[align=center]مرحبا
جايبلكم راي سعد علوش بشاعر المليون
رائعة سعد
لأنه عصا .. وفر سموه عصفور
وياكثر عصفارة كبار الاسامي
كل ماتضيق عقول تستاسع صدور
سنة من سنين الزمان الهلامي
ولا ازداد سعر النفط نتزايد فجور
سنة من سنين الزمان الهلامي
ودايم وراعي الحق مهجا ومحذور
سنة من سنين الزمان الهلامي
وبيقاله بكره ترى منت مجبور
وباقول للي قالها : يا عظامي..
الصبح ما يدحر الليل بالنور
تعيش عمرك كلبوه فظلامي
سجل ياتاريخ الشعر أصدق سطور
أنا سعد علوش والمجد زامي
اعيش عيشة فقر وآموت مقبور
ولا احني راسي وأغير كلامي
شاعر وأقود جيال وأعطش بحور
عصامي وشعري سواتي عصامي
ماكدبه على نساوين وبزور
احفظ مقامه مثل ما احفظ مقامي
ومن قبل حتى اكون شاعر ومخبور
لي رايي المطلق ولي أهتمامي
واضح وأمثل خيرة الناس واثور
لامن سمعت أن التغافل تسامي
فيارب لا تجعلني أسكت على زور
واجعل حسناتي مقاصيص آثامي
ولا تفرشني على كبد ممرور
ولا تعرضبي لسان انتقامي
لان الحقيقه سم واظهارها جور
على القلول ام الجهل والتعامي
وانا حقيقي فكر وشعور وظهور
ومانيب أجر كشرتي وابتسامي
فباقولها وبيصير هالقول مأثور
مع عدم شكري وبالغ سلامي
المجتمع غالبه رجعي ومغرور
وفارغ من الدخل وساذج ونامي
ابنا القبايل وآهل السيف والكور
قتالهم على المسجات حامي
لو هالملايين انفقت بر وطهور
على البنى عم الجياع الضوامي
ماشفت شحاذين وديون وعثور
بين القابيل هاه وين التحامي؟
صفو يا آخر جيل فالشعر طابور
قدامكم ليل ووراكم حرامي.
بالدور بالله اوقفوا زين بالدور
ويلقي الكوميدي قبل يلقي الدرامي
والكل منهي في وقوفه ومأمور
الوقت ضيق والتقيد لزامي
وماهو مهم يكون لك فكر وشعور
أهم شي تكون شاعر نظامي
ولافيه لجنه ولا فيه دستور
الاسم سامي طالما المسج سامي
ياصاحبي ياشاعر يامغمور
ماهكذا تعرف وتشهر الاسامي
شالفايده تصير شاعر و مشهور
اذا انت تبعي موهبه وانهزامي
لان اللي يطلب من رعاع العرب شور
ماهوب اهل للمعرفه والتسامي
ادري بتزعل ناس وتلف وتدور
وبتقوول فيني قول جارح ودامي
وبتجي ردود العالم العمي والعور
مثل الخريش اللي بليا خطامي
لكن عزاي اني مع الحق مسرور
لو تزعل أخوالي وتزعل عمامي
عن قول كلمة حق مانيب معذوور
مبادىء خلفي وقبري أمامي
عادي اخسر اصحاب واخسر جمهور
أهم شي اني ما اخسر احترامي[/align]
المواضيع المتشابهه
العرض العادي
