اخر المواضيع
اضف اهداء
[glow=CCCCCC] //×، م ـــٍسجــًاتّ بنبـــ..ـٌضّ شــِأع ــ.،ـ‘’ـًَرـرِ ،×// ..[/glow] [glow=CCCCCC] //×//[/glow] [glow=CCCCCC] //×//[/glow] [glow=CCCCCC]//×// .. الرسالة .. ياصاحبي جيتك أشكي لك من أحوالـي جيت .. وما دامك رفيقي ليه اطولها؟! العلم ومافيـه يـا أول وآخـر أمالـي عندي رساله ولا أدري كيف أوصلهـا للي سبتنـي وانـا مـن قبلهـا سالـي أبيك توقـف معـي وتـروح تسألهـا وش فيها تفتح علـي أبـواب عذالـي وتحمّـل النفـس حاجـه مـا تحمّلهـا وش فيها رغم الوفـا تتركنـي لحالـي وأنا لجفاها تركـت الدنيـا بـأكملهـا إن كان هذا زعل .. علمّهـا يالغالـي ماكان قصـدي ورب البيـت ازعلهـا علمّهـا واللـي يخلـي قلبـك الخالـي عن ضيقتي .. وين وصلت من تجاهلها علمّها كم لـي وانـا ماشلـت جوالـي كلـه علشـان مـا أقلّـب رسايلـهـا وعلمها وشلون لا مـرت علـى بالـي أروح وأضـم صورتـهـا واقبّلـهـا وعلمها كيف أنشغل عن كثرة أشغالـي وأسرح وأغمـض عيونـي واتخيلهـا علمها عني .. وعن همي .. وغربالـي علمها عن كـل حاجـه فـي تجهلهـا وإن شفتها دنّقت .. تبكي علـى حالـي إنسى الكلام .. وتذّكّـر كلمـه و قلهـا قل : شاعرك يعتذر .. ويعاهدك تالي .. إنـه يرتـب حساباتـه مـن أولـهـا ويقول : حتى القصيد اللي علـى بالـي والله ما عـاد أكتبـه كانـه يزعلهـا [/glow] [glow=CCCCCC].. كبوة جواد .. صعب لامنّك فشلـت .. وصعـب لامنـك لقيـت إن من يكره نجاحـك .. يـدري إنـك مانجحـت أمس ضقت .. ورحت أقلّب ذكرياتـي .. وأنتهيـت عند صورة طفل صوته مثل صوتـي لاانجرحـت وش مثـل لا والله إلا هـذا أنـا يـوم ابتـديـت أنطق حـروف ٍ تلعثـم فـي لسانـي لا أنمدحـت هذا انـا يـوم الحيـاه فنظرتـي عشريـن بيـت ومسجدين .. ومدرسه من طين كم فيها اصطبحـت هذا أنا وأصبحت اتمتم : " هذا انا " حتى بغيـت.. .. أختنق .. بس القدر عيّا على موتي .. وطحـت وصاح صوت الطفل فيني : " أنت من وين ارتميت" قلت أنا المستقبل اللي فيـه كـم همـت وطمحـت أمس كنت أبيك تكبـر .. بـس والله لـو دريـت أني اللي عشـت لأجلـه مـتّ عنـدك وأسترحـت لو دريت إن الزمان يجـرّ رجلـي .. مـا عديـت ولو دريت إن البحـور بـلا موانـي .. ماسبحـت كان دربك لي طويـل .. وكـل ماشفتـك هويـت قلت لك : كبوة جواد .. ومـا كبيـت إلا وجمحـت ليـه تسمعنـي وتمشـي ؟! آه ليتـك مـا مشيـت و آه ليتك مـن كثـر عثـرات الأيـام أنتصحـت ضاعت احلامي .. وظلّ الحزن فيني .. وأهتديـت للطريق اللـي يودينـي علـى دمعـي .. ورحـت يالحزن .. ليتك مثـل