كلا يقول سلبياته

[أبووصال]

بعض الرجال اذا سولف مع زوجته تلقاه مايلقيلها بال ... واذا دق عليه صديقه وهي جالسه تلقاه يقوم من مكانه ويسولف معاه بالساعات مع العلم انه يقابله 24ساعه ... طيب مو اولى انك تسوي هالحركه السخيفه مع مرتك احسن ...بس

ابووصال

[دانة الكون]

بعض الحريم تلقاها بس لابسه العبايه ومن حاره لحاره ولا تعتبي علي ياجاره
والرجال جالس لحاله بالبيت ولا ماسك البزران لين تشبع الشيخه دوجه وتشرف.
اعرف حريم مسويات دوريه"شبه"زي الرجال فيه يوميه وفيه بالاسبوع>>> ماهن هينات ،،، وترجع من السهره اخر الليل 12:30 او 1 إذا جايه بدري.

[أبووصال]

تدرين يادانه من كتابات كثير من المنتديات ومجالس الناس وين تكمن المشكله

[دانة الكون]

لا ما ادري ويمكن ادري بس ما توقعته او ادري بس ما ابي اصدق لغز مو جواب.

[أبووصال]

اولا ماشاء الله حاطين لك اليوم رائدي برونزي يعني بالمركز الثالث .... ثانيا اشوفك صاحيه بدري ..... ثالثا لنفترض ان عدد الرجال باالسعوديه 7مليون والحريم 7مليون فصدقوني 3مليون تلقى فيهم سواء رجال او حريم سلبيات ممكن اقول مليون اللي تعيق الحياة الزوجيه والباقي اعتقد راح تمشي اذا مشيناها..... وانصح بقراءة كتاب الرجال من المريخ والنساء من الزهره للكاتب جون قراي.... كتاب سنه اولى زواج للدكتور الحسيني ...وكتاب هكذا علمتني الحياة للدكتور السباعي..... واخيرا نرتوي بهذا الحديث ..روى ابو امامه رضي الله عنه عن النبي صلى الله عليه وسلمانه قال:ماأستفاد المؤمن بعد تقوى الله عز وجل خيرا له من زوجة صالحه,ان امرها اطاعته,وان نظر اليها اسرته,وان اقسم عليها ابرته,وان غاب عنها نصحته في نفسها وماله)رواه ابن ماجه

صحيح الحياة لاتاتي على ماتشتهي النفس ولكن الانسان يعيش بالحياة كانه يخطط يعني اشوف ان الزوجه تحاول تخطط كانها داخله حرب وهذا هو الواجب مو تخطط عشان تخرب بيتها لا تخطط لحياة افضل واعتقد اذا ماوجدت ماتريد بعد عناء وتخطيط من وجهة نظري اعتقد الطلاق هو الحل الوحيد بعض الناس يقول ابغض الحلال .... لكن اقول ماطلقن خير النساء في زمن الصحابه الا وهن اعلم من نسائنا وافقه دينا وخلق ولاطلق الصحابه الصحابيات الا والصحابه اعلم منا دينا وخلق لكن هي حجه نحتجها على انفسنا ابغض الحلال عند الله الطلاق لكي نمسك مانريد ..... ولكن في علم الغيب الله يعوض الشخص افضل مما كان يتوقع ....

ابووصال

[ـالـعـالـمـي]

لا توجــد سلبيات ^_^

[دانة الكون]

لا من امس وان رائدي برونزي وكاشخه على اختي
غصب عني صاحيه وش اسوي حكم القوي على الضعيف قاعده بالدوام .
انا حطني مع المليون.
اما الكتب هذي متوفره عندنا بالخفجي حتى بالبقالات من كثرهن .
ونظريتك عن الطلاق سليمه بس ماهو شرط انها إذا ما لقت الي خططت عليه تتطلق"على حسب الخطط" ، هذا ما هو حل للمشكله كل إنسان يفكر و يحلم ويحط مواصفات لشريكه ويرسم حياه معينه يتمنى يعيشها بس يصطدم بارض الواقع لما يعيش الحياه (والارض هنا نوعين * لينه)ونقول فيها >> ليش ما يحاول يقرب حياته الحقيقيه من الحلم الي رسمه بخياله ويبذل كل جهوده.
*قاسيه ومؤلمه ونقول فيها >> استحاله الاستمرار لعدم الصلاحيه "لانك لما تجي تبي تزرع لازم تختار ارض خصبه وفيها مقومات ووسائل تساعد على نمو النباتات ما تختار ارض كلها صخور او صبخه وتقول يالله طلعي زرع وكثري الورد".
اتفلسف ادري تقول ياشيخه نقطينا بسكاتك بس هذي نظريتي.

