(( شاهد على العصر = الحريم بعد العرس = ))

[عاشق الهايلوكس]

معاناة جميع الرجال بعد ذهاب اهلهم لااي عرس

########################


البارحه ذهبت لأحضر العائله من زواج احد الأقاربانا : اركبوا السياره وكل وحده تنتبه لا تصك باب السياره على عبايتها
وبمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج
الأولى : ايش فيك تأخرتي؟
الثانيه : ساعه قاعده ادور على عباتي انتي ما شفتي الحريم يتضاربون عند العبايات العبايات تلخبطت
الثالثه : يا ليتنا ما رحنا زواجهم
انا : ليش؟
الثالثه : زحمه والبزران يتضاربون بقشر البرتقال ويلعبون بالمويه
الأولى : ما شفتي ذيك اللي كبت القهوه على الحرمه اللي كانت نايمه؟
الثالثه : لا والله ما شفتها انا ما شفت ولا شي في الزواجطول الوقت قاعده ادور على جزمة بنتي مها
الثانيه : ايش رايكم في الفستان اللي لابسته هدى؟
الأولى : مو حلو محنقط عليها والسحاب باين
الأولى: انا اعجبني مكياج أمل تقول ان زوجة خالها جابته لها هدية من باريس
الثالثه : هههههه من باريس تضحك عليك يا هبلا تلقينه من محلات ابو عشره
وقفه
***************
الغريب والعجيب انهم واثناء حديثهم في السياره يقولون لبعضهم خلاص يا بنات
بس ترى ما يجوز نتكلم على الناس
الثانيه : صح والله كلامك يا اختي ما يجوزنتكلم عليهم بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها هههههههه متوصيه فيك شكلها بتخطبك لولدها
الثانيه : وجع في شكلها هي وولدها قاعده تقطع لي من اللحم الكبار اللي ما ينوكل
وهي طايحه في اللحم الزين
العشاءانا : ايش رايكم في العشاء
الثالثه : دسم وكله شحم
الأولى : باردالثانيه :اللحم كبار
الثانيه : وفيه حريم ما تعشوا قاعدين على الكراسي اللي في الكوشه شايفين نفسهم الأولى : حتى ام العروسه ما تعشت مسكينه طول الوقت قاعده تبكي
الثالثه : تبكي من الفرحه يا هبلا ما شفتي صدرها منتفخ من الفلوس
بس خلاص ما يجوز صح والله ما يجوز بس شفتي وشفتي وشفتي
واخيرا وصلنا المنزل
أنا : شوفو لي حبتين باندول اكسترا
**************************************************

****
اقتراحات لمن يريد ان يتزوج :
1- اصرف حبه باندول لكل رجل بعد العشاء
2- لا تقدم للنساء رز ولحم ومفطحات
3- قدم للنساء علب صغيره على شكل وجبات في كل علبه واحد كت كات وعصير وحبتين ورق عنب ولبانه للتهظيم وراح يدعون لك
4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادهاتكتب هذه الجمله على كرت الدعوه
5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه
*************************





واخيرا

قالوا جنس ناعم
تحياتي:
عاشق الهايلوكس

[Power Speak]

حرام عليك يا راعي الهايلوكس


تبي تحرم الحريم من اللحم والرز







بس احرمهن من العزايم

[فـتـــــــــون]

الهايلكس
لاتعمم تجاربك الشخصيه على الناس ؟؟؟
ترى الاعضاء مالهم ذنب يسمعون مغامراتكم مع حريمكم والافراح
ولو اني........اعتقد ان هذا من نسج خيالك...... الخصب
جدا .. جدا ... جدا ... جدا ....
و ........................ شكرا

[عاشق الهايلوكس]

ههههههههههه بضحك عليك سنة كاملة وودي تزود بعد
مع احترامي الشديد لك وانا والله ماعمري قلت مثل هالكلام,,والله انا اذا بغيت اعمم عممت
بالمنتديات الواحد يعبر عن رأيه و((خياله))
وكل شي عنده ((بس مو يزودها))وانا والله
قلت اللي عندي ورايي هذامن ((نسيج خيالي الخصب جدا .. جدا ... جدا ... جدا ....
))
على قولتك واكرر الواحد يحط بالمنتدى كل ماعنده من راي وخيال
وشكرا
اخوك عاشق الهايلوكس
تحياتي

[السميري]

شكله امك وخالاتك ههههههه فضحتهن يالحرامي

[حمود المستلج]

السلام عليكم

هلا بأخوي عاشق الهايلوكس

تسلم على القصة الحلوة

بس هذا إهتمام الحريم وش لبس وش صار

يجي منك أكثر عزيزي

[الحالمه]

حرام عليك يا عاشق الهايلكس

[ابوسعود]

يا راعي الهايلوكس
تعجبني .....؟؟؟؟ <==== اعتبر انك انتهيت







ابو سعود