كنا دايم في الهوى....نحلم نحلق سوى

[احلى صباح]

صباحكم مسائكم معطر بالياسمين

قصيدة للشاعر عبدالله السقيان اعجبتني وحبيت انقلها لكم





راحت . . . .


كانت تبيني . . .
لأ . .
كنت أبيها . .
المُهِم . .
كنّا نتشابَه كثير . . . .
كنّا دايم نحضن الفرحه ونطير !
ومن حرارة حُبنّا !
مابياسع نبضنا : " كل هـالكون الكبير " !



كنت في قلبي أقول :


صدقيني . . صدّقيني . .
قبل آعرفِك . . موحشة كانت سنيني !


صدّقيني : كنت ضايع
كـنــــت : ضاااااايع . . !
ويوم لاقاكِ زماني . .
أشعُر بأنّـه لِقيني . . !


يا أماني . . يادفا كنت انْتظِرهـ . .
وحقق أحلامي وجاني . !


آآآآآهـ لو تدرين قبلك كيف حالي !
كُل أيامي مريرة ..
ماشعرت بيوم " حالي " !
لين جيتي . .
لين جيتي واشرقت فيكِ الليالي !









وهْمست لي بــ قلبها :
ياغرامي .. ياالحنين اللي فكلامي . !
يا أمل كنت أحتريه . . وبدد بنوره ظلامي !


ياحنيني . . ياعِشق مغروس فيني !
أبيك توعدني . . إذا هـ الكون كلّه عنّي إتخلّى . .
. . . ماتخليني !
ولو عذاباتي بقُربك . .
راضيه والله بحُبّك !
واوعدك ..
أوعدك :
بأني أبقى لك وفيّه . .
لو هي تقسى ..
كل هـ الدنيا عليّه

!






وصَمْتْ في وَجه الدُرُوبْ !








مرّه قالت لي : حبيبي شفيك ضايق ؟
قلت انا : مافيني شي !
أشعر انّي بسّ مُرهق . . لجل هذا ماني رايق !
ردّت وقالت: اعرفك. . دايم تخبّي ولو كنت (إ) متضايق !
قول لاتسكت ياعمري !
إدفن همومك بصدري
إحكي . . إحكي . .
خلّ قلبك ليّه يِشكي !



قلت انا :
قاااعد آفكِر فــ باكر . . .
وآتساءل ياترى وش هو مخبّي
ياترى بيلمنّا .. ياترى بتكوني جنبي ؟
و . . . .
وقبل أكمّل قاطعتني وإشهقت بالدمع وقالت :
آهـ من باكِر ومن هالناس ومن ظلم السنين !
ليه مايحسّون فينا ؟
المهم : ماعلينا ماعلينا . .
بس تكفى لاتكمّل
إنت ياعمري إختياري . .
بس مو بيدي . .
ولا بيدك قراري !






وصَمْتْ يُنبيء بالغُروب !














مرّه قالت وإهمست لي
بعد مـ الدمع إعتَرَف لي :


تدري ياعبدالله وش اقصى طموحي ؟
............................. إنّي اكمّل باقي العُمْر قُربك . .
والله ما غيرك سكن وسط روحي
............................. كل الخطاوي هايمه وسط دربك !


رديت انا والشوق ماليني :

يامُنيتي ياللّي لكِ عذْب بوحي
...........................أدري بحبّي لك وحبّك وربّك ..
أعاهدك ما أنساك لوّك تروحي
......................... أوااااااااه كم ليل فغيابِك سهر بك






وصَمْتْ



وغيابْ



وإنْكِسارْ





وليل . . عيّا بـ النَّهارْ !







وفي النِهايَهْ :


كنّا دايم في الهَوَى . .
نَحْلَم نحلِّق سَوَى . !
ودّنا نْكون لبَعَضْ
بسّ زمنّا مانوُى . . !

[طليفيح]

تسلم تسلم تسلم

يابعدي

والله يعطيك العافيه

قصديه رائعه

[مشاري]

تسلم يالغالي


أحلى صباح


على القصيدة الرائعه

والنقل المميز

مشاري

[احلى صباح]

اقتباس المشاركة الأصلية كتبت بواسطة طليفيح تسلم تسلم تسلم يابعدي والله يعطيك العافيه قصديه رائعه

حلوة قصدية ...ههههههههههههههه

مشكور على المرور لقصديتي ودمتي بود

[احلى صباح]

اقتباس المشاركة الأصلية كتبت بواسطة مشاري تسلم يالغالي أحلى صباح على القصيدة الرائعه والنقل المميز مشاري

مشكور اخوي مشاري واسعدني مرورك لصفحتي المتواضعة

يسلمواااااااااااااا

[~أصداف~]

.
.

اقتباس كنّا دايم في الهَوَى . . نَحْلَم نحلِّق سَوَى . ! ودّنا نْكون لبَعَضْ بسّ زمنّا مانوُى . . !

قصيدة رااائعة ..


صح لسان شاعرها ..


وسلمت على روعة أنتقائها ..



لك تقديري ..

.
.

[أبو الوليد]

.






أحلى صباح




سلمت على الاختيار المميزة



قصيدة رائعة صح لسان الشاعر





::




وفقك الباري





.. .. ومضـــــــــــــــــــــة .. ..


اللهم انصر إخواننا في غزة ، فرج همهم ، ونفس كربهم ، واشف مريضهم .