حتى مرة كان قاعد يلعب كووورة وانكشف سرووااااله ولقينا مكتوووب الحب عذااااب،،، أنا عجبتني كلمة عذااااب،،، تذكرني بجهنم والعياااذ بالله،،، رحت له وقلت ياخي وش يعني الحب عذاااب،،، قال يا رقم واااحد ما عمرك جرربت الحب،،، قلت للأسف ما حصلي الشرف،،، وشلون اجررربه؟؟؟ هو مثل الدخااان؟؟؟ ،،، اقصد إذا جربته بيعجبني،،، قاااال إياااك تحب وإنت ما تعرف شي عن الحب،،، لأنه عذااااب،،،


قلت وش يعني الحب??،،، قال يعني تقعد تقكر في واااحد 24 ساااعة وونفسك تكلمه ونفسك تجلس معه ونفسك تسووولف معه،،، قلت إيييييه ،،،، فهمت ،،، أنا الغبي أحب وأنا ما أدري،،، لأني 24 ساااعة أفكر في كابتن مااااجد ياخي نفسي اجلس معه وألعب معه في فرييق واااحد،،،،


وما مداااني أكمل كلاااامي وإلا وزميلي نتف شعر راااسه كللله ،،، ومشى وهو يسب فيني إلين اختفى عن الأنظااار،،، قلت شكلي من جد أحب عشااان كذا ما قدر يتحمل الحب إللي أحبه قااام شرررد،،، قمت كتبت الحب عذاااااب ورسمت شيطااان جنب الكتااابة لأني ما اعرف أرسم قلب:68،،،،


المهم رجعت للبيت ،،، وسألت أمي وش يعني الواحد لمن يحب واااحد ،،،، قالت يعني يذلخ راااسه ويرووح ينااام،،، طلعت لغرفتي وأنا أفكر أحب أي شي،،، حتى لو كاااان كيس زبااالة،،، المهم أجرررب الحب ،،، رحت لغرفتي أناااام وأنا أفكر وش يعني الحب ،،،، صحيح الكلمة مكونة من حرفييين ،،، لكن ما ادري وش يعني حاء وباااء،،، اقتنعت قبل ما انااام إن الحااء تعني حمااااار ،،،، والبااااء تعني غبي (( صرفوها هالمرة عشااني)) ،،، ركبت الكلمتين طلعت حماااار غبي،،،،،، استغربت،،، لكن قررت إني أتعرف على أي حماااار ومو شرط يكووون غبي ،،،، لكن حمااار كبداااية إلين يجي حمااار غبي اتعرف عليه،،،، رحت سوووق الحمييير،،،، وأدوووور على أي حمااار وسيم (( الله يقطعك تقول بتتزوج)) ،، لقيت حماااار كبييير يا شينه ويا ضخااامته ،،، قربت جنبه وأنا اللي أغمز له،،، وهو يضحك!!!! الله يقطعها من ضحكة تقووول تفحيييط،، هييييي هآآآآآآآآ،،، الله يقطعه ،،، لغيته من القااائمة،،،


رحت أدووور على حماااار عشااان أحبه (( الله يقطع الحب اللي تعرفه يا الغبي )) لقيت حمار صغييير يا زينه ويا حلاااااته،،، قربت منه ،،، وإلا ألاقي عيووونه عسلية،، غمزت له بعيني (( من قال إني رايح أعاااكس؟؟)) إلا وهو اللي يستحي ويغطي جبهته،،، أنا فرحت أول مرررة وااحد يحبني،، إلا وشوي يروووح عند حمااار ثاااني ويتركني،،،


وأنا اللي أنصدم ويجرح مشاااعري،،، حتى من كبر الجرح اللي جرحني إياااه صرت أمشي وما أشوف شي من كثر الدم إللي طلع من هالجرح،،، وعرفت معنى الحب عذاااااب،،، وتذكرت القوول العظيم الذي يقووول بأن الحياااة تجااارب وخبراااات،،، وقلت هذي تجربة وأخذت منها تجربة لكن في الأخير بصير إنساان خبييير ((أقووول لا يكثر ،، إنت لو تعيش 1000 سنة ممكن تكتشف وتاخذ خبرة بإنك كنت حماااار طوااال هذي الفترة))....!!!