دمعـي وتنـزل لا رقيـت بس أعرفك .. لو مسحت الدمع تبقى ما انمسحـت ! كان حلمي .. في وجـود إنسـان يبكـي لا بكيـت وصار حلمي .. في وجود إنسان يفرح لا فرحـت كنت أشوف الناس مثلي كل مـا جعـت وضميـت مادريت إن الأوادم نـاس فـوق .. ونـاس تحـت آه يـاأول ذكرياتـي خذنـي فحضنـك نسـيـت لأسألك عن وجه ابوي اللـي معـه يامـا سرحـت خذني فحضنك أبغفـى .. يـاه مبطـي ماغفيـت وإن لمحت دموع عيني .. سـو نفسـك مالمحـت خذني فحضنك .. وبعثر في جروحي وإن قضيـت هزّ لي كتفي .. وقل لي : عيب تبكي لـو سمحـت إضحك .. وعلّم زماني من أنا .. ومن وين جيـت طقّ باب الحزن .. واصرخ فـيّ لامنـي فتحـت و ضمّني يمّك .. وكمّل ضحكتـك لامـن بكيـت ودي أذكر كيف كانت ضحكتـي لامـن فرحـت ! //×//[/glow] [glow=CCCCCC] .. جدة .. ياللي تقـول الـدار داري وتختـال ماشفت جده كيـف لاروح عصيـر تبغى الصراحه كلمة الحـق تنقـال جده بحرها غير وجروحهـا غيـر جده سواحل عشق وأحـلام وآمـال وأسوار طيش وذكريـات ومقاديـر جده وش أكتب عنك واللي على البال أرق وأعذب مـن قصيـد وتعابيـر أكتب عن جروح وتواريخ وأجيـال ولا عن أحلام وقصيـد ومشاويـر تدرين باكتب وأترك العشق ينهـال عن جادل تامر على الصعب ويصير أسج وأذكر عودها كـل مـا مـال كنه يطيّر من ضلوعي لهـا طيـر وأذكر شعرها لاانتثر ينثـر ألحـال وتلمه بـشال عرف يمسـي بخيـر واذكر نسيم عذب كم عـذّب الشـال لا طار به والشـال مـاوده يطيـر واذكر نهارٍ دمعهـا بآخـره سـال نهـار أحزانـه عليّـه طوابـيـر نهار أدك بضيقتـي راحـة البـال وأقول ياجـده تمسّّـي علـى خيـر //×//[/glow] [glow=CCCCCC].. الناس .. ياصاحبـي لاتجـي وتقولـي قـالـوا لو قلـت ماقلـت غيـر الله يجازيهـم لاشفت بعـض الأوادم للـردى مالـوا نفضتهـم مـن عيونـي قبـل اخليهـم يكفينـي القـدر نلتـه يـوم مانـالـوا الا .. او اقول مابغى اجيـب طاريهـم ماقول غير انت لامن حطـوا وشالـوا تعـوذ برحمـه الله مــن اساميـهـم وذكرهم ان الاعمار ان طالت وطالـوا الخالـد الذكـر والا المـوت قافيـهـم اما انت ياقلب لو صالوا بـك وجالـوا خلك مثل ماانت لاتشره علـى ايديهـم الناس مـن خلقـت الدنيـا ومازالـوا عيـال رجّـال لكـن فيهـم وفيـهـم وذولاك من عرض ناس ٍ مالي ان مالوا الا اني اسكت ,, واقول : الله يجازيهـم //×//[/glow] [glow=CCCCCC] [glow=CCCCCC] .. انت زعلان .. أسمعك ياللي تناديني يابـو قلـب ٍ خلـي بس انا ماني خلي القلب لأجل اسكت واجيك الخلي ماهو بقلـب ٍ مـن هيامـك ممتلـي الخلي قلب آدمي ٍ شافـك ولا هـام