ملتقى طالبات كلية التربية في الخفجي

[alraheel030]

اقتباس المشاركة الأصلية كتبت بواسطة tetta20 السلام عليكم أول شي احب اشكر القائمين على هذا المنتدى الرائع وثانيا عندي استفسار واتمنى تفيدوني في هذا الموضوع لأنه مأرقني ليل ونهار أنا خريجة ثانويه علمي معدلي 76.4 << اتمنى ماحد يضحك تخرجت سنة 1423 وطبعا انا من سكان الاحساء ونفسي اكمل دراستي وسمعت ان الكلية اللي بالخفجي تقبل نسب متدنيه وفي اقسام حلوه مثل االرياضيات وانجليزي السؤال هل بإمكاني الالتحاق فيها السنه الجايه او الترم الثاني واذا ممكن انقبل في اماكن ثانيه مثلا معهد صحي او شي أفيدوني جزاكم الله كل خير

مرحبا حبيبتي اي يقبلونك قدمي السنه الجايه ويقبلونك حتى لو انتساب انا قدمت لاثنين من صديقاتي واقبلوهم انجليزي انتساب نسبتهم اعلى من نسبتك بدرجه وحده وشهايدهم قديمه وبعد ماتنجحين باولى وثاني يحولونك انتظام بثالث اذا بغيتي وبالتوفيق ان شاءالله بس التقديم مايكون الا بداية السنه مافي تقديم من نص الترم لانه نظام كليه مو جامعه

[tetta20]

تسلمي اختي الرحيل على الرد
بس فيه ملاحظه
انا انقبلت مره انتساب عندنا بالحساا قسم انجليزي
وسحبت ملفي وختمو على الشهاده سحب ملف انتساب
سو >> ماتوقع يقبلوني انتساب
يعني مافيه امل انقبل منتظمه !!؟؟

[alraheel030]

مرحبا بنات كليه التربيه بالخفجي كيفكون ان شاءالله بخير وش مسوين مع التغيرات اللي صايره بالكليه هالسنه ان شاءالله مبسوطين عليها بنات حبيت اسلم عليكم واطلب طلب اللي تقدر تساعدني انا بغيت احد يدبر لي كتب العام الماضي قسم لغه عربيه سنه رابع الترم الاول والثاني مو شرط كلها حتى لو بعضها انا ماعندي مشكله بشراء الكتب بس عندي مشكله بالتخطيط اللي فيها لاني منتسبه وساكنه بالدمام ومااجي الا فتره الامتحانات والتطبيق ولما اجي ابي احد يعطيني كتبه ماالاقي اللي ماتقدر واللي محتاجه تدرس فيها هاليومين واللي مشغوله ادق عليها وماترد والله صارت مذله سالفة الكتب متى نخلص ونفتك يارب قلت مالي الا بنات العام اللي تخرجوا ومستغنيات عن كتبهم وعشمي فيكم كبير وان شاءالله ماتقصرون مو كني طولتها وهي قصيره يالله باي انتظر تجاوبكم؟؟

[حيزبون]