رجعت للبيت واحط راااسي وأحاااول إني ما أنااام،،، ماكنت أبغى انااام،،، لأني كنت أبغى اصيررر مثل اللي يحبووون وما يقدرووا يناموا ،،،، لكن المشكلة أول ما حطت رااااسي نمت بدون ما أدري عن نفسي،،،

اليوم الثاااااني في المدرسة حكيت لصااحبي عن تجربتي في الحب ،،،، وقلت له كيف حبيبي خانني وراح لوااااحد ثاااني ،،، سألني حبيت من؟؟؟؟ قلت له واااحد حماااار،،، قال ياخي استحي مو عشااان ما حبك تقوووم تسبه وتقول عنه حمااار ،،، ياخي كل واااحد يحب اللي يحبه،،،، قلت له ياالغبي،،، اللي حبيته حمااااار صغيييرررر،،،، وقف صااحبي وقاااال حماااار صغيير؟؟؟؟؟،،،، قلت له إيييه حمااار صغيررر يعني لااازم ضروووري يكون حمااار غبي،،، أنا ما لقيت حمااار غبي قمت تعرفت على حمااار صغييررر،،، لكن المشكلة إنه خاانني،،،

وهو اللي يستغرب وبدأ يبكي وما فهم ولاشي ،، قلت له حزنت على حااالي صح؟؟؟؟ وما رد على سؤااالي،،، شكله مرررة متأثر من المووووقف،،، حتى صااار يشهق بقوووووة وفي الأخيررر قبل ما يموووت قااال ابعد عني ولا أشووفك مرة ثااانية،،،، المسكيين شكله مررة متأثر بالمووقف...

فكرت وفكرت وفكرت واتخذت قراااري
قررت إني أحب أمي وأبوي،،، لكن طبعاً هذا الحب مو عذااااب ،،، بالعكس حب حلووووو،،، رجت لأمي قلت لها أنا قررت إني أحبك؟؟؟ قالت وانت من أول كنت تكرهني،،، قلت لا،،، لكن بجرب الحب،،، قالت خل اللي بيننا صدااقة وبس،،، (( تحسب إني بتعرف على بنت واخترتها هي))


قلت شكلي في الحب نجحت ،،، خلني أدووور شي ثاااني أنجح فيه،،، وكالعاااادة رحت لبيت الأفكااار اللي هو السرير بيت الأفكااار قبل النووووم،،، فكرررت وقررت إني أجرب أصيييررر طبااااخ،،،، يعني أطبخ اي شي،،، وأجرررب وصفاااات جديدة من راااسي،،، طبعاً الطبخ فن راااقي وله أذوواااق مختلفة،،، يعني يجيك واااحد يحب الفصص مع الفشااار وهو قاعد يتفرررج على المباااراة،،، ووااحد يحب ياكل موووز وهو قاااعد في الحماام،، وواحد يحب يشرب كلونيا ،،، وواحد يحب ياااكل مظبي على البخااار،، وااحد يحب ياااكل سيريلااااك،،، وواحد يحب يشرب حليب نيدو،،، يعني النااااس أذوااااق...


قررت إني أطبخ وصفة خطييررررة،،، تعجب كل النااااس،، فتحت كتااااب الأحياااء،،، لأنه فيه درس يتكلم عن هضم المواااد الغذااائية،،، قلت خلني أحط كل المواااد الغذاائية المووجووودة،،،، وجبت هذي المقااادير ( خبز – لحم بقر – فول – فاصوليا – سمنة فااارم – بكت دخااان ملبووروو أحمر للمدخنين – سكر – نشاا – قارورة كلونيا – ملح – بيرة - بقدوونس – طماطم – تفااح – زنجبييل)......

