لسلام عليكم ورحمة الله وبركاته
احب شعر القلطه والمحاوره والعرضه الجنوبيه
احب اسمع للمسعودي والجبرتي وصياف ومستور وبكر الحضرمي والبيضاني والشيخي وعبدالواحد وبن حوقان والسلطاني والمنقره والقرقاح والميزاني والرياحي
أبو سلطان صباح الخير .
والله ياخوي إني أحبك وأحب سوالفك ، وأنا ياخـوي كبرت ماعاد فيّه شدة أدقهـا كعّابي ، لخيمتك البهية ، وسوالفك التى تعيد العمر لليام الخوالي أيام عشيرق عشيرف ،
أيام كنت تمشي والناس يرحبون نقضل أقلط تفضل أقلط ، أما اليوم فالاحظ ، كل البيوت عليها كمرات وأقفال ألكترونية الله يدفع البلا .
ونا ياخوي سمعت أنك مسافر فجلست ببيتى ، قلت أصرف لى ، ماحد يعرف رطني إلا أبوسلطان الله يرجعه بالسلامة
وهل حين ، سمعت أنك تحكي عن أيام زمان ، وذكرتنى ببرامج التلفشيون ، أبيض واسود ، وكيف نهرول للأريال ونحوله ذات اليمين وذات اليسلر حتى يصفى .
والله أيام متعبه لكنها بسيطة ، وشوفك زودت ثقافتك بشراء الجرائد الكويتية القديمة وبعض البرامج التى أنسيت رغم كونها هادفة
أحب أسألك ماهو رأيك ببرامج اليوم ،
طاش ماطاش ، وخلك معي ، وغني لى ، ياخوي أنا ماستصغتها مثل زمان أ حسن دردير وطقته من الممثلين ، والهزاع من المنكتين ، وعلى الطنطاوي من المحدثين ، أبوسلطان توحي صاحي والانمت ، ما أسمعك ترد بإيه أولا .
صراحة صراحة كانت أيام حلوة ، كل شيئ رخيص السيّارة وهي السيارة بسبعة آلاف ، تذكـر سيّارتك الحمرا ، والانسيتها
اللي خربت بالطريف ,و الله يابوسلطان ، أيام زمان ماتتعوض لنا الكبار ،.
أدري أنك مسوي نفسك صغير وتخطب ياخوي اقبض خيمتك واسكت ، والله لوتزوجت ماعاد نراك ، إلا نادرا خليك هنا خليك ،
سوالفك ماتمل يا بوسلطان ..
زبعدين ياخوي ليش تفضحنا عند عيالنا بميزان درجة الحرارة ، والله كنا نرفضها ونشتم الدكتور ، أعرف خويب مات بسبب تيمم رفض الإبرة التى يسمونها الشا الشارج الشارقجه والله نسيت ، ياخوي تغسل المعدة يسموها حقنه إيه حقينه وش هو نسيت .
يالله بالإذن أبوسلطان وترى تلفوني الأرضي مقطوع الفاتورة كبيره وماسددت قطعوا الحرارة ، فإذا لم اتصل عليك فاعذرني لاتقل متكبر والله انت تعرفني زين .
أحب سوالفك بالإذن ..وعظم الله أجرك..
المواضيع المتشابهه
العرض العادي
