عندما جلست أمام البحر لم يدر بذهني كتابة قصيده إنما هي خلوه مع النفس فقط
ولكن الشوق ابى ان يتركني وحدي وانتهز فرصته واتاني على حين غره
فخرجت مني هذه الابيات وأنا اتدبر البحر وكانت الرياح وقتها شماليه وكأنها تقول استنشق هواء ديارك العذب فتحرك الحنين واتت قصيدتي
فتقول القصيده:
[poem=font="Traditional Arabic,6,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ياساحل الخفجي انا جيت بشكيك=بشكي الفراق وجرح قلبن هنيه
امواج بحرك كل ماجيت بْنخيك=قامت تلاطم تقل تبكي عليه
يابحر وش هي حيلتي يوم اناجيك=غير الدموع اللي مْسحتها يديه
يمكن الاقي حل وإلا اخاويك=وابحر معك وانسى هْموم البريه
وعزاه يا قلبن همومه دواكيك=تبرك بصدري كل صبح وعشيه
ترمي ضْلوعي مثل رمي النيازيك=تمشي سريه تستلمها سريه
ياوقت حظي تايهن في لياليك=عجزت الاقي سكتي وين هيه
حالي حزين ودمع عيني بْينبيك=ونفسي من فراق الحبايب رديه
ياطير ياللي عالين في جناحيك=سبحان من حط بجناحك مزيه
ياليتني ياطير اقدر اجاريك=واطير لديار الشمال العذيه
يرتاح بالي يوم آصل مبانيك=وكل الجروح تْطيب لوهي نديه
يحن قلبي ياتذكر اهاليك=اللي غلاهم دوم يطري عليه
شوقي على دب الليالي يباريك=يام الفخر والعزوه الوايليه
حبك ياعرعر ثابتن مثل واديك=يبقى مدام الروح بالقلب حيه
متى على دارك تجينا التباريك=واشيل عفشي للديار البهيه
ياقلب هود ماذكرته يكفيك=الوقت سيفن والاوادم ضحيه
لولا عدوي كان بحت بْخوافيك=وابديت مابقلبي بنفسن رضيه
لكن عسى يارب تاتي حسانيك=ماغيرك احدن يفرج الهم ليه[/poem]
عقيلي المجلاد ٩/٨/١٤٣٢
المواضيع المتشابهه
العرض العادي
