رايت اني في مجلس خوالي ومعي اوراق مالية من فئة خمسين ريال كنت اريد البدء في عدها
فاذ بي اسمع صوت من الشباك الذي فوق راسي وانظر اليه فاذا هو خالي عبدالله فافرح لرؤيته واقول له الحين اجيك ابي اضمك ودخلت الفلوس بجيبي وانا اتمنى الا يكون قد شاهدهم احراج من العد وانا اخرج الى حوش البيت فيمد يده ليصافحني فاقول له لااريد ان اصافحك اريد ان اضمك فاضمه بقوة ثم بدانا نتمشى بالحوش فقلت له انهم باقي يومين ويعدمونك وذلك انه كان الاعدام يوم الاثنين والخميس فقط فقال هم يقولون كذا اذا قرب الاثنين يقولون بنعدمك فيه واذا راح وقرب الخميس يقولون بنعدمك فيه ويروح الخميس وهم ماعدموه وهذي حالتهم
بعدها كاني طلعت من بيت خوالي ومشيت بطريق بالشارع الى ان وصلت بيت عمي صلاح وكانه يوم العيد دخلت من باب الشارع ولما فتحت الباب الداخلي الا اشوف عمي صلاح جالس جوا وعنده رجال كثير يعايدونه وعنده وحده من جماعتنا اسمها انتصار وهي تتغطى عن عمي بس شفتها جالسة معاه عادي وفيه زوجها بعد وشفت اولاد عمي صلاح الاثنين الكبار وهم صغار بالاصل بس بالحلم شفتهم رجال وجالسين جنب بعض ويشبهون بعض كنت ابي ادخل بس ماقدرت لان علي عباية اذا حطيتها على راسي طلعت رجولي واذا حطيتها على كتوفي مامعي غطاء اغطي وجهي وطقيت الباب وجتني الشغالة وقلت لها عطيني غطاء مصلى اتغطى فيه وكان قدامي اشوفه واذا بولد عمي صلاح يمد لي غطاء من وراء الباب ولما خذيتها شفت زوجة عمي صلاح طالعة بالحوش على وضوء تبي تصلي العشاء ولما شفتها استغربت ان وجهها اسمر وهي لابسة جلال الصلاة رحت لها وضميتها وسلمت عليها وبديت اسالها عن اخبارهم بعدها تركتني واقامت صلاتها ودخلت مجلس الحريم الي في بيت عمي وبدن يجن حريم من اهل زوجة عمي وكنت مستغربة من سمارهم ومن كثرتهم وبديت اسلم على الحريم اننا بالعيد وجلسن الحريم وكنت انتظر الرجال الي عند عمي يذهبون عشان اسلم عليه وشوي جت انتصار وسلمت علي وعايدتني ورجعت عندهم واشوف وحده من الحريم معاها مثل الكعك مغطى بالشاي وتدور على الحريم واقول بنفسي الناس تقدر الغريب وتقدم له اول والي تضيف تدور على الحريم واذا وصلت عندي رجعت من غير ماتقدملي طلعو الرجال الي عند عمي ورحت ابي اشوفه مالقيته قالو بس طلعو الرجال فيه مباراة للهلال طلع يبي يشوفها واشوف بمجلس ثاني ابوي وعمامي جاين يبون يسلمون عليه ومالقوه وتتصل علي وحدة من خواتي تسالني وين انا وقلت لها وقلت البيت سهل بسرعة وصلت له وشوي هي عندنا وبعدها اختي الكبيرة بس ماجت
انا متزوجة وعندي ولد
هذا الحلم في شهر محرم
خالي المذكور في الحلم مسجون من اربع سنوات
وعمي المذكور يسكن في الرياض ولكن علمت بعد هذا الحلم انه يبني بيت قريب من منزل خوالي يبعد عنه شوارع بسيطة
بعد هذا الحلم باسبوعين حدث خلاف بيني وبين زوجي مما ادى الى رجوعي عند اهلي
ياليت التفسير ياشيخ
المواضيع المتشابهه
العرض العادي