وقمت أقلب الأكل يمين ويساااار طبعاً الدخااان ولعته وبخرت الأكل بالدخااان،،، إلين صار الأكل يكح ويكح،،،، وطلع بخاار من الأكل وكتب على الهوااء ( الدخاان سبب رئيسي لأمراض السرطاان والرئة والقلب) قمت ضحكت على الأكل وقلت على مين تلعبها؟؟؟ والله لأطبخك حتى لو قلت أي شي؟؟؟،،، قااام رد علي وكتب بالدخااان ( كل تبن ) قلت له كل تراااب،، وقعدت اقلب وأقلب وأقلب،،، إلييين صاار الأكل أسوووووود،،،،


ونزلت الشااارع أبغى النااس يذوقوا الطبخة الشهية،، لأني قررت إذا نجحت الطبخة بطلع في تلفزيون المستقبل وأشرح لهم هذي الوصفة الشهية،،، بعد ما طلعت الشااارع كل واااحد يمشي جنبي أذوووقه،،، بعد ما ياكل أول لقمة أشوووف وجهه يصير ملووون يعني بنفسجي على أصفر على أخضر ،،، وبعدين يقوووم يطلع شي غرييب من فمه،،، أحياناً يطلع شي أًصفر،، وأحياااناً برتقااالي،،، وأحيااناً أسوود ،،، وأحيااناً بنفسجي،، كل واااحد حسب شخصيته ((يقصد الطراااش الله يكرمكم)) وكل واااحد بعد ما يطلع هذي الأشياااء الغريبة يقوم يسب كل أهلي (( قصدي كل وااحد أهلاوي)) اقوم حتى أنا أسبه عشااان هو اللي بدأ،، ويوم اكتشفت إن النااااس ما عجبهم الأكل،،، رحت لأقرب زباااالة،، ولقيت 3 فئرااان ،،، وقطتين ،،، يلعبوا عسكري وحراااامي (( وفي روااية حبشة،،، وروااية شرعت)) ويوم شفتهم قلت لهم وقفوا لعب ،،، جا وقت الغدا،،، قاموا يناظرون فيني وكأنهم يقولون وش هو الغدا؟؟؟ قلت لهم اكلة محصلتش،،، قام جا قطو ينااظر في الصحن وهو مستغرب،،، وبدأ يشم الأكل وبعده قررب فاااار ،،، وناااظر في الأكل وبعدين عطاااني ظهره وشفته يحرك فمه وهو معصب ،،، كأنه يقووول الله يلعن الشيطااان،،،


شكلهم مو مقتنعين بالأكل،، قمت جررريت ورااهم عشان ألقمهم الأكل بالملعقة ،،، وهم اللي يشردووون وكل واااحد يقووول لثاااني يالله انحااااش،، وبعد ما حبستهم في الركن،،، قلت وااحد وااحد عشان الأكل ما يخلص،،، وشفتهم يبكوون ويترجووون وكأنهم يقولون الله يخليك ويرحمك فكنا ما نبي ناااكل،،،، وأنا اللي أقووول يالله وراااكم مستقبل ومدرسة لااازم تتغذوون بشكل جيد،،، وشفتهم يحاولوا يداافعوا عن نفسهم وكأنهم أطفااال ما يبغوا يشربوووا الدوااء،،، وبعد ما أكلوا نص الصحن،،، لقيتهم يتعرجووون وكأنهم بيموتوا،،، قمت فكرت وقلت طبعاً الهنووود يحبووون الفلفل خلني أحط فلفل في الطبخة عشااان الهنووود ياكلووونها،،، وطبعاً بعد ما حطيت فلفل كثييرررر،،، الصحن اختفى من الأنظاااااار،،، واتلحس كللللللللللللله،، وبالعااافية


رجعت البيت واكتشفت إني ناااجح في الطبخ،،، وقلت لأمي إني طبخت ،،، قالت خل اللي بيننا صداااقة وبس،،، قلت لها لااااا ،، ما قلت أحبك،، قلت إني طبخت،،،، قااالت معليش ما فهمتك،،، لأني أول مرة أسمعك تقول هذي الكلمة،،، قالت وش رااايك ترووح لسريرك عشااان تنااام،،، قلت أبشري يا أماااه (( قصده عربي فصيح )) بعد ما طلعت السرير قعدت أفكر في كلمة أمااااه ،، قلت شكلي عااالم في اللغة وأنا ما أدري ،،، وقررت إني أصير نحوووي،،،، (( نحوي ولا نحوك ولا نحو الطريق ،،، شكلك مالك داااعي))