فيـك انت زعلان لجفـاي مادريـت إن زعلـي يوم قلبـك مايبينـي قـد ماقلبـي يبيـك حتى لو عيت همومك في غيابـي تنجلـي كل هذا مايساوي لهفتـي يـوم احتريـك كان ماصدقت هرجي طيب اسمـع مايلـي ياحبيبي ياعسى ربي يحفظـك ويهديـك جايز إنك في غيابي تقلـب الدنيـا علـي بس انا من قبل اعرفك قالب الدنيا عليـك //×//[/glow] .. بسم الله عليك .. جيـت فـي ليلـة وداعـه تـايـهٍ بـيـن البـيـوت وصحت : "وينك؟!.. جيت اوادع عمري اللي ضاع فيك" ما سمعـت الا صـدى صوتـه وكـان آرقّ صـوت ينطق اسمي..ثم يهمس : "من متـى وانـا احتريـك؟!" قلـت وهمومـي تغافـل زفـرة الحـزن وتـفـوت : "هذا انا جيتك..يا ليـت المـوت جانـي قبـل اجيـك" بعدهـا يـا دوب عـدّت عبـرتـه حــد السـكـوت قـال وعيونـه تغـارق دمـع : "بـسـم الله علـيـك" قلت : "يا ابن الناس عـادي مـاورى هالمـوت مـوت وش وراهـا لا فقـدت عيونـك ولمـسـة يـديـك"؟! //×//[/glow] [glow=CCCCCC].. حبيت اوضح لك .. في عز ماكنت أهوجس فيك وافتـح لـك أبـواب قلبـي خذتنـي رجلـي لبابـك وجيتك وأنا مااذكر إني كنت رايـح لـك بس اذكر انـي كـذا لاطـول غيابـك ياما ترددت مدري كيـف بشـرح لـك أجيك وارجع .. أبيك تقول وش جابـك ياابن الأوادم تـرى مليـت ألمـح لـك أنا أعزك .. وأحبك .. واعشـق ترابـك لاضقت اضيق .. ومتى ماتفرح أفرح لك ولاغبت أموت ومتى ماشفتـك احيابـك ان كـان ودك ترسيّنـي علـى كحلـك لمّيت عمري .. وخاويتك على أهدابـك لكن قبل تنجرف .. حبيت أوضـح لـك مستقبلي في يدينك .. وأعمـل حسابـك لوضاع مستقبلـي مانيـب سامـح لـك يكفيني الماضي اللـي ضـاع بأسبابـك //×//[/glow] [glow=CCCCCC].. خلاص .. ياصغيّر السن قدرك طاحـت أبراجـه الجرح خلّى الصخر ينطـق ونطقّنـي خلاص ماعاد تعنـي لـي ولا حاجـة رح.. جعل ربـي يوفقـك ويوفقنـي من بعد ماكنت نور العمـر وسراجـه اليوم صرت الظـلام اللـي يطوقنـي عطيتك أكثر من اللي كنـت تحتاجـه أسرفت فـ( الحب ) ..لين الحب وهقني خلاص.. مالي ومال الحب وإزعاجـه مالي ومال الـدروب اللـي تضايقنـي تعبت أضمّ البحـر وأهـدِّي أمواجـه تعبت أجامل و أشوف الوقت يسرقنـي شكواي للي عليه الضيـق و إفراجـه اللي إذا شـاء.. يرحمنـي ويرزقنـي أما أنت يابـو جبيـنٍ عقّّـد حجاجـه لاعاد تسأل: "علامك ما أنت طايقني ؟" النـاس كـلٍ علـى دربـه ومنهاجـه وأنا عن النـاس مابـه شـي يفرقنـي إلا أني دايم أحـب الصـدق وأواجـه مخلوق .. و الله على هالوضع خالقني حتى رفيقي ضماد الجـرح وعلاجـه على كثر ما أتمّسك فيه .. صدقّنـي .. لو أدري إنه