موضوع يخص الشعب الخليجي

[محبوبة شاعرها]

ودي
اطرح موضوع ودي الكل يقراه موضوع يمكن يكون تقليدي بس جدا مهم وأكثر شي فيه مهم انه الحين الكثير الكثير يمارسه مع انه شي كتبه التاريخ ويمكن أجدادنا مارسوه ها الشي تكتب فيه قصص الواقعية والخيالية
يمكن تكون ديباجتي مملة بس أتمني تقرونها للنهاية والله من مصلحتكم وهو ((الحب)):
أولا الحب وبمعناه …أصلها في اللغة أصلها الصفاء وقيل الحب من الحب وهو جمع حبة وهو لباب الشيء لان الحب أصل النبات والشجرة وقيل مأخوذ من حبة القلب وذلك لوصول الحب إلى سويداء القلب وقيل الحب هو رغبه مهذبه للتعبير عن الجنس
طبعا هذا تعريفه وندخل لتفاصيله ;الحـــــــــب; يمكن كثير مراح يؤيدوني بس لازم على الأقل يقرونه ويفكرون فيه من باب المصلحة لااكثر ولا اقل هنا لو لاحظنا إن معظم الناس أو بالأصح الشباب والشابات كل واحد ويدور على العاطفة على إشباع الرغبات على الونا سه على الضحك على التدليل على رفع المعنويات حنا شعب محطم غيور عمرنا ماحاولنا نشجع أنفسنا إذ لحظنا إن فيه قدرات حاولنا إنا مانشجع اللي قدامنا بالعكس نحاول إن نبين له إن قدراته عاديه ولأفيها أي شي من التنوع أو ا نه غريب مع انه لو احد من خارج مجتمعنا كان انبهر من روعه القدرة بالعكس يمكن يحاول انه ينمي القدرة وهذا الإحساس يرفع من معنويات الواحد المهم حتى في البيوت نلاحظ الكثير من المشاكل طبعا هنا البنت دايم تكون أكثر حساسية من الرجل لأنها ماتقدر تتحمل وهنا تدور على من يشجعها ويهتم فيها يداريها من يرجع لها الثقة بالنفس وتقوم تدور على الحب آآآآآآآه من الحب مات كونه له أي مواصفات بالعكس أهم شي تلقاه طبعا" تقوم برحله البحث الين تلقاه تلقى فارس الأحلام يمكن بعض البنات تكون لها الشروط بس حنا مراح ندخل بتفاصيل يمكن يطول شرحه بدخل بشيباء أهم وأعمق من كذا تكون في بداية الموضوع توقف على مكالمات على رومانسيه طبعا" الشاب خلاص يطلع كل قدراته ويدري إن البنت همها الرومانسية فا يبدأ معها باللعب أنت اللي مافيه زيك أنتي ملاكي أنت الحب الوحيد واللي قبل مجرد تسليه وإنهم تافهين لوتلاحظ يمكن قد قال الكلام للي قبلها نفس الكلام ويمكن بأسلوب أحلى وأرقا بس هي يمكن في دمعتين تصدق انه خلاص هذا قدرت تمتلكه بس لو تفكر انه لو انه صحيح يحبها يمكن عمره مراح يرخص دموعه عندها الكل بقول أن الدموع تعبير عن شعور داخلي مكبوت وعدم القدرة اللسان عن التعبير عن بعض المواقف عشان كذا طبعا هاشي معروف من سنه جدي بس اللي يمكن بعض الناس تجهله والتعبير بالدموع مو بالمشاهق يعني الواحد تدمع عينه من دون مايحس فيه احد بس إذا جاء الواحد بدا بالمشاهق والصياح بصوت عالي هذا يكون في حالات اذا الواحد لحاله مو اذا كلم او يكون من اخصاصا البنت اهم شي خلاص يتمسكن لين يتمكن بس البنت متفكر لا خلاص تقول هذا بليون بالميه يموت فيني بس هي غبية لو فكرت شوي تعرف انه استغلال في مشاعرها وعواطفها وخلاص يصير الكل في الكل في حياتها لين يجي يوم ويطلب يشوفها ويقول بس يشوفك لو بصوره بس هذا تمهيد لتخطيط ونية خبيثة عشان يبرد لحمها ويبدأ في التغزل وأنتي أحلا من وأجمل من............. لين خلاص أبي أقابلك وشوي شوي تبدءا البنت تفصخ الحياء وبالله تقابله مره مرتين ظنها إن هذا مراح يتعداها يبي يتزوجها مسكينة حواء الخليجية ماتدري انه ولا واحد في آلميه ينوي في كذا لا أسباب كثيرة مراح أقول الشك(لأننا منتهين منه وحاجه ثابتة في الرجل) لا بقول خلاص شبع الرجل والرجل دايم ملول ويحب التغير هذا قسم
القسم الثانيوعقليه خبيث مايطلب يقابل يطلب انه يخطبها وإذا الوالدة كلمتهم قال يشوفك عشان نخطب رسمي وخلاص يشوفها ويطيح اللي برأسه ويحطم البنت ويقول أنا متخيلتك كذا خلاص أنتي مات ناسبني وخلاص وشكلك مو على وصفك(وهذه القصه صايره لاعز الناس عندي الله يجبر بخاطرها")
وعقليات كثيرة وأفكار كثيرة ممكن الولد يلق له مدخل فيها بس عشان يلهي عمره فتره العزوبية بس إذا جاء الجد يقول يايمه دوري لي بنت حيوية لأنه عرف بنات مافيهن حياء بنت فيها شوي دين ومواصفات كثيرة
أهم شي هو إن البنات راح يقولون إن فيه ناس نعرفهم تزوجوا عن طريق علاقة أرد وأقول كم بتقول كثير أسئل كم تقول خمس من ميه والباقي اخذ بعض من دون حب عايشين أحسن من عيشة اللي عرفوا بعض راح تقولون بالعكس مره منسجمين مع بعض بقول البيوت أسرار والوحدة منا ماتحب تظهر فشلها لان الحب قبل الزواج أثناء العلاقة نطلع بصوره ملائكة وحسن الأخلاق والمعاملة ولا نطلع بصورتنا الحقيقية عشان كذا بعد الزواج كل واحد ينصدم في الثاني وتبدءا المشاكل والملل وأشياء ثانيه
هنا موضوعي ليه ياناس مانتمسك بعاداتنا وتقاليدنا لأنها من مصلحتنا والله والواحد يدخل على وجهه أزين له لان باستطاعة أي رجل يخلي زوجته تحبه و باستطاعة أي أمراءه تخلي زوجها يحبها بالزواج مو في غيره بتقولين في كثير مقدرو أرد وأقول لأنهم ماعندهم أمل ولأحسن تصرف بس بالاحترام والإخلاص والطاعة وتحسين الأسلوب يقدرون
لاتقولون الدنيا تغيرت لأنها لو تغيرت كان أي شاب حب له أي بنت ارتبطوا
فا نصيحتي يت " خلي حبك لزوجك لأنه هو الشخص الوحيد اللي تقدرين تخلصي له تعطينه متى مابغيتيه لقيتيه متى ماأشتاق لك حصلك تشوفينه ويشوفك هذا من رأيي الحب الصادق الحب الناجح لأنه مستوفي جميع الشروط "
وعذري
لأي رجل بس هذا الواقع وهذا انتم وانأ مااعم أخص الشباب اللي يبوعون ذمتهم