المهم صحيت في الصبح ،،، وقلت لأمي أين الفطوور يا أماااه لأني جيعااان،،،، قالت وش تقووول،،، قلت أين الفطووور؟؟؟ أريد أن أروح إلى المدرسة الحين؟؟؟ قالت شكلك حلمت إنك في زمن امرؤ القيس،،، شف فطووورك هناااك،،،


بعد ما اكلت الفطووور رحت للمدرسة،،، وجلست لوحدي إلين جاااني ووواحد وقاال رقم واااحد هلا والله وشلوونك؟؟؟ قلت أنا بخيرٍ والحمدلله،،، كيف أصبحت ؟؟؟؟ قال وش تقووول،،، قلت أنا نحوي بااارع،،، قال وش هو اللي نحوك؟؟؟؟ قلت نحَوَي (( وطلعت الفتحة والضمة من فمي)) قااال شكلك شااارب كتااااب الأدب العربي،،، قلت اسمع يا ولد أنا مو فاضي لك،،، لأني أريد أن اتعلم ،،، قال وش فيك تتكلم نص فصحى ونص عاامي،،، قلت أنت لا تفهم هذه الأشياااء عندما تكبُر ستفهم،،،، --- شكله ما كان يدري وين رااسه من قفاااه --،،



كان علينا حصة بدنية،،، وأنا قااعد ألعب واقول أعطني الكرة،،، يا مغفل أعطني الكرة،،، يوم طلعت الكووورة آوت،، ما عرفت وش أقووول،، لأني ما أدري وش يعني آوت بالعربي،،، المهم قلت آويييت ،،، قاموا ضحكوا علي الشباااب قلت كفى بلاهة أنتم مافي رااسكم ولا شي،،، قاالوا اذللللخ،، وكلهم تجمعوا علي،، وجلسوووا يضربوووني ضرب حتى إني نسيت أتكلم بالفصحى،، وجلست اقووول اتركووني ،،، دعووووني ،،، مابالكم تفرشووووني،،،لماذا تفقعووون وجهي،،،، وهم ما أعطوووووني وجه،،، وبعد ما شبعوا ضرررب،، نسييت اللغة كلهااا،،

حتى صرت اقول إسمي بالعكس ( وااحد رقم) ،، شكلي صرت هندي من الفلفل اللي في الطبخة اللي طبختها ،،، صرت أقووول للأستااذ بعد ما يسألني أنا مافي معلووم كلام إنتا،،، أول كنت اقول ما أعرف الإجاابة،،، حتى مررة قاابلت المدير وقاال رقم واااحد وصل سلامي لأبوك،،، حسبت إني هندي من جد وصرت سواااق وقلت فين سلاااام ؟؟؟؟ وأهز رااسي،،، وأقووول أنا مافي وصل سلاااام،،، إنتا اول جيب سلااااام بعدين أنا ارووه ودي سلاااام،،، وما أشوووف غير كف بيد المدييير،،، وش فيه قووة هذا المدييررر شكله يعرف كونغ فو،،،


ويوم رجعت البيت ،،، جلست أغني أغنية هندية لأمي أعبر فيها عن شعووري نحوها وأقوول،،، أنا هندي قلب كبيرر،، حب إنتا مو كتيير،، جيب فلفل جيب شطا،، كلو سوا مافي صكيير (( قصده صغيير)) ،،، انا وانتي سوا سوا ،، في التنبوول ياكل سوا،،، ياكل فلفل ياكل شطا ،،،، انتي مرة مشكل كتييير،،، قاااامت ردت علي وقااالت خل اللي بيننا صداقة وبس (( نفس الجملة لمن قلت أنا احبك))

وبعد ما رحت أنااام،،، صرت أتخيل إني هندي وإني عندي أصحااب هنوود،، واحد إسمه كووومااار،، وواحد إسمه مزار إسلااام ،،، وأنا إسمي ركم واااهد (رقم واااحد)...


