رد إدارة كلية العلوم والآداب للبنات بالخفجي على الشكاوي المقدمة من الطالبات

[حلا الخفجي]

اقتباس المشاركة الأصلية كتبت بواسطة كلية العلوم والآداب بالخفجي لا أعلم أي باب تطرقين للدخول على العميدة !! فلا زال الكثير من الطالبات يطرقون الباب القديم والذي تم إقفاله من سنتين , وبعدها يسعون لنشر الشائعات بين الطالبات ومواقع الانترنت بقصة قفل باب غرفة العميدة !!!

انا بنفسي رحت ابي ادخل عند العميدة عشان تحل لي مشكلة السنة اللي فاتت وما حلتها لي رئيسة القسم

وعطتني السكرتيرة موعد للدخول عند العميدة ... واخذت رقمي الجامعي واسمي ورقم جوالي ..وقالت تعالي الساعة

11،45 دقيقة ... كانت عندي محاضرة واستأذنت ورحت بس لما جيتها ما خلتني ادخل ... تقول (( روحي لرئيسة قسمك))

طيب ليه من البداية تقول لي بتدخلين ...

انا اقول يا كليتنا مع احترآآآآآآمي لك .. حاولي تتفقين انتي وموضفاتك على راي واحد مو تقولون ندخلكم

ولكم ساعات مكتبية ولما نجي تصرفوننا ... اتمنى عدم حذف الرد..



وبعدين حنا مو اميين ما نفقه المكتوب على البلايز بالانجليزي..حنا نعرف المكتوب واكيد ماراح نلبس شي يخدش حياءنا

لاننا بنات ناس وعوايل محترمة وعارفين حدود الاحتشام ... طبعا انا ما اشمل كل البنات لان جد في بنات يمصخونها

ويلبسون بلايز شفافة جدآ جدآ ..وهنا المفروض تقع المخالفة ..


((لا يكلف الله نفسا الا وسعها))


لا تضغطوون علينا هذا صوتنا ...صوت بناتكم

[رمااااد]

اقتباس رد الإخ نايف ...

صدقتي اختي بنت الخفجي فيما تقولوين
لكن اللي عنده شكوه هذيك الكليه فاتحه بابها للمشتكين ماهو الوحده بس تحط هنا في المنتدى وتتحرى الردود والإجابه
ليش انتن خايفات إذا واثقين يابنات فيما تقولون ليش خايفات روحوا أشتكوا رسميا

بصراحه كلام الكلية واضح ويقطع الأجابه والشك
وحرام عليكم تشوهون صورة هذي الكليه وهي تسعى في خدمتكم وتعليمكم والخوف عليكم دون لاتشعرون
يعني الوحده تبي تروح وتجي على كيفها في الكليه حنا مانرضى
اللي تبي تروح وتجي على كيفها الأفضل تجلس عند أهلها يمكن بعضكن محشورات عند أهاليكن بس فالحات بالكلية والحرية

قلبت عليكم

تحياتي لك واشواقي..



بسم الله الرحمن الرحيم ...

أخي نآيف !!

تقول ان احنآ خايفات ؟؟ و تقول خلوا عندكم ثقه و رحوا اشتكوا ؟؟ و حرآم علينآ نشوه صوره الكليه ؟؟

اولاً : احنآ مآ نخاف الا من اللي خلقنآ و مآ عندنآ اي خوف لآن احنآ نطالب بحقوق لنآ كطآلبآت ..

ثآنياً : احنآ عندنآ ثقه و رحنآ نشتكي ( يعني انآ بنفسي رحت للعميده يوم الاحد اللي فات و بنفس الوقت اللي هم

حاطينه من الساعه 12 الى 1 لكن السكرتيره ما دخلتني و قعدت تسألني وش ابغى فيها و قلت لهآ موضوع

و اصرت الا تعرف و قلت لهآ ايش الموضوع و مآ كان منهآ الا انها تقول روحي لـ الاستاذه ( .... ) و
قلت لهآ انا ابغى العميده بنفسهآ و رفضت > اتوقع من حقي ادخل عليها و ان اقول لها وش عندي
لكنهآ رفضت ...

