لماذا ياطالباااااااات قسم الدراسااااات؟؟؟؟؟

[heeeh]

السلام عليكم ورحمة الله وبركاته

هذي أول مشاركه لي في المنتدى أبي أتكلم في موضوع يمكن من غيرتي ومحبتي ما هو من كره شفت في كلية الخفجي من العجب العجاب بس ما أبي أتكلم عن القرارات لأن القرارات ماشيه على الكل بس حابه اذكر شي يحز في خاطري وهي المعاملة اللي نشوفها من شؤون الطالباااات وكأنهم ناسين أن الدين معامله بس نتمنى هذا الشي يتغير لأنه والله سمعت الكلية ما هي ناقصة
المهم ماهو هذا اللي أبي أقوله واللي ابي اقوله هو:
أول ماد خلت الكلية وسجلت في قسم الدراسات سمعت قرار انه بنات الدراسات راح يسون لهم اختبار قبول بصراحة في البداية عصبت وقلت ليه اختبار قبول هذا ديننا وما يصير يحرمون احد منه لأن الوزارة إذا قررت تحط اختبار راح يكون تعجيزي وكان كل تفكيري سبب هذا الاختبار إن الدولة اكتفت من قسم الدراساااات لأن البيوت كلها مليانه طالبااااات وخصوصاً من الدراساااات ومافيه وظايف وحااابين يقللون العدد؟؟؟ ماكنت ادري أن الوزارة فكرت في هذا الشي؟؟؟ أو أنها ما فكرت ماادري ؟؟ وراح أقولكم هنا وش اللي شفته وكل كلامي راح يكون عن طالبااات قسم الدراساااات ماهو تبرئه للأقسام الثانية بس أبي أقول عن قسم من المفروض انه يكون فيه أحسن البنات في السلوك والله إني احزن حزن شديد لما وحده منهم وهي قاعدة في القاعة وتشغل جوالها على أغنيه وطبعا الاستاذه تشرح وما تسمعها من الأعداد الهائلة مايهمني أنها تسمع أغاني هذا شي راجع لها بس هي لما تشغل أشياء مثل هذي في قسم الدراساااات وحنا كل موادنا دينيه بحته ياكلام عن الله أو الرسول أو قرآن اعصب وبخاطري أقولها طفيه بس ماعندي الشجاعة الكافية اني اقولها لأني عارفه الرد اللي راح يجيني .....! وهذا غير اللي نااااامصه حواجبها ,كيف انت راح تكونين مدرسة دين وانتي تسوين شي حراااااام وملعونه وخصوصاً انها بكره راح تكون قدوه ويقولون هذي أستاذتنا نامصه حواجبه بسون مثلها......! وطبعا غير الغش اللي ماشاءالله عليهم عندهم ماجستير فيه وغير كلالالالام الأستاذات في الاقسام الثانيه تقول طالبه في قسم الانجليزي عندهم استاذه تقول لهم اووووف انا الحين عندي محاضره في قسم الدراسات الله المستعااااان والله شي يقهر..... وغير الألفاظ اللي يقطونها وهم قاعدين في القااااعه من باب خفة الدم وانا اظن انها من باب خفة العقل

وهذا كله كان داخل الكلية ماحد عارف فيه بس ماشاءالله لما طلعت اول دفعه لتطبيق في المدارس اللي بتخرجون الترم هذا ......!!! طلعت الفضايح ومابقت ولا مدرسة دين الا وتشتكي طبعا الا من رحم ربي ...! مايشتكون من طريقة الشرح فقط, يشتكون من الاعجاااااب مع الطالبه ومدرستها والله لعبوا في مشاعر المراهقات في المتوسط لدرجه انه حصلت حالات إغماء انا سامعه بنات يقولون ماااعليك عندك تطبيق لاتخاااافين من البنات خليهم يعجبون فيك وهم يمشون معااااك . عاد إعجاب؟؟؟ طيب انا ماقدر اخليهم يحبوني من طريقة معاملتي لهم ماهو بأسلوب تافه سخيف.؟

انا ماذكرت كل شي بس هذا البعض والحين اطلب انه يكون فيه امتحان قبول لطالبات الدراسااات لأن هذا ديننا ولازم يكون في ايدي امينه على الاقل نحافظ على الشي اللي يعزنا لأننا بتمسكنا فيه لنا العزه واذا ضيعناه لنا الذل ......
طبعا في موضوعي هذا ما أقول الكل بس والله والله أنهم مجموعه كبيره جدا جدا وإذا سألتوا راح تعرفون وأسفه على الإطالة وسمحولي خلطت العامي بالفصحه بس أبي اعبر بطريقتي

[الـ()ـرستان]

أولا أختي heeeh
أهلا بكي في المنتدى (شايف المشاركة الاولى لكي )

المهم أختي . . .

الله المستعان . . .كل ما كتبتيه في هذا الموضوع وربي لشئ محزن جدا ان نرى معلمات المستقبل بهذا الشكل من التدني !!
(اعذروني على الكلمة لكن هي ما وجدتها مناسبة)
في نص موضوعك أنا كنت ناوي أرد واقولك هنا يجي دور الامر بالمعروف والنهي عن المنكر لكن ما شاء الله عليكي لقيت الاجابة على ردي في موضوعكـ . . .