قمت اتراجعت عن قرااار إني أصير نحوي وعاالم في اللغة


وفي الأخييير تذكرت مقووولة،،، الحيااااة مليئة بالتجااارب والخبراااات،،، وهذي هي تجربتي أضعها نصب عينيكم،،، وهي ملخصة في الآتي،،،، لا أحد يحب حمااار،،، ولا احد يطبخ لنااس ما يقدروا الطبخ،،، ولا أحد يتكلم لغة فصيحة مع ناااس ماعندهم ما عند جدتكم لغة،،، وإذا تبغى تصييير هندي لاااازم تاااكل فلفل ،،،، ويصير لساانك فلفل،،، حتى إنهم يقولوا حليب بقر هندي،،، تعرفوا وش يعني حليب هندي،،، يعني إنهم يخلوا البقرة تاااكل فلفل بكثرررة عشان يطلع الحليب مفلفل،،،، وإذا تبغى الهنووود يحبون الأكل جيب لهم فلفل،، حتى لو كاان الأكل زبااالة،،، لكن مع الفلفل كل شي يكووون حلللووو،،،


هذي هي تجااااري ملخخخصة في هذاااا الموضوووع وأعتذر عن الإطااالة وعن المصااااالة وأرجوا إني ما اكووون ثقلت علليييكم



=========
ودمتم سالمين

[الدلوعــــــه]

عليك طلعااااات يارقم واااحد تهبل مثلك ياااعسل

اماااا الحمااار شي ثااااني..... تسلم ياااقمر

قاااعده اكتب الرد وانا واقفه <<= طيب من حالف عليك لاتجلسين

تسلم يااااااسوووكرر;)

[رقم _ واحد]

دلعو يا دلعو حبيبي محدش منعو



هلا والله دلوووعة

اقتباس عليك طلعااااات يارقم واااحد تهبل مثلك ياااعسل

يعني إن شاااء الله تكوني صرتي هبلة ؟؟؟

انتي تقولي تهبل؟؟؟
يعني صرتي هبلة ولا من اول هبلة

اقصد ابلة دللوووعة

اقتباس اماااا الحمااار شي ثااااني..... تسلم ياااقمر

أوووه الحمااار؟؟؟؟

أصله اكبر خاااائن

اقتباس قاااعده اكتب الرد وانا واقفه <<= طيب من حالف عليك لاتجلسين

طيب وش رايك اشتري كرسي واهديه لك؟؟؟؟

اقتباس تسلم يااااااسوووكرر

تسلمي يا شاااهي


وشكراً على هذه الطلة الحلللللوة


=========
ودمتم سالمين:ty: :ty:

[الدلوعــــــه]

الله يقطع صواميل ابليسك

ياااراااايق

[رقم _ واحد]

أوووه

طلع إبليسي كفر سياارة


لأن أبلة دلوووعة تقووول إبليسي له صواااميل:ty: :ty:


عموماً

شكراً ثم شكراً ثم شكراً على طلتك الحلللللوة


========
ودمتم سالمين

[مـ///ـتحيل]

رقم واااحد


وربي انك (( كذا ))



كذا .. معناها يد رافعه الاصبع يعني اوكي

[رقم _ واحد]

تصدق

في البدااااية حسبت قصدك الحركة الوسخة باليد ((( أمزح أمزح لا أحد يزعل )))


لكن عرفت إنك إنساااان مؤدب و ( مستحيل) تعمل حاجات مش ولا بد

على العمووووم شكراً على طلللتك الحلللللللللللوة

وإنت اللي كذا

وأطلع الإبهاااام وأضم الأصااابع للكف <<<<< شفت كيف أشرح بالتفصيل


==========
ودمتم سالمين:love :p

[مـ///ـتحيل]

خخخخخخخخخخخخخخخخخخخخخخ



طيب اطلع الابهام واضم بقية الاصابع واقولك








مالت عليك



من وين جبت التفكير الامحق هذا

[رقم _ واحد]

أووووه

مستحيييل زعل علييينا:love :p


طيب وش رااايك

أهديييك heart1 >>>>heart2


عسى يكووون خاااطرررك طيب الحييين


=======
ودمتم سالمين