كلا يقول سلبياته

[نايف عايد]

اقتباس المشاركة الأصلية كتبت بواسطة مطيري ولي الفخر السلام عليكم ورحمة الله وبركاته يعطيك العافيه يابو وصاال عالمووضوع الرائع راح اذكر سلبيه تغث الرجل وتحثه على الطلاق الا وهي (لما الحرمه تغار على رجالها وش تسوي ؟؟ تروح تنفض اوم الجوال تدور ارقام غريبه او ارقام بنات ولما يحس الرجال يجيها ويقول ياحبيبتي عيب الي تسوينه عاد هنا تقعد تبكي وتسوي زحمه وودني لهلي ومدري ايش ) ممكن سوال ليش هاذي الزحمه وعدم الثقه بالرجل؟ ..تحياتي..

يعطيك العافيه اخوي مطيري ولي الفخر على السؤال

ودك النوعيه هذي من الحريم توديها عند أهلها ولا تسأل عليها لين ماتدق عليك بالتليفون خلاص ردني للبيت..

أنا ماألوم معظم الشباب السعودي يسافر للخارج لغرض الزواج لأن هناك فرق شاسع بين بنات الخارج والسعوديات..

بنات البلد كثرة الزعل والغثى والطلبات والمشاكل لو بالمزح معها تزعل وتقول ودني لأهلي بينما بنات الخارج كل هذا الكلام ليس بموجود وأهم شيء عندها زوجها عكس السعوديات ..

فأنا أنصح كل شخص تزوج من السعودية أن يجرب بنات الخارج بالزواج..

تحياتي لك واشواقي..

[دانة الكون]

اقتباس المشاركة الأصلية كتبت بواسطة نايف عايد يعطيك العافيه اخوي مطيري ولي الفخر على السؤال ودك النوعيه هذي من الحريم توديها عند أهلها ولا تسأل عليها لين ماتدق عليك بالتليفون خلاص ردني للبيت.. أنا ماألوم معظم الشباب السعودي يسافر للخارج لغرض الزواج لأن هناك فرق شاسع بين بنات الخارج والسعوديات.. بنات البلد كثرة الزعل والغثى والطلبات والمشاكل لو بالمزح معها تزعل وتقول ودني لأهلي بينما بنات الخارج كل هذا الكلام ليس بموجود وأهم شيء عندها زوجها عكس السعوديات .. فأنا أنصح كل شخص تزوج من السعودية أن يجرب بنات الخارج بالزواج.. تحياتي لك واشواقي..

الا يا داقه انتظر بس ،،، نلقاك تفحط عند بيت اهله تبيها ترجع.
والله حتى حنا ودنا نغير ويسمحون لنا بالزواج من الخارج تغيير شكل واخلاق والفرق شاسع.
تدري ليش ما تزعل الي من الخارج لانها تبي بس تعيش وتعيش اهلها من وراك.
انت قد كلامك هذا لاني اشاور نفسي اخذ رقم بيتكم من ابو وصال واعلم عليك ونشوف وش يصير.

[أبووصال]

اسمعوا عاد .... ماقلتلكم راح تخربونها تدرون دليل ايش هذا ..... دليل التعلم اللي وصلتوله الحين اقولكم كل واحد يقول سلبياته يدخل علينا اخوي مطيري وافتخر يجيب لي سالفه الجوال ياخي انا اذا تروشت مرتين في اليوم النظرات تكون حاده علي .... هاه من وين جاي اشوفك متروش (اجل ابقى معفن )واذا بقيت معفن عند صديقاتها هاذا وصخ هذا قذر يمه يمه ريحته مثل (تيس بلدي)ومسالة الزواج من الخارج اعتقد انا مايغنيني عن السعوديه لو اخذ فرنسيه يمكن واحد نجح في علاقته الالاف فشلو اما السعوديات فتصدقون يقولون دراسه اجريت خارج السعوديه ان النساء السعوديات هن الوحيدات اللي يتمتعن بالنظاره رغم بلوغهن سن متاخره .... عندي عامل من خارج السعوديه على كفالتي يقول تدري اتمنى ايش ... قلت ايش فال اخذ سعوديه .... انقهرو يالشباب راح يروحن لغيركم .... عموما موضوعنا طلعنا منه شوي واتمنى نرجع له باسرع وقت ..... فيه رجال يتعمد يتكلم قدام حرمته مع اي شخص حتى لو كان رجال بس يسوي حركات انها حرمه واذا غارت قال ياخي هذي ماتفهم انا وش الله بلاني بالشكاكه .... المشكله ماسمع المثل .... يداك اوكتا وفوك نفخ.... يعني ليه انت تسوي هالمشكله من اولها ..... ابووصال

[نايف عايد]

اقتباس المشاركة الأصلية كتبت بواسطة دانه الكون الا يا داقه انتظر بس ،،، نلقاك تفحط عند بيت اهله تبيها ترجع. والله حتى حنا ودنا نغير ويسمحون لنا بالزواج من الخارج تغيير شكل واخلاق والفرق شاسع. تدري ليش ما تزعل الي من الخارج لانها تبي بس تعيش وتعيش اهلها من وراك. انت قد كلامك هذا لاني اشاور نفسي اخذ رقم بيتكم من ابو وصال واعلم عليك ونشوف وش يصير.