والله اني ضحكت من جد 00 تدرون عااد ؟؟ المنتدى هذا يقرونه ناس كثير مو شرط من الخفجي لذلك اتمنى انو الأسئله المطروحه تدل على الوعي 00 لأني بصرااحه اشووف بعض الأسئله وأحس انو المدينه هذي بناتها اول مره يدرسوون بكليات او جامعات 00
اولا بالنسبه للزي 00 ترى الكليات كلها موحده الزي على مستوى المملكه اللهم في بعض الكليات تحط الوان زياده تساهلا مثل الرمادي والبيج والا الأصل هو اللون الاسود والأبيض 00 ليش؟؟ لأنها كليات تربويه 0
جامعة سعود برضو موحده الزي 00 واللي مايصدق يدخل منتدى طلاب جامعة سعود ويشوف البنات وشكاويهم 0
هذا الكلام عن ثقه 00 طيب مو معقوول كل سنه والبنات في نفس الموال 00 وحدوا الزي؟ ليش؟؟ هذا ظلم 000 طيب ما ندري ؟؟
اقرب شي كلية الدمام واتوقع اغلب بناتكم درسوا فيها وفي سعود صح؟؟
ليش الإستغراب إذن؟؟هذا شي0
الشي الثاني 00 وهذا حقيقة المضحك المبكي 00 وش تحسبون الكليه؟؟ يغيرون المناهج على كيف ابوهم؟؟ مايصير 00 نفسها نفس المدارس ترى 00 كتب مقرره ومنهج يمشون عليه 00 هل المدرسه كانت تحذف ماده على كيف ابوها وتقوول بغير نظام الدراسه؟؟
من الأخير 00 تغيرت العميده ما تغيرت النظام ماشي ماشي 00 لأنه نفس نظام باقي الكليات 00 فإذن وين المشكله؟؟ وليش الحيره؟؟
انا اقولكم 00 الطالبه لو حطت قدام عينها انها تداوم ومو بس تداوم لا تحضر المحاضره (لأنو في بنات يداومون صح بس يداومون في السااحه) 00 وتروح تذاكر وتخلي امور الإداره للإداره كان انا اضمن لها النجاح 00 لكن بصراحه انا ما استغرب من البنات قد ما استغرب من الأهالي 00 طيب البنت وتستهبل لأنها لسى صغيره وفي فورة الشباب بس وين الأهل ووعيهم؟؟ والآية صريحه ( إن الله لا يغير مابقوم حتى يغيروا ما بأنفسهم )0
وكيفما تكونوا يولى عليكم 0
لذلك اتمنى من طالبات الكليه يناقشون مواضيع مهمه فعلا للطالبات 00
او يحطون مواعيد الإمتحانات 00 او يتبادلون أسئلة الإختبارات 00
شي مفيد للكل 00
وبالنسبة لأخوي ابو رائد 00 صراحه احييك على تعاونك في المنتدى هذا 00 اسلوبك جميل وراقي 00 وموضوعي 00 واللي الاحظه انك تهتم انك تجيب الخبر اليقين 00 وهذا شي اكثر من رائع وتشكر عليه لكن لي ملاحظه بسيطه ما ابغى اكتبها في العام لأنها مجرد رأي لا أكثر وماني حابه ابعتها عالخاص الا اذا تأكدت من تقبلك للأمر 0
دعواتي بالتوفيق لجميع الطالبات 00 واتمنى من كل قلبي يشدون حيلهم لأنو في كثير من الكليات تحتاج بناتنا كأستاذات 00 وصدقوني مافي اي اجنبي يدرسك ويكون هدفه انك تفهم او انك تتفوق 00 ليش ؟؟ اتوقع واضح ليش 0

[الهائمه]

السلااااااام عليكم ورحمه الله وبركاته

اخوي حيزبون

تضحك اضحك وانا اختك

بلاك ماتتدري شنو يصير داخل الكليه تقول كنهم اول مره يدرسو كليه وجامعات طيب حنا موجاهلين لهذي درجه حنا عارفين مستوي الكليه وقارنها بغير بس للاسف كليه كل يوم تنزل لمستوى منعدم

انا واحده من طالبات اوكى بقولك نبذله من كل شي شفته قدام عيني والله على مااقول شهيد

برمضان تعرف كان فيه دوام الاخت لمصون لي هي حقت الامن مسكره باب الكليه وتعرف دوام في رمضان لباب ينفتح تسعه ولمحاضرات تبتدي ساعه تسع ونص والاخت مقفله لباب وش رايك ؟؟

انا كنت موجود وحضرت تسعه و27 المهم والاخت مقفله لباب وطبعا معي اكثر من عشرين بنته ومعانا استاذات ومموظفات بشئون وش رايك برمضان وبشارع نطق لباب وكانت فيه استاذه مصريه وتتطق لباب بصوت قوي وتصارخ وتعال شوف تفحيط لي ينزل اخته ويفحط ويقط كلام وحنا بشارع نتظر احد يفتح لباب شوي يجي استاذين ويدخلو عند لحارس ولحارس يدق عليهم جوال يفتحون ولافتحو لا وازيد من شعر بيت فتحو لباب وقت ماكنا ندخل وحده من حقات شئون تقول مافيه دخله وربي بس فتحو لباب ولبنات يندفعون وين عايشين صغار يسكون لباب ماصارت بالحضانات وخير يخلون بشارع يدخلونا ويتفهمو هذا الموقف بسيط

الموقف ثاني ان الموظفات لي يشتغلون بالكليه معاهم جوالك كاميره ممنوعه على طالبات وهم لا يعني بالله عليك كلهم مافيه وحده منهم نذله بتصور بنات ولا ازيد من شعر بيت هم يلبسون نص كم اما حنا طالبات لا ومره كنت لباسه بلوزه فتح دلعه كبيره قالت وحده من شئون تتدفعين خمسين ولا مافيه ولاهاتي جوالك خير ان شاء الله اول مره اشوف كليه كذا وهي لباسه بلوزه نص كم ياسلام وش رايك

