--( زهور متناثرة .. من بساتين الحياة )--

[الدووووخي]

يحق لي : ( أنشد و أراسـل و أكلّـم )

.......................................... حفظـاً : لـ سابـق عهدنـا بالعـلاقـه

ويحق لي ايضاً : أمـرّك مـا أَسلـم ..!
.......................................... لأنّك غلطت .. ولا حفظت الصداقه ..!

[الدووووخي]

قـال : يالله حـي مـن غـاب عـنـي ما نـشـد .؟
.................................. قـلـت : تبـقـى.. يا مكّـثـر... عـلـيّ الأسـئلـه.

انـت.. جيـدك. نشدةٍ . ما تنصيـها.. لأحــد
....................................... ماتعـرف؟. تدق . رقـمٍ. ؟ يحبـونـك هـلـه..؟

[الدووووخي]

بعض البشر مثل ابتسامات الاعراس
................ على كثر ماهي مثيره...ضـــــــريره

وحيد ولاعندك من الناس جـــــلاس
................ اخير من شر الكلام وسعيــــــــــره

والكل مايخلو من اخباث وادنــــــاس
................ في كل نفس هناك حاجه مـــــريره

فـ من قبل لاسوي مشاكل مع الناس
................ عندي مع نفسي مشاكل كثيــــره..

[الدووووخي]

كم واحد يعطيني الهرج مقلوب
وانا اعتبرته من خيار الاصاحيب

الفرق بين الناس في عقول وقلوب
واسرارهم يعلم بها عالم الغيب

العين ماتكشف لك اللي ورى الثوب
كل يظن ويخطي الظن ويصيب

[الدووووخي]

أشعلت [ شمعة فراق ] وكانت أسبابي :
يمكن غيابي بـ جرح الصمت يبلاهم

الوجه من وجه أبيض ، وإنقفل بابي
قررت أبعِد .. عن الطعنات وأنساهم .

[الدووووخي]

الناس فالناس مدري ويـش مشغلهـا
............. حسبي على نـزعـة النــفـس الأنـانيّـة
تخلـي الآدمـي مشغـول فـي ربــعـه
............. عيــن فـ بـني عمـه وعيـــن فــ بنـي خيّـة
عنده حساسيّة مـن الناجـح الاقـــرب
............. والقـرب لا زاد .. تـــزداد الحساسيّـة
وتعامل الشخص مع غيره يبيّـن لـك
............. مقــدار مـافيـه مـن أزمـات نــفسيّـة
والــرحمه اصـدق مشاعرنـا وأروعهـا
............. لله در .. الـتـــواضـع والمحـنـيّــــة
وممارسة قوة السلطة علـى ضعيّـف
............. ردة فعل نــاتجة عن ضعـف شخصيّـة
على التناقض تعيـش العالـم وتحيـى
............. بعقـــول وحـــده وبافـكـــار انتقـائـيـة
ولا هو ضـروري طبايعهـم تفرقهـم
............. الاختـــلافـات أحيـانـا ً ضــــروريّـة
ما يجذب الموجب إلا روعـة السالـب
............. والضـد بالضـــد قمـة بالرومنسـيّـة
خذني مثل حي رغم إعجابـي بنفسـي
............. وتقــديري لكـل طبـــع وخصـلـة ٍ فيّـة
عمــري ما حبيت وحده طبعهـا طبعـي
............. أنـــا حيـــاوي ولا أحـــب الحيــاويـه

[الدووووخي]

هـذي ظروفـي حافظتهـا كـرامـة
ماجيتك اشكي،يوم انا شايـلٍ شلـت

همّي .. وهمّي لو رسـم بـي علامـة
[الصمـت] طبـعٍ غالـبٍ فيـه لازلـت

ولا تحسب انّي غافـلٍ مـن غشامـة
لا والله انـي مـن فطانـة تغيفـلـت

[الدووووخي]

ماجيت اسجل حضوري في سجل الحضور
اغيب مالي سبب واحضر وعنـدي سبـب

في كل الاغراض اوثق سيرتي بالشعـور
ارضى بوقت الرضى واعتب بوقت العتب

ما ادوّر اللي تحت سـود النوايـا يـدور
اعرّض الريح صـدري والهبايـب تهـب

متواضع ، الا امام اللـي بنفسـه فخـور
انا وريث الفخـر وانـا عريـب النسـب

واللي تبع درب الابره في قماش الظهـور
شوه قماش الظهور وضيـع اللـي كسـب

الشعر كلـه مجـرد فضفضـه للسطـور
لو حرر القدس ، ماجمع قلـوب العـرب

[الدووووخي]

صوتي حزين و عيني ايضاً حزينه
........................ محتاج هـ( اللحظة ) لـ[ لحظة سكينه ]!

في عزلتي .. زحمه و صجه ولجه
........................ اثر الصخب .. ماهو ب[ زحمة مدينه ]

الزحمه بـ ( قلبي وعيني وبالي )
........................... وكلاً على قلبه و باله و عينه
لكن !
صخب ذاتي على ذاتي .. اهون
........................... الرجل .. ما تكسر يساره / يمينه

من كثر ماني منسجم مع ضميري
............................. لو يخطي أي انسان والله ما ادينه

الا ! أدين اللي غيابه .. يخوف
.............................. تعبان ؟ ضايق ؟ نايم ؟ الحين وينه ؟

ما استحمل غيابه و لو ربع ساعه
....................... هذا الغياب اللي يسمى .. غبينه

اللي حضوره لا حضر .. شيء ثاني
............................ كأنه يقدم لي .. فرح من يدينه

[الدووووخي]

هالشي هذا لا يطاق..ولاكل رجل ٍمستساق
............................ ولا اطيقه اللي لابتسم في نابه الفضي كشر!
ولا احتاج حاجة يتصل! يشتاق لي عقب الفراق
............................ولا طحت كن (القـوقـلي) في طيحتي ينقل بشر
واللحين ما عاد اتـّـبع ولاني على غيري مساق
............................رد الـفـشـر مية فـشــر .. وازيـد هالمية فشر
شفت الخناجر بالظهر رغم الحرارة بالعناق
............................يا شوف عيني هالعمل من سبّـته نُـحشر حشر!!