جل منهو خلقنا مــن تـــراب = والأوادم يعــرف اسرارها
ياعريب النسب خذ لك جواب = عن بني ثـــور هاك اخبارها
عزوتي جالهم فعل يهــــــاب = يكرمون الغريـــب ان زارها
محتمين العوج شيب وشباب= وادي سبيع بـــــــيـّن كارها
نحتمي بالسيوف وبالحراب = يوم عدل السنين وجورها
فعلنا فوق هامات السحـــاب = و المعادي يذوق امرارها
يوم عج الرمك مثل الضباب = كم عقيدٍ نزل مـــن كورها
من عصور البنادق والركاب = والمنازل خذينا خيــــارها
الشجيعين سمحين الجناب = عزوتن ماتضيع اشـــوارها
غرسنا راسين بين العِـــذاب = وابلنا ترتعي بقــــــــــفارها
والجبال المنيفــــــه والشعاب = اسمها بسمــــــــنا وآثارها
في وطنا سكنا مانهـــــــاب = والدلايل رســـــوس بيارها
مانزلنا بعانـــــــــي واغتراب = لابتـــي حافظين اسوارها
المناعير معـْـتقت الرقاب = كل ربعــــــــي عزيزن جارها
ماعرفنا تميمٍ والرباب = دارهم ماجــــــنينا اثمـــــارها
مانذم الرجال اهل اللباب = مير ماإشعارنا بإشــــــــعارها
ومالنا في التميمي اقتراب = دارنا ماتقـــــــــــرب دارها
ويش جاب الحقايق للسـراب = من رماها يحق عـــــيارها
كلمة الحق ماعنها اجتــــناب = وشمعة العز نشـعل نارها
فعل جداننا هد الصــــــــعاب = ترسي الخرمه بنا فأخطارها
من بغى دارنا حسّب حساب = تشهد الجوفا بفعل أحرارها
والحنو والزرايب والهضاب = فعل ربعـــي بماض أدوارها
بعالية نجد نسكن مانغــــاب = وفي المواقف نجي حضارها
أصلنا ثابت بحق وصـــواب = في سبيع الــــــوفا مـقدارها
ورث أبونا لنا درع وحجاب = واسمنا فوق شــــع أنـوارها
مالنا في التميمي انتساب = نسل عامــر تطـــــــول اشبارها
المواضيع المتشابهه
العرض العادي