توقعت لك رد ثاني قلت يمكن تزعلين وتدافعين بس ماضبطت معاي الفكره..وبغيت أكتب في رد قبل ماشوف اسمك في القسم الله يستر من رد دانه الكون

والحمدلله جتنا سلامات..

وبالنسبه كلامي بس لاتعلمين احد تراه هياط...

تحياتي لك واشواقي..

[دانة الكون]

من اول خلك سيدا يا نايف ،، اتمنى اشوف زوجتك ويارب اكون اعرفها.
اما ابو وصال نعتذر لك وخلينا نكمل وبعدين ترى الماء بفلوس ماهو ببلاش علشان تفسق
وإذا بناخذ من براء نستورد من الجنسيه الي تعجبنا ونروح نتنقى بعد زيكم.
ودورك يالسبع تذكر السلبيه القادمه وانا من العشاء وانا انتظر تتفضل.

[عبدالله المطيري]

اقتباس المشاركة الأصلية كتبت بواسطة نايف عايد وبالنسبه كلامي بس لاتعلمين احد تراه هياط... تحياتي لك واشواقي..

افاا وين الي ينصح بالزواج بالخارج اخرتهاا هيااط؟؟ *_^

[نايف عايد]

اقتباس المشاركة الأصلية كتبت بواسطة أبووصال انا اذا تروشت مرتين في اليوم النظرات تكون حاده علي .... هاه من وين جاي اشوفك متروش (اجل ابقى معفن )واذا بقيت معفن عند صديقاتها هاذا وصخ هذا قذر يمه يمه ريحته مثل (تيس بلدي)

والله الحريم مالهن خاتمه ماأحد راح يعرفلهن..سواء صرت لهن زين او شين..

يصرقعن مخك..

والله ماتدري ليش يسون كذا الحريم هو من باب المحبه او من باب البحث عن الزله؟

للبحث عن الزعل..

[نايف عايد]

اقتباس المشاركة الأصلية كتبت بواسطة مطيري ولي الفخر افاا وين الي ينصح بالزواج بالخارج اخرتهاا هيااط؟؟ *_^

جرب وحكم....

الهياط من باب اني ماأقدر اخليها عند أهلها لين ماتدق..

[دانة الكون]

ابو وصال قال لا تخربون الموضوع
التزموا احسن ولا رقم التلفون صار عندي

والله ماتدري ليش يسون كذا الحريم هو من باب المحبه او من باب البحث عن الزله؟
عندما نلمس الجانب الطيب في نفوس الناس نجد أن هناك خيراً كثيراً قد لاتراه العيون أول وهله.
ابو وصال ما صارت زهقت وانا انتظر.

[دانة الكون]

لحظه لحظه لحظه نرجع شوي وراء


















مابين الخطبه او الملكه والزواج


















النصائح من بعض الامهات "مو كلهن ليت امي طلعت عليهن كان حنا بخير" او الصديقات او الزميلات
عاد تخبرون كل وحده تتفلسف يعنني اعرف انصح

*افرضي شخصيتك عليه ولا تخلينه يمشي رايه عليك.
*لاتعطينه وجهه زياده عن اللزوم تراهم ما ينعطون وجه.
*احقريه ويركض وراك "وهذي انا مقهوره اني ما طبقتها لاني اكتشفت انها هي النصيحه شبه الوحيده الصحيحه" ما علينا .
*كثري الطلبات عليه خليه يتعود يصرف.
*لا تبقين بمخباته ولا ريال وشطبي عليه اول باول وكثري العيال علشان ما يتزوج عليك والعيال يمسكونه "ما ادري احسهن خبلات بهذي النقطه".

# بس ولا وحده قالت اعينيه على الخير وحثيه على الصلاه.
ادري تبون تقولون وش هالمطوعه الي ابلشتنا لا والله ماني مطوعه إنسانه عاديه مثل الناس بس توقف عندي على الصلاه لان الي ما يخاف من ربه ينخاف منه.
وسلامتكم وإذا تذكرت وصيه ثانيه بحطها.

يعني السلبيه هي سماع نصائح الغير وتطبيقها بحذافيرها.
دورك يا السبع ابو وصال ولا الشيخ نايف او من اراد ان يدلو بدلوه.