كلي .. هنا .. نــواف ... !

[نواف الفهاد]

*
*

أنا بشر ( معرّض المدح والذمّ ) ،
و بالنفس تلقالك كلام / متخبّي ،

والناس تأكل بي تقل بيننا / دمّ ،
وإليا أبتلاني ربي معناه حبي

و إليا نخاني صاحبي قلت له تمّ ،
ولا ضاق صدري عزلة الناس طبّي ،

أشياء كثيرة تآرد النفس وأهمّ ،
( لولا الطمع فالآخرة و شوف ربي ) !!

*
*

[نواف الفهاد]

أنا أبفعل و لكن خالقي يفعل ،
و الشكر للي مجرّي بالجسم دمّك ،

ذي عادة الناس لا تشره ولا تزعل ،
من لاقوى فعل فعلك ماترك ذمّك !!

[نواف الفهاد]

إليالزمني واجبي عنه ما أغيب ،
وافي و أبيّض وجه منهو نصاني ،

شفني على المرقاب ياصاحبي ذيب ،
أجيه لا تطلع عليه الحصاني ..!!

[نواف الفهاد]

قوموا شكر للإله إن كانكم قمتو ،
كم واحدن قام مبطي والأمل خانه ،

أنتم بخير وسلامة كل ما نمتو ،
وكم واحدن نام و صار القبر سجّانه

تقبّل الله ياللي لا دخل صمتو ،
و رجيتو الله وصليتوا علشانه ،

والله يعوّض على شرّابة الفيمتو ،
اللي ليامنه أفطر ( جاه شيطانه ) !!

[نواف الفهاد]

لـ إنثى متفرّدة !

من أوسط حدود الصدر صآر لك ( بيت ) .. مفتوح لك مرّيه في كل حزّه !

[نواف الفهاد]

*
*

أول هذاك إلياهويناه ثم راح ،
نبلش بذكرى تشبه أنفاس روحه ،

و اليوم كل اللي من عيوننا طاح ،
قبل يروح ( بخبث يزرع جروحه ) ..!!


‎‫#نواف_الفهاد‬

*
*

[نواف الفهاد]

*
*

تلك السفن التي توادع المينأ حين تبحر تشدّ حبالها عن رصيف المينأ و ترتحل ،
ليتني مثلها حين أفكر بالرحيل فلا تربطني بأحدهم ..
الذكريات ..!!

*
*

[نواف الفهاد]

*
*

رح عشان تفرّق و تعرف بعد ،
كيف كنت وكيف صرت و وش جرى ؟؟

رح و لك مني مواثيق و وعد ،
لا أفترقنا .. ( نذر ما أطالع ورى ) ..!!

*
*

[نواف الفهاد]

*
*

الحمدلله ماجعل همّي الناس ،
ولا قصرت من الرجا شيء دونه !!

فإلياتغيّر لي بشر قلت لا باس ،
جعل أبرك الساعات فرقا عيونه ..!!

*
*

[نواف الفهاد]

*
*

هو قال لي مايبعده أي مخلوق ،
وصدّقت حكيه و أبتليت بغلاته ........!!

و نسيت لي أمرن لياجاك من فوق ،
و لا وعيت إلا بلحظة وفاته ............!!

*
*