لا وبعد اذا لوحده مخالفه بزي بخو على بلوزتها بخاخ وربي حركات بارين وين عايشين ولا اسلوبهم في كلام وربي كلام زي مستوهم ومشكله نص الموظفات يدرسون انتساب بالكليه يعني ماعندهم شهاده يعني تبين نتعامل معهم كيف وموظفات الامن وكلام منحط لي يقولونه تخيل يسبون خير ان شاء الله ترى في معانا بالكليه بنات متزوجات وعندهم عيال وربي يعورني قلبي لما اشوفهم يتهزون وين عايشين ياخوي حنا قارنا بين لجامعات ولكليه وشفنا طريقه تعاملهم وش كيف كليتنا المصونه وش يصير تضحك اضحك من اليوم الى بكره بس ماتعرف اي شي عن لي يصير وربي ظلم في ظلم مستوى تتدريس فاشل وفوق كل هذا يوم يقولو تخيطيط امحق تخطيط لانهم لبعض يبيع الاسئله ولي هي سافرت ونتقلت الى كليه ثانيه بطائف تتدرس فيها شنو تخطيط انا بقولك حنا نقول تخيط وهم يخططو لانهم اساسا مايشرحو يعني يقرون ويحضرونا ويطلعو وخلصت لمحاضره ياسيدي الكريم

وبعدين تقولو وين اهلهم مايسالو عنهم يعني حضرت لمحاظره لي هم يشرحون علشان احضر وبعدين نص لي بحرم الكليه يكون مطرودات من لمحاظره تتدري ليه لان مايعرفون يشرحون وتضيع الاستاذه وقت لمحاضره بطرد وكلام لي كله سب بالله عليك هذا كليه والاختبارات مافيه احد ناجح الا ويكون حامله كذا ماده بالله خلل في طالبه ولا هيئه تتدريس اوكى شوفو نسب طالبات واحكمو لي كانو بتسعينات شوفو مستوهم بالكليه ماتنجح الا وهي حامل مادتين ولا ثلاث وش اقول غير حسبي عليهم من كليه

كلامي هذا ان فيه احد قراه من مسئولين بالكليه اقصد برى لكليه وبيد الحل يفكنا من هالمصايب دخليه
لان مساله زادت عن حدها ولازم احد يوقفها كليه بلاعميده وبلااستاذات اكفاء وش تسمونها

[حيزبون]

لي عوده بعد الافطار انشاء الله0

[الهائمه]

انتظر عودك واعذرني على الاخطاء الاملائيه لاني كنت اكتب بسرعه وانا معصبه


واتمنى اي وحده من بنات صار لها موقف تذكره للاخ الكريم علشان تتوضح له الصوره

[همسة غلا]

اي والله صادقة هايمة بكل كلمة تقولها

الكلية كلها ابتزاز وبس بكل شي مخالفة لو تلبسين نظامي مليون بالمية غصب يطلعون شي

واذا مارضيت يبخون عليك بلون تدفعين 50 ولا ماتاخذين عباتك شوف شنو هالغباء

ومن نماحية التدريس صادقة هايمة الوحدة منا لازم تحمل 2 او 3 واللي تنجح بكل المواد اكيد لها علاقة مع هيئة التدريس يعني لازن نجامل على حساب نفسنا
واللي تكرهه مدرسة تضمن انها بتجيب المادة وحدة من صديقاتي صار لها كذا


هذا حال كلية الخفجي

وربي ملينا خاطري يمر سنة بدون ما احمل مواد

لو اظمن اني احل 100 بالمية راح احمل مواد لازم مدري لية عجزانين يصححون الحمد الله ياربي

الهايمة بالله طلعووو فضايح هاكلية الخايسة

[الهائمه]

همسه فدتيك على انك ايدتي كلامي وانه صحيح لانها جاتني رساله بخاص من واحد اسمه كاهن يقول اعطيني اسماء مدرسات قلتله بكون اكرم منهم وماراح افضحهم بالاسماء قال اني شرشحت الادريات ومدرسات وبتالي اكرم منهم ويقول نت لنقاش وعلى ماعتقد نقاش في صفحات منتدى مو برسائل

وعلى مااعتقد انا كتبت هالكلام رد على الاخ حيزبون وعلى ناس لي ماتعرف شنو صاير وان شاء الله راح اكتب موضوع خاصه عن كل لي يصير بالكليه الغفله

واتمنى من اخ كاهن لا يرسل رسائل خاصه واذا عنده شي يناقش هنا

[قلم]

الله يعين هالبنات على الكليه !!!!!!!!!!!!!!!!!