ثآلثاً : تقول حرام نشوه صورة الكليه ( احب اقولكـ مآ في دخآن من دون نآر ) و احنآ مو جايين نلعب

احنآ نطالب بحقوقنآ كطآلبآت و اهم شي الاحتراااام "

و من ناحية الزي المحتشم لازم تعرفون اني انا بنفسي ما اسمح لحآلي اني اطلع بزي مش محتشم و لله الحمد
اعرف حدودي زين و اخاف ربي فيعني مو معقوله بجي في زي مش محتشم !!

و احنآ نحترم اعضاء هيئه التدريس و نعرف ان لهم مكانه و حنآ لنآ مكانه لكن بمآ انهم يتكلمون عن اللباس الشرعي
انآ اتوقع ان الشرع يُطبق ع الكل مش على طالبآت دون غيرهم و هم يقولون يخالفون حتى المعلمات بقولكم انا صآر لي
3 سنوات ادرس و للحين المعلمات على لبسهم ما تغير شي ..

و غير كذا ما اتوقع ان اللبس الشفاف و لمآ اقول شفاف ما اقصد فيه اللي مره واضح لا اقصد الشفاف اللي جدا ثقيل
و بعد لا تنسون ان فيه تحت الشفاف شي اسمه بدي يعني ما نلبسه لوحده احنا نلبس تحته يعني ما نتركه كذا ...

اما سالفه الانقلش بعد على اي اساس يمنع اتوقع اننآ فاهمين و واعين يعني مش معقوله البس شي ما افهم ايش مكتوب عليه !!


" و اخيرا كلمة حق لازم تقال >> احنآ نقدر جهود العميده و انها تحاول تعدل من اوضاع الكليه

و كمآن اعترف انهآ من جت و تغيرت اوضاع المبنى و صار حللوه لكن احنآ ما يهمنآ يكون المبنى لدرجة الجمآل

بالعكس مستعده ادرس و المبنى على حاله ما يهمني لكن اللي نفقده هو الاسلوب في الحوار من الامن الا القبول و التسجيل الصراحه

دايما معصبات و صراخ فينآ على ايش ما ادري ؟؟

و حابه اقول كمآن ان العميده و الاستاذه فريده >> جداً اسلوب و تحب تسمع للطالبات هذا اللي سمعته من كذا طالبه

و الحقيقه انآ شفتها كذا مره وهي تتمشى قاعده تشوف اوضاع الكليه ( المبنى ) و حسيتهآ جداُ حبوبه و طيبه

لكن اللي مش فاهمته ليش ما يدخلونآ عليها من شان تسمع لنآ ..


و شكراً لكم ,,,

[ثلجـه فوشيـه]

رماد صادقه بكل كلمه قلتيها

و أستاذه بتلاء يالبى والله بعد ما تقصر , و هذي مشكلتنا انهم يرفضون دخولنا للعميده


كيف راح أناقشها ! انا أحس العميده راح تسمع منا لو دخلنا عليها واحسها متفهمه


بس ليه كذا مايبون يدخلونا عليها , مدري اهي اللي رافضه أو البلا منهم


جد ترى احنا البنات في حيرررره

[منتهى الذوق]

