أهديك قلبن ما كذب يوم يغليك
يضخ حبك والغلا في وريدهـ
كل ماذكرتك فز قلبي يناديك
وعجزت لاأكتب فيك جمله مفيدهـ
لاجيت أبكتب فيك شي يساويك
أحتار في كل المعاني الفريدهـ
ماشوف في عيني حروفن تحليك
وماعدباقي حرف لأجلك أعيدهـ
أستصعب التعبيرلأقصر هقاويك
أصعب وأسهل صعب في قصيدهـ
حكمتني حكم الملك للمماليك
وعرش الفكر زكاك واصبحت سيدهـ
ساكن بقلبي يالغلا بعقد تمليك
وكيفك تعمر فيه ولا تبيدهـ
وأنا راضي ان كان قلبي سكن فيك
عشة رضي ولا قصور جديدهـ
يافز قلبي حين يطرون طاريك
فزة سجين وإحكموا فك قيدهـ
عيني تبي شوفك وقلبي يناجيك
وبنك الغلا يزيد لك في رصيدهـ
لوتنكشف قصة هوا قلب مغليك
أسبوع كامل تنكتب بالجريده
المواضيع المتشابهه
العرض العادي
