][ذبحني الفقد][ : ( ,,!

[روآن ~]

حقيقه:

حسنتي ويّاك تغفر لي جميع ا/ذنوبي
وما يفلّ حبال طغيانك سوى عاقدها

ومختصر كل الكلام الزين يا محبوبي
انت نعمه ما يقدّرها سوى فاقدها : )

احاسيس:

على وين رايح وقّف شويّ لمحاكيك
ترى الليل توّه و الحكي ما خلص توّه

تسمّع لقلبن ونّ من كثر ما يدعيك
براكين شوقه بعد فقدك على الفوّه

تعال ا/متلكني ما يبي الملك صكّ وشيك
سواك انت يا اللّي تاخذ القلب بالقوّه

وليفك ذبحه الفقد ثم جيت لك ساريك
بليلٍ رعده و بارقه سابقن نوّه

جفى اغلى ربوعه لجل عينك و انا شاريك
بحبّن عفيف و لاني اميل و اموّه

على العزّ و الطاعه ليا جيت لك عانيك
ولو عنوتي لك ماهي بأيّة ا/عنوّه

غلا عاشقك راقي ماهو يقبل التشكيك
واذا ما امطر ا/بخيره ماهو مُمطر بسوّه

ولا قلت لي لبّيه باقولك لبّيك
واذ انّك نويت تروح جعلك على القوّه

لأنّي معك ما اعرف اهدّي و ادقّ ا/بريك
ولوّ الثقل فيني بفكري علت ضوّه

هذا موجز اخباري قبل ما العرب تنبّيك
عن اللّي لجل عينك صفى للهوى جوّه

ويا امّا تنير الكون كلّه بعيني فيك
ويا امّا توادعني و ما يعجبك سوّه

مُصيبه:

اضحك على الناس لاقلت [انحرق كرته]
والشوق يفضح عيون المغرم الفاني

والمشكله لا تناسيته تذكّرته
ومن دون لاشعر يجي [ذكره] على لساني : (