والرمل يعلو أقدامنا مدير البلديه الجديد جزاه الله خير سفلت الشوارع ومد شبكات المجاري والمياه وارتحنا من الحفريات ولكن ابتلشنا بهؤلاء الشباب الطالعين اللي يسوقوا سيارات جديدة وبدو ن رخص ..
قال إيش يوصل أخوانه المدارس .
وهو يفحط بجوار المدرسه في الصباح والمسا واللى زينا كبار نظرهم ضعيف يا بو سلطان .
يسوق على الخفيف مايحس إلا بالضربة من الخلف وقال إيش الخطأ على الشايب مثلنا ..
يمشي بوسط الطريق .
بالله يابو سلطان إذا الواحد مايمشي في وسط الطريق ومستقيم وين يروح يمشي يعنى بجنبها .
الله يعين ها الحين سمعت الحكومه الله يعزها تبي تركب بالخفجي كمرة ساهر..
عاد يابو سلطان تخيّل شكلك وشكلي نطلع بالصور قدّام مدير المرور ونحن قاطعين الإشاره وإلا معاكسين السير ..
تراها تعطى فلاش قوي على السائق والسيارة مثل تصويرزمان صوتها مثل تثوير البنادق التركية القديمه اللى تتعبا بارود مضغوط وتثور ..
أبوسلطان أنت توحي والا نمت أنا أحاكيك لاتنام . اسمع ابو سلطان لو عكست السير أو دعست على طريق المشاة وصورتك كمرة ساهر تبسم لاتزعل خلّي عندك روح رياضيه ..
ياخوي نحن كبار تري العسكر الشباب بالمرور يخلون الخطا على الشيّاب دائما
ليش يقولون مانسرع وندور دون النظر يسار والا يمين ..
بالله ويش رأيك في هذا الكلام ..؟
يبون في وسط الزحمه ننظر للخلف ويسار ويمين ، ليش ماننظر قدام وبس ..
أنا قلت لك الخفجى تطورت والناس تغيروا وربعنا القدامى بعد التقاعد هجو وجو غيرهم توضفوا وسكنوا وهذه سنة الحياه ...
بالله قلى سيارتك القديمه البيجو باقيه والا صرفتها ترى واحد من جيرانى يبي سياره مستعمله يودى بناته المدارس وهو على قد الحال .
مايبى جديده بالتقسيط وغاليه .
يالله نستأذن.. يابوسلطان..
الله يكرمكم .. ياخوي ويش بلاك ماتسيّر علينا والله إنا نعزك ونغليك يابو سلطان .....
ولاتخاف من تكسير الزجاج هذي حالة نفسيه تسمى انفصام الشخصية لما يكبر الواحد يخاف مثل الأطفال ويحب الهدوء ...
ماعليك ..
سلام طولت عليك ...
أمر عليك إن شاء الله مره ثانيه ..
لا والله ماتقوم أنا بروح على رجلى ...
المواضيع المتشابهه
العرض العادي
