الثانويه الثانيه والتخرج العجيب

[حلمي لقياك]

مرحبا كيفكم؟

حبيت نتناقش بموضوع حفل التخرج
هذي اخر سنه بنكون مع بعض خلاص بعدها ماراح نشوف بعض الا بالصدف والمدرسه مو راضيين يسوون الحفل

عشان عقاب للبنات اللي سوون مشكله تيب احنا وش ذنبنا ننتظر هاليوم من كم سنه والله حرام لاحفل تخرج ولاشي وغير هذا الاداره يتكلمون بالطابور يقولون نوعدكم ياثاني ثانوي بنسوي حفل تخرج مميز لكم السنه الجايه وقدامنا ياثالث وبلعنها وسكتنا كل سنه الحكوومه يقطووون تكاليف حفل التخرج للمدارس مدرستنا شي مو معقول ظلم وكل شي فيها هذي مدرسه بالله الثانويات سوو حفل تخرج كل
ثانويه احلى من الثانيه الا احنا كل بنت اهلها تكفلو يسسون لها حفل تخرج براء ((وينك ياوضحى المري وين ايامك))

[شمس الرائدية]

’’

ي قلبي ..


( آلشر يعم و آلخير يخص ) ..

طيب سآمحوآ و آصفحوآ ي آلإدارة آخر سنه لهم .. وش ذنب آلبقيه ..

ربك يسهل إن شآء الله ..’’

[حلمي لقياك]

مالقيتي الا الاداره يسامحون ومن بعد ادراه الثانويه الثانيه ياحياتي شكلك ماعرفتي المدرسه والاداره للحين يعلموننا بالدروس التسامح واهم مايعرفون شي اسمه تسااامح حسبي الله ونعم الوكيل هذا اللي اقوله ضيعو علينا فرحتنا بالتخرج

[فاصله]

هذا اللي يقهر في بعض المدارس ... وش يضرهم لو حطوا حفل تخرج لطالباتها ؟!!
إحنا من دون سبب قالوا مافيه حفل ممنوع وبالأخير سكتونا بمسيره في حفل الأمهات وملبسينا وشاح أخضر
كأننا في اليوم الوطني ... مع كل هذا كان يوم حلو

سبحان الله وبحمده سبحآن الله العظيم

[دانة الكون]

خيره يا بنت الحلال
" و عسى ان تكرهوا شيء و هو خير لكم "
الكلام الطيب يجيب نتيجه جربوا تكلمون الاداره و ان شاء الله ما يردونكم خايبين
هذا اولاً
ثانياً:
الحكومه ما تصرف على حفلات التخرج ولا فيه شيء اسمه حفل تخرج
النشاط اسمه حفل ختام الانشطه و من ضمنه فقره للخريجات
لكن تحول الختام كله للخريجات
و ترى الميزانيه المرصوده له ولاشيء مع هالتكاليف

اكرر
ارجعوا كلموا الاداره و خلوهم يعاقبون المتسببات و يحرمونهن من حضور الحفل و ان شاء الله ما يردونكن

[حلمي لقياك]

لاوالله مابنكلمهم ونفشل انفسنا وربي اكثر من 10 مرات رحنا وردونا ليش نفشل انفسنا بعد اكثر من كذا وانا جاني خبر ومن مصدر موثوق انو الاحتفالات بالتخرج من الحكومه يعطون المدارس بس مدرستنا (قسسسسم الفلوس واخذ))) هذا النظااام وبعدين انتهت السنه وحسبي على اللي قطع فرحتنا بالتخرج

[دانة الكون]

قلت لك مافيه شيء اسمه ميزانيه لحفل التخرج
الميزانيه لحفل ختام الانشطه
اللي من ضمنها فقره بسيطه للخريجات
و للاسف المصدر اللي قال لك مخربط بين الاثنين

خلو حفلتكم بعد النتايج و سووها برا و اعزموا اللي تبون
ولا تنسون تعزموننا

[الخالدي عنك]

اختي دانة الكون اضم صوتي لصوتك وادعو الغاليات الى التفكير في فترة الاختبارت ووالتركيز على حصد الدرجات
واللي فات ننسهاااا ونبدااااء من جديد والاستعداد الى المرحلة الجاية (( حياة الكلية والجامعة )) ..وهي المرحلة
الاجمل في حياااااة كل طالب وطالبة ....وتقبلو كل احترامي ودعواتي لكن بالتوفيق ..
اخوكم العضو: الخالدي عنك ..

[5foO8]

مالومك والله إذا انقهرتي وتحسبتي عليهم
من جـــد شي يقهر و حالكم حال اي بنات ويبون يفرحون بتخرجهم
لكن ماعليك ربك معك .... وبجد سووه برا وانبسطوا وفلووها واحسن بعد محد يقعدلكم ع الحبه هذا ممنوع وذاك ممنوع

>>>> هو حلات الحفل بالمدرسه تحتفلين مع خوياتك وابلاتك ..... لكن لاحياة لمن تنادي ...... <<<<<

ويمـــــــــكن خيره !!!!!!!!!!!!!

لكِ ::

[perfume]

اقتباس المشاركة الأصلية كتبت بواسطة الخالدي عنك اختي دانة الكون اضم صوتي لصوتك وادعو الغاليات الى التفكير في فترة الاختبارت ووالتركيز على حصد الدرجات واللي فات ننسهاااا ونبدااااء من جديد والاستعداد الى المرحلة الجاية (( حياة الكلية والجامعة )) ..وهي المرحلة الاجمل في حياااااة كل طالب وطالبة ....وتقبلو كل احترامي ودعواتي لكن بالتوفيق .. اخوكم العضو: الخالدي عنك ..

كيف يكون هذا الرد من قبل مرشدة طلابية دورها القيام بحفل التخرج على أكمل وجه . وليس الرد على الطالبات في
المنتديات ووعدهن باستقبال حياة جديدة جامعية وهن لم يشعرن بطعم التخرج من المرحلة الثانوية . وقبل كل هذا
كيف تصدر أخطاء إملائية بهذا الحجم من قبل معلمة جامعية !!!!