مرافقنـي علـى حاجـه لأمسّكه حاجتـه.. وأقـول : فارقنـي //×//[/glow] [glow=CCCCCC].. لاتسافر .. قلبي لـه اليـوم .. ثالـث يـوم موجعنـي وعيني لها اليوم ثالث .. تجمـع طيوفـك والبـال كنّـه علـى دربـك يوزعـنـي ولسانـي ماكنـه الا خـلـق لحـروفـك لاالنـوم نافـع .. ولا التفكيـر نافعـنـي انام واصحى على الباقـي مـن وصوفـك بالله قلي .. شعـوري هـذا وش يعنـي !؟ طمنّـي .. الله يطمـن همّـك وخـوفـك بيني وبينك .. ترى اللي صدق ضيعنـي .. .. ان انت في اخر لقا .. شارح لي ظروفك مدري وش اقول .. لكن تدري .. اسمعنـي خابرك وافـي .. و أبيـك تتـم معروفـك ان كنـت نـاوي تسافـر .. لاتودّعـنـي بس انتبـه .. لا تسافـر قبـل مااشوفـك //×//[/glow] [glow=CCCCCC] .. صلاه وعناقيد .. عدّى عمر .. ياليت الأعمار تنعـاد وأرجع بلا شيـب وبليـا تجاعيـد أرجع وأضم أبوي وأقول: لا عـاد تموت وتتركني مثـل ليلـة العيـد يوم اسألوا عنـك الصبايـا والأولاد وقلت:أمي تقول انـه مسافـر بعيـد بكيـت ليلتهـا وناديت..مـا فــاد وظليت أصوت لك .. وأناديك وأعيد عوّد يا بوي وجب لي ثيـاب جـداد يا كثر ما تنسى يا بـوي المواعيـد بكيتك لحالـي وأنـا كنـت معتـاد تكف دمعي بـإيد وتضمني بـإيـد كم كنت محتاجك تجي كنّـك رقـاد تمطر من كفوفك صـلاة وعناقيـد احتجت لك طفلٍ كسر قلب الأعيـاد واحتجت لك طيش وشباب وتناهيـد واحتجت لك شاعر له أحباب وأضداد واحتجت لك رجال يخشى المناقيـد احتجت لك .. واحتاج لك ظل وسناد العمر ينقص واحتياجي لـك يزيـد //×//[/glow]
الغلا تسلمين على القصيدة الرائعه ... وصح الله لسان الشاعر ... تحياتي يابعد حيي ...
هلا وغلا :: الغلآ :: موضوع رائع لك جزيل الشكر.,!
الغلا حبيبتي انتي يعجبني فهد المساعد ربي يسعد قلبك
يعطيــــــــــــــــكـ العآفيه عالمسجات الروووووعهـ تقبلي مروري ... موووج
اقتباس .. لاتسافر .. قلبي لـه اليـوم .. ثالـث يـوم موجعنـي وعيني لها اليوم ثالث .. تجمـع طيوفـك والبـال كنّـه علـى دربـك يوزعـنـي ولسانـي ماكنـه الا خـلـق لحـروفـك لاالنـوم نافـع .. ولا التفكيـر نافعـنـي انام واصحى على الباقـي مـن وصوفـك بالله قلي .. شعـوري هـذا وش يعنـي !؟ طمنّـي .. الله يطمـن همّـك وخـوفـك بيني وبينك .. ترى اللي صدق ضيعنـي .. .. ان انت في اخر لقا .. شارح لي ظروفك مدري وش اقول .. لكن تدري .. اسمعنـي خابرك وافـي .. و أبيـك تتـم معروفـك ان كنـت نـاوي تسافـر .. لاتودّعـنـي بس انتبـه .. لا تسافـر قبـل مااشوفـك روعه والله ’’’ مشكوووره يالغلا ’’’
العرض المتطور