اقتباس المشاركة الأصلية كتبت بواسطة هوآهآ خفجآويے بسم الله الرحمن الرحيم كلية العلوم والاداب بالخفجي لكم كل الشكر بمآ تسعون به من اجلنآ نعم نحن نقدر كل ماتقدمونه من اجل الكليه ولتطويرهآ هذه الضجه التي حدثت نتيجة مقارنة بعض الطالبات كلية الخفجي بكليات المناطق الاخرى من حيث الانظمه او الشكل الهيكلي للكليه .. نعم انا من ضمنهم استأت حين رأيت الكليه بهذا المنظر واستأت من معاملة بعض نساء الأمن انا اقدر عملهم ووقفتهم بالشمس وتفتيش اكثر من 4000 آلآلآف طالبه .. فحين افكر في كل هذه الامور والله اني اقول في نفسي : لا اريد سآحه اسرح بهآ متى شئت .. ولآ اريد قاعات وسيعه تسرح بهآ الخيول .. ولآ اريد كآفتيريآ متوفره بهآ افضل انوآع الاطعمه .. ولا اريد كليه من افخم الكليآت .. ولا اريد ان ارتدي ملآبس تكون مخالفه للانظمه .. انآ مااريده هو .. معامله حسنه من قبل بعض الدكاتره والاستاذات انا لااعم بإن جميعهم معاملتهم سيئه جدآ مع الطالبات لا والله فبعضهم هم من يسعون لخدمتي ( جزاهم الله كل الخير ) والبعض منهم والله وكأني عدوه لدوده لهآ رغم اني اتحدث وابتسامتي عريضه لهآ < يكمن اني حساسه حبتين ^_^ الشيء الثاني مثل ما تفضلت اختي ازف الرحيل وتكلمت عن مشكلة التعارض نعم فا انا اقول هذي مشكلتي الاولى لان التعارض يـأخر فلربمآ سنتين او 3 الى الامام وحين اكلم رئيسة القسم بمشكلة التعارض لديهآ كلمه وآحده فقط ( احذفي ) وكل رئيسات الاقسام حين نواجه مشكله بالتسجيل لانسمع منهم الا كلمة احذفي احسست اني لو اقول لهم سلام عليكم ردوآعلي بكلمة (أحذفي ) الشيء الثالث .. نساء الامن وما ادراكم ما نساء الامن .. انا قلت في بداية كلامي اقدر تعبهم فيما يقومون به من جهد لكن ( الابتسامه في وجه اخيك صدقه ) .. ( الكلمه الطيبه صدقه ) ولله اني حين ادخل من باب الكليه اني ابتسم لكل واحده فيهم واساعدها في تفتيش حقيبتي لعلهم نساء اكبر مني .. لكن لا ارى منهم الا سوء معامله لدرجة ان واحده فيهم قالت لي ( ارجعي ورآ ووسعي الطريق للدكتوره لا اهفك كف ) والله على مااقول شهيد .. لماذا .؟ انا لا القي اللوم على نساء الامن .. لان يوجد طالبات اخلاقهم اسوأ من نساء الامن لكن لماذا الامن يعمون الشر على الجميع..؟ الشيء الرابع : وقت الانصراف .. وهو فتح الباب الساعه السابعه والنصف واغلاقه الساعه التاسعه .. والخروج الساعه 11 لا ارى اي مانع لو بقي الباب مفتوح .. لان كوني انا لدي محاضره الساعه الـ 10 .. لماذا أأتي من الساعه الـ 8 صبآحا .. ماذا افعل طيلة هذا الوقت .. او ان لدي محاضره واحده في اليوم الساعه الـ 8 وتنتهي في تمام الساعه الـ 9 والنصف .. لذلك اضطر للجلوس في الكليه ساعتين حتى يفتح الباب .. صدقوني في بعض الامور معقده نوعآ مآ .. لذلك ارجو اعادةالنظر فيهآ اذ تكرمتوآ وكل مآفي الامر والله اني بالنهايه اسعى للتخرج واستلام والوثيقه .. ولااسعى لشيء اخر وفقكم الله لمآ يحبه ويرضآه

كلالالالالامك شفته في ارض الواقع
فعلالالالالالا صادقه بكل حرف كتبتيه

[كلية العلوم والآداب بالخفجي]

اقتباس المشاركة الأصلية كتبت بواسطة مطلق زحام عزيزي المعرف .... لم تجب عن ما ذكرت سابقا وهو لبس البنات لملابس الرجال وأفعالهن أفعال الرجال من تسريحة شعر وما إلى ذلك .....