وكما تدين تدان

[أبو رائد]

هلا بك يا الوفىطبعي

والله يعطيك العافية على موضوعك

ولكن .. قد يكون هناك الكثير ممن وصفتهم

ولكن لا نقول الشعب الخليجي بشكل عام

واعتقد بأن الاكثيرية منهم شعب محافظ

[ميلاف الريم]

السلام عليكم,,

غاليتي معك كل الحق ..
الحب لا يبذل الا للزوج .. وهو المطلوب شرعا ..
نبدأ بالعلاقه الهاتفيه..
يرمي عليها الكلام المعسول والفتاه بطبعها ...

حالمه..عواطفها تطغى على تصرفاتها

يتفرقان..
كل منهما يتزوج بمن يراه مناسبا
هو قد تشبع من الكلام المعسول فلا ترى زوجته منه الا قبيح الكلام .......
وهي تكون مكسوره .. محطمه .. تقارن بين زوجها وبين من كانت تحادثه .......

وفي النهايه زياده معدلات الطلاق
وشكرا ...

[محبوبة شاعرها]

هلا اخوي ابو رائد والله ماقلت الا الصدق يمكن هذه فاتتني بس الحمد لله من افضل النعم علينا انا حنا الخلجين بالاخص شعب متمسك بعاداته ومحافظ لسلوكه

[محبوبة شاعرها]

اختي ميلاف الريم الف شكر على تعليقك الاكثر من رائع على فكره وش معنى(ميلاف)لانه اعجبني مره اهنيك على ذوقك

[نجم]

هلا واغلا الوفاء طبعي

جميل منك الطرح وفعلا كل واحد متمسك بعادات والخلاق

وحتى الزوجه لها دور في ان تحب زوجها ولكي يكون الشعور

متبادل ما بين الاثنين الى ان يبقى كل منهما قرب الاخر

حتى اخر ثانية في العمر . والحديث كثير هنا .. ولكن ..

الله يوفقك ولا يحرمنا من كل جديدك أنتظر عودتك

بااااي

[محبوبة شاعرها]

تسلم اخوي نجم على هالمجامله وكلامك الذرب الاكثر من رائع وجميل بس ياليت كلا" ييقتنع بالي الله عطاه وان شاء الله جايتكم بالجديد
في امان الله