===

أنا (وهذا رأيي) ما راح أعترض عن تشغيل أغنية او النمص او كل ما قيل انا أعترض على مثل هذه الافعال في وقت شرح أحاديث أو قران أو .....الخ

الى هذه الدرجة وصل المستوى

!

اقتباس بس أبي اعبر بطريقتي

أسلوب جميل وفهمنا الغرض من الموضوع

[Fahad]

يسلمووووو على التوضيح اختي هيييه

اما عن الكليه كل يوم طاعتلنا عله منها ,,, يوم مدرسه مقابله واحد ,, ويوم مكيف الجامعه,,,


الله يكون في عونكم,, وانا اقول ,, يسكرونها احسن والله,,

اما عن الدين حتى المدرسين الشباب,, خليها على الله,,


اخوك the tiger

[أبو رائد]

الأخت heeeh

اهلا وسهلا بك في منتديات الرائدية ..


بالنسبة لموضوعك ... فهو أمر ليس بمستغرب

ففي كل مكان وليس في كلية التربية في الخفجي

نسأل الله العفو .. وعليك أنتي النصح لهم

وتوجييهم بالطريقة الصحيحة إما عن طريقك أو عن طريق مشرفة التوعية الإسلامية

ولك الأجر في ذلك ..

قد يكون الأمر صعبــًا .. وبه مشقة عليك .. ولكن كلما زادت المشقة زاد أجرك بإذن الله تعالى



لك الشكر على تواجدك .. وننتظر النتائج التي سوف تصلين إليها وتبشرينا بها

[سيلتكاوي رايق]

أولا
حياكي الله في منتدانا وبيتنا الثاني
ثانيا
تعبيرك مافيه أي شي بالعكس وصل مثل ماكنتي تريدين. وهذه الغايه والمطلوب من كتابتك وهي إيصال أو رسم توضيحي لصوره كانت أمامك ولم تستطيعي الصبر على الغلط
الله يلوم اللي يلومك والله يصلح بنات المسلمين ويهديهم إلى سواء السبيل

[heeeh]

مرحبااااااا
شكراً لك أخوي يا الـــرستان على دخولك وتعليقك وإذا بكون معلمات المستقبل كذا الله يعين ماراح نقول الا صبراً جميل والله المستعان

وكذلك الشكر موصول إلى الأخ the tiger اما يسكرونها لا حراااام عليك انا اكره ماعندي اطلع من ديرتي او ابعد عن أهلي ماصدقنا تفتح كلية بس أن شاءالله يعدلونها

وشكراً لك أخوي سيلتكاوي رايق

وخيراً الشكر إلى أبو رائد ترى والله صعب الكلام اللي انت تقوله صعب جداً خصوصاً ان الناس تغيرت الايام هذي صارت ماتقبل النصيحه اما عن المشرفه والله مسكينه رئيسة القسم دكتوره مصريه دايم تدخل وتتكلم بس لما تدخل تعال اسمع التعليق يالمصريه اسكتي بس من هذا الكلام وغيره بس مانقول الا لازم يوضع اختبار لقسم الدراسات قبل مايطيح الفاس بالرااااس وبعدين ماراح ينفع الندم

[المنصف]

اللهم اهدي شباب المسلمين صدق الرسول الكريم صلى الله عليه وسلم حين قال ( كل سنة تأتي هي أشد فتنة من السنة التي قبلها ) أسأل الله لي ولكم الثبات على الدين .
وبالنسبة لموضوعك يأختي heeeh موضوع حساس الظاهر الدعوة ضعيفة بالكليه والواجب على عميدة الكلية أنها تحرص وتنسق مع الداعيات الي فيهن خير والي أعرفه إن فيه بنات أيضا فيهن خير حسب معلوماتي بس يردن تشجيع وأتمنا ياأخت heeeh تكوني أول من يبدأ بالدعوة داخل الكلية وأجعلي حبيكي محمد صلى الله عليه وسلم هو قدوتك ومثلكي الأعلى في الدعوة الى الله فقد أوذي في الطائف وأدمي بأبي هو وأمي وهو يدعو الى الدين القويم فاصدحي رحمك الله ولا تخافي الى من الله ، وأستشيري من ترضين دينه وعلمه وورعه فعسى الله أن ينفع بك.

[ماجد المري]

أختي الغاليه .. هيييييه ..

صدقيني أن أفضل ما في الموضوووع أنه تلقائيتك في الطرح .. والأهم أن اللي تبين توصلينه .. وصل

من خلال ما كتبتيه أتوقع أنه كاان من الواضح معرفة حجم الجرح الذي يؤلمك ولكن ؟؟ لا حياة لمن تنادي

أختي العزيزه المشكله كبيره والبلاء أن مصدر أكثر الممارسات التي شكيتي منها من البيت نفسه .. وللأسف يبدو أن الكليه لم تحقق الهدف المنشود من تواجدها بمدينة الخفجي إلا عند القليل

ما أتمناه أن تجدون من يسمع بإذن مخلصه ويخاااف الله .. وقلوبنا معكم ..

واللي تبوني فيه أنا حاضر

غاليكـ ..

ماجد المري
_-_ الخطر _-_