اقتباس المشاركة الأصلية كتبت بواسطة مطلق زحام سبق وقد قلت نخالف الانثى لممارستها انوثتها ولا نخالفها للتشبة بالرجال .... أما عن الأمن .... هل موظفات الامن كفيفات لا يرين ما يجري .....ما قيل لي ...كان في ساحة الكلية الوسطى ... كلام غير مقنع أيها المعرف ... لقد كلفني الكثير ما يحدث في الكلية كما قلت لك .... وسأفعل ما استطيع حتى أثبت لك صحة كلامي ..... تمنياتي للكلية بالصلاح

الأمن يعملن كل مابوسعهن للحد من هذه الأمور وضبط الحالات المخالفة والمخلة بالآداب

وقد سبق أن أفدتكم بأن من يتم ضبطها يتخذ بحقها قرار تأديبي

قد تصل إلى الفصل نهائياً من الكلية

نشكر لك اهتمامك

[كلية العلوم والآداب بالخفجي]

اقتباس المشاركة الأصلية كتبت بواسطة ثلجـه فوشيـه · نعلم بوجود مثل هذه الحالات في جميع الكليات والجامعات بالمملكة وبعض المدارس أيضاً

اقتباس المشاركة الأصلية كتبت بواسطة ثلجـه فوشيـه · لابد لكن من الاقتناع بأن كلية العلوم والآداب بالخفجي أصبحت تابعة لجامعة وبالتالي أصبحت تطبق عليها أنظمة الجامعات , ولكل جامعة أنظمة معينة تسير على نهجها , وبالتالي لا يمكن مقارنة الجامعات بعضها ببعض لاختلاف أنظمتها - ليه بمشكله البويات قارنتي وقلتي انو موجوده بكل الجامعات الله يجزاك خير .. ولما قلنا لكم عن الزي الجامعي انو مسموح لهم بكل الجامعات , ذكرتي لا يمكن مقارنه الجامعات بعضها ببعض . . اتمنى الاجابه وعدم حذف الرد لاني ماغلطت بس مستغربه + واتمنى بعد مخالفات البويات لانها اكبر مشكله في بنات يتعاقبون على شيء مايسوى , محد يستحق العقاب الا البويات

مشكلة البويات تعتبر ظاهرة نسعى للحد منها

أما الزي الجامعي المحتشم يعتبر نظام نسعى إلى تطبيقه

وهناك فرق بين الظاهرة والنظام

[كلية العلوم والآداب بالخفجي]

اقتباس المشاركة الأصلية كتبت بواسطة حلا الخفجي انا بنفسي رحت ابي ادخل عند العميدة عشان تحل لي مشكلة السنة اللي فاتت وما حلتها لي رئيسة القسم وعطتني السكرتيرة موعد للدخول عند العميدة ... واخذت رقمي الجامعي واسمي ورقم جوالي ..وقالت تعالي الساعة 11،45 دقيقة ... كانت عندي محاضرة واستأذنت ورحت بس لما جيتها ما خلتني ادخل ... تقول (( روحي لرئيسة قسمك)) طيب ليه من البداية تقول لي بتدخلين ... انا اقول يا كليتنا مع احترآآآآآآمي لك .. حاولي تتفقين انتي وموضفاتك على راي واحد مو تقولون ندخلكم ولكم ساعات مكتبية ولما نجي تصرفوننا ... اتمنى عدم حذف الرد.. وبعدين حنا مو اميين ما نفقه المكتوب على البلايز بالانجليزي..حنا نعرف المكتوب واكيد ماراح نلبس شي يخدش حياءنا لاننا بنات ناس وعوايل محترمة وعارفين حدود الاحتشام ... طبعا انا ما اشمل كل البنات لان جد في بنات يمصخونها ويلبسون بلايز شفافة جدآ جدآ ..وهنا المفروض تقع المخالفة .. ((لا يكلف الله نفسا الا وسعها)) لا تضغطوون علينا هذا صوتنا ...صوت بناتكم

بعض المشاكل لاتتطلب الدخول إلى عميدة الكلية

وسأطرح بعض الأمثله على ذلك ( من الواقع )

1. طالبة تريد الدخول على العميدة وعند سؤالها عن السبب أفادت بأنها تريد تسليمها عذر طبي بسبب تغيبها عن بعض المحاضرات , في هذه الحالة تم توجيه الطالبة لأساتذة المادة لتسليم العذر حيث أنهم هم المعنيين بذلك لا عميدة الكلية .

