::. حـل .. الفـراق ..:: !!

[الجوووري]

حل الفراق ومر الأفراق ذقناه
.......... وانا من الفرقا كثير الحسوفي
فارقت من قلبي يوده ويهواه
.......... اللي هواه وعاف كل الخشوفي
قلبٍ على فرقاه عايش بذكراه
.......... ومعاهده لايوم حشر الصفوفي
قال الوداع وحبنا لاتناساه
.......... وبالك تخونه لو حدتك الظروفي
قلت اعتمد والله محدن بيمحاه
.......... لوعارضني في حياتي صدوفي
وآخر دقايقنا تصافحت وياه
.......... وانا اكايد عبرةٍ لي بجوفي
ثمٍ رجع عني ودنًق من ابكاه
.......... وانا تمش دموع عيني كفوفي
واقفا وانا اخيله وقلبي بعمياه
.......... ومن الجنون العقل يلحقه خوفي
قام ايتهزع يوم قفا بممشاه
.......... خلا العباير مثل وبل القنوفي
خلي جرح قلبي بحبه وخلاه
.......... ليته على قلب المولع يروفي
لعل عينٍ مابكت يوم فرقاه
.......... تعطى العمى في اصبيهاماتشوفي
ولعل قلبٍ ماخفق عند طرياه
.......... يضربه مايعطبه بين الكتوفي
همٍ بقلبي عذب القلب واشقاه
.......... خلاه يرقع مثل رقع الدفوفي
لو ينشكى همٍ بقلبي كتمناه
.......... على القمر بيًن بوسطه خسوفي
ولو ينشكى همي على الليل جلاه
.......... اصبح نهارٍوالخلايق اوقوفــي
ولو ينشكى للي كفر وسط دنياه
.......... صلى وصام وحول مكه يطوفــي
لاشك ابشكي ماجرى لي لله
.......... اللي على كل الخلايق عطوفي
انه يرد اللي تمنيت لاماه
.......... الصاحب اللي هو غايةِ شفوفي



سعود ردعان الهاجري ..