الى معلمات الخفجي ضروري ارائكم

[القصيده]

السلام عليكم ورحمة الله وبركاته احنا مجموعه بنات متخرجات من سنين وان شاء الله مفكرين بمشروع حظانه في بيتنا وراح نتفرغ لاطفالكم بخصوص الى ماعندها خادمه وبوضوح نبغى اقتراحاتكم والجو المناسب لاطفال فى البدايه راح يكون المشروع مبدئيا تخصيص وجبات اطفال لفطور الطفل ورعايته واى شي مناسب لكم وفيه اقبال كبير من ناحيه الفكره تحط ردها للموضوع واحنا بنشوف العدد والكميه ونحدد نتمنى مساعدتكم راح نبدا فيه بعد العيد ان شاء الله واريكم يهمنا مع العلم عندنا خبره بالاطفال من سنتين ومافوق شـكــ وبارك الله فيك ـــرا لك ... لك مني أجمل تحية .

[روح البداوه]

حلوه الفكرره فيها استغلال وقت الفراغ

تكون غرفه مخصصه فيها العاب -تلفزيون

كتب او قصص اسعافات نوع من الاحتياط

وانشالله الباقي يفيدونك

[ام الخيل]

فكره جيده وضحي برنامجك وجدولك وان شاالله راح تلاقون النجاح باذن الله

[القصيده]

نعتمد الجدول بعد اراء الامهات وراحه اطفالهم

[تباشير الصباح]

السلام عليكم ،،

فكرتكم اكثر من رائعه .. بس وفروا غرفه لنوم الاطفال وغرفه فيها الألعاب وتلفزيون وبعض المجسمات التعليميه وغرفه لتناول الطعام بالاضافة الى دورة مياه اعزكم الله .. وتاكدوا من التهويه والإضاءة الجيدة .. وانا راح اكون اول وحده أجيب عيالي واتطمن عليهم مع بنت بلدي .. الله يوفقكم اذا سويتوا هالحضانه بتفرجون على كل الموظفات .. بانتظاركم

[القصيده]

ان شاء الله خير

[نوف العايد]

والله فكرة حلوة وياليت تنفذ...على الاقل المعلمات يضمنن وهن بالدوام على ان اولادهن بامان
وانتن بلد البلد واطفالنا بيدي امينة ...والله يوفقكن ويسهر دربكن

[نوووسه]

موفقين بإذن الله ... الفكره حلوه وان شاء الله يتحقق لكم ماتتمنونه بإذن الله وتوفيقه....

[شاب طموح]

اقتباس المشاركة الأصلية كتبت بواسطة القصيده السلام عليكم ورحمة الله وبركاته احنا مجموعه بنات متخرجات من سنين وان شاء الله مفكرين بمشروع حظانه في بيتنا وراح نتفرغ لاطفالكم بخصوص الى ماعندها خادمه وبوضوح نبغى اقتراحاتكم والجو المناسب لاطفال فى البدايه راح يكون المشروع مبدئيا تخصيص وجبات اطفال لفطور الطفل ورعايته واى شي مناسب لكم وفيه اقبال كبير من ناحيه الفكره تحط ردها للموضوع واحنا بنشوف العدد والكميه ونحدد نتمنى مساعدتكم راح نبدا فيه بعد العيد ان شاء الله واريكم يهمنا مع العلم عندنا خبره بالاطفال من سنتين ومافوق شـكــ وبارك الله فيك ـــرا لك ... لك مني أجمل تحية .

مرحبا

خصصتي الموضوع للمعلمات لذلك أرجوا ألا تمانعي مداخلتي . حبيت أفيدك ببعض النقاط اللي أعتقد انها مهمه من واقع تجربة وربي يرزقك من واسع فضله . سبق وقررنا نترك اطفالنا عند حضانه في الخفجي لكن رفظنا بعد ماشافاتها زوجتي للأسباب التالية: الصالة او الغرفه اللي حاطين فيها الأطفال مساحتها صغيرة والأطفال كثيرين والمكان مليان بالروايح السيئة . فيه فلبينيتين فقط والأطفال اللي يصيح واللي يلعب واللي يتخانق مع الثاني والفلبينيات بس قاعدين يتفرجون مافيه اهتمام بالأطفال وعشان الأسباب هذي رفظنا نترك اطفالنا عندهم مع انها رخيصة .
نصيحة :
ركزي على النظافه والرعاية الجيدة للأطفال واذا كانو الأطفال كثيرين والغرفه ضاقت بهم قسميهم على غرفتين او غرفه وصالة . لاتخصصين الحضانه للمعلمات فقط لأن حتى موظفين الشركات أمثالنا محتاجين للحضانه بسبب ظروف العمل . انصحك تزورين الحضانة اللي بالخفجي ( مع انها سيئة) او الكويت اذا تقدرين عشان تستفيدين من خبراتهم ، للفائدة فقط : نظام الحضانات في الكويت من شهر الى سنتين رعاية فقط اكثر من سنتين رعاية والعاب للذكاء وتنمية العقل والتفكير ومدرسة للغه الأنجليزية . هذا اللي حبيت أضيفه وأتمنى أكون افدتك لو بمعلومة واحدة .

[القصيده]

السلام عليكم ورحمة الله وبركاته ان شاء الله راح يكون كل شي مناسب ومعتمد بس ننتظر ان شاء الله قبول اكثر من جيع الموظفات الى عندهم اطفال والله يقدرنا على رعايتهم وجزاك الله خير على النصايح القيمه