[أبووصال]

طبعا كلامك صحيح اما نظرية اللينه والقاسيه فانا ماذا قلت قلت تخطط والتخطيط يعني المحاوله طيب ياربي اذا مانفع المحاولات معاه اجلس طول عمري احاول وافرخ وبعدين اقول الاولاد كاسرين ظهري لا غلط... اقول بعد المحاولات اذا مانفع مع الرجال الاصلاح .... تشوته وتعطيه كلمه عند الباب (قيم اوفر) توكل يالحبيب وتشوف حياتها وهو يشوف حياته يمكن وهو الاكيد يلقونها .... اغلب الحريم السعوديات ترضى على نفسها المهانه والاهانه والذل من الزوج .... ماالله جبرك على كذا لان السعوديات يخشن من كلمه تقال بمجالس النساء وهي (مطلقه)وهذا هو الهاجس لدى النساء وفيه بعضهن تبي لاجلست مع الحريم يقولون ايوالله فلانه متزوجه وعندها عيال ,,, مع العلم لو انها تنهان تمشيها فيه بعض الحريم الحين بتطلع لي وتقول لا انا ماارضى اقول انا عاصرت كثير وهذا هو الصحيح ..... ابووصال

[ابتسـ ألم ـامة]

هلا وغلا



موضوع رائع



كثيرة هي سلبياتي


بعضها لا تؤثر على علاقاتي سواء العمل أو الشخصية


وبعضها تضعني في مواقف حرجة جدا





أول سلبية:

لها أثر كبير وخطير في كثير من الأحيان


رغبتي في مساعدة الغير مما يتطلب مني الثقة بهم

مؤمنة أنهم يستحقون هذه المساعدة والثقة

لأكتشف بعدها البعض منهم لا يستحق ويضعني بموقف محرج

وقد يكون له أثر كبير على عملي وأكون مسائلة عن ذلك



سلبية ثانية :

لها أثر اجتماعي سواء بمحيط أسرتي أو عملي

الحساسية الزائدة عن حدها

حساسية من تصرف بعض الناس اتجاهي وقسوتهم علي

بعض الأحيان لا يقصدون ذلك ولكن حساسيتي توهمني بالكثير

وتتركني بحيرة وحزن شديدين



سلبية ثالثة :

أعجز عن مواجهة من يغلط علي أو يتهمني بأشياء بريئة منها
وبالعامية نقول أبلع كل شئ وأحاول التحمل
ولكن قد يأتي وقت شكة أبرة تفجر كل شئ



أحاول أن أتخلص من تلك السلبيات وأفشل دائما




نسأل الله أن يصبرنا ويعيننا ويسدد خطانا لما يرضاه ويحبه



لك الشكر على الطرح المميز




يعطيك العافية



دمتم بحفظ الباري
وعلى الخير بإذن الله نلتقي

كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[أبووصال]

هلابك ابتسامة امل وحياك الله بالمكان الخاص لتمعيط الشوش .... متعلمه وفاهمه ماشاء الله عليك لكن لنفترض انك دخلتي على مكان عام وشفتي صجه طبعا بديهيا تقدري تتكلمي عليهم من دون تعرفي السبب ... اعتقد لا .... هنا وبالذات في صفحتنا هذي نتكلم لو لاحظتي بداية كلامي وردود الاخ نايف والاخت الست دانه تلقينها تعني سلبيات عمليه مو نفسيه ياحظي الكلام اللي ذكرتيه نفسي لايتعدى نطاق محيطك اللي انتي تعيشينه .... انما اتكلم على النطاق الزوجي والحياتي ...... ومره ثانيه شاكر لك وعطينا سلبيات تشوفينها فيك اذا كنتي متزوجه او تشوفيه في نساء تعرفيهم او قريبات لك وتكون خاصه بالنساء ..... ومضه(قالت ايش يعنني طيبوبه ) والله لو اسال عنك لالقاك مجننه اهلك ..... احممممممم حياك الله

ابووصال