2. طالبة تريد سحب ملفها من الكلية وتريد مقابلة العميدة لهذا الغرض , تم توجيهها لقسم القبول والتسجيل حيث أنه هو المعني بموضوع سحب الملفات لا عميدة الكلية .

3. طالبة تريد التحويل من كلية إلى أخرى وترغب بالدخول إلى عميدة الكلية وقد تم تحويلها لقسم الشئون الاكاديمية لإجراء اللازم لها وإفادتها بما هو مطلوب منها لإنهاء إجراءات التحويل وبالتالي لا يلزم دخولها إلى عميدة الكلية .

4. طالبة تريد الاستئذان للخروج من الكلية وتريد نموذج طلب استئذان من عميدة الكلية , يتم تحويلها إلى وكيلة الكلية للشئون الإدارية لإجراء اللازم لها حيث أن هذه الأمور تتم عن طريق الأقسام التابعة لمكتب وكيلة الكلية .

عزيزاتي الطالبات :

هناك أمور كثيرة يتم حلها من قبل رئيسات الأقسام ووكيلات الكلية بدون الحاجة للرجوع إلى عميدة الكلية

لكن هناك بعض الطالبات يتوجهن لمكتب العميدة مباشرة عند وقوع أي مشكلة لهن بدون الرجوع إلى رئيسات الأقسام أو الوكيلات

ومن الواجب على مكتب سكرتيرة العميدة سؤال الطالبة عن موضوع الشكوى , وتوجيهها إلى القسم المعني لحلها

فإن لم تحل المشكلة من قبل رئيسة القسم أو وكيلات الكلية

تقوم الطالبة بتعبئة نموذج مراجعة مكتب العميدة وذلك لأخذ موعد للدخول على عميدة الكلية لعرض مشكلتها ومحاولة لإيجاد الحلول لها .

أحياناً / يتم عمل إجتماع عاجل في مكتب العميدة إما مع رئيسات الأقسام أو إدارة الجامعة عن طريق الشبكة في أوقات الساعات المكتبية للطالبات , وهذا الموضوع خارج عن إرادتنا حيث أن هناك بعض الأمور التي تطرأ تكون عاجلة ولا مجال لتأجيلها .

في هذه الحالة يتم تعويض الطالبات بموعد آخر لمراجعة مكتب العميدة إما أن يكون في نفس اليوم أو في يوم آخر يتم تحديده للطالبة .

[كلية العلوم والآداب بالخفجي]

[align=center]
أعتذر عن الرد عن باقي الردود

حيث أن أغلب الردود متشابهة في محتواها

وقد سبق لنا الرد عليها مراراً وتكراراً


إدارة الكلية


[/align]

[ثلجـه فوشيـه]

والله ماعرفنا لككم , الكلام هنا غير والتطبيق شي ثاني

كله كلام في كلام . . طيب أذا حبيت اقدم شكوى لمين أروح ؟


لرئيسه قسمي بعد ولا القبول والتسجيل . .


م اقول الا الله يهديكم .. يعني معقوله كل الكلام اللي قالوه البنات مو صح


وانتم الصح ؟؟؟ عجيب والله ,

[كلية العلوم والآداب بالخفجي]

[align=center]
أولاً / الرجوع إلى رئيسة القسم

ثانياً / في حال لم يتم إفادتك من رئيسة القسم فيمكنك مراجعة وكيلة الكلية للشئون الاكاديمية في حال كانت المشكلة خاصة بالجداول والمواد وغيرها من الامور الأكاديمية أو لوكيلة الكلية للشئون الإدارية والمالية في حال كانت المشكلة خاصة بالأنظمة والزي والمخالفات والأمن وغيرها من الأمور الخاصة بشئون الطالبات

ثالثاَ / في حال لم يتم حل مشكلتك من قبل وكيلات الكلية ( حسب الأنظمة المتعارف بها في جامعة الدمام وكلية العلوم والآداب للبنات بالخفجي ) فيمكنك تعبئة نموذج مراجعة مكتب العميدة وتحديد موعد لمقابلة العميدة في الأوقات التي تم ذكرها لكن مسبقاً
[/align]