بندر بن سرور لا تفوتكم

[مبروك زايد]

بسم الله الرحمن الرحيم


السلام عليكم ورحمة الله وبركاته


صباحكم - مساكم

ورد يا أخواني



بالحقيقه أنا منقي هالقصيده لعيونكم بس وهي للشاعر الكبير بندر بت سرور القسامي رحمة الله عليه

ملاحظه =-=

أخواني الي مو مركز يحاول يقرها مره ثانيه
















الله من عين طرقها صواديف
عميت ويبسن بالعروق الصخافي


شفت الوزا بالعين من عرض ماشيف
شفته وغيري من فطن له وشافي


وقت تغير فيه حتى العواصيف
جا في عواصيف الرياح أختلافي


شره قناطير وخيره مقاطيف
يفطن له اللي يرضع الديد غافي


كم واحد جاله زمانه على الكيف
واغترته نفسه يبا الجود وافي


يطلع مطاليع العلا بالسواليف
بين العذارى عد روحه سنافي


يفرح بهرج بالقفى يكره الضيف
قتات والقتات بالنار هافي


يعلق قصيره علقة النار بالليف
عي ولد عي زنوده ضعافي


ان رخصت الحذوه توفي عن الحيف
وان غليت الحذوه مشى اللاش حافي


يرقد ويلحق والدينه تخاليف
دايم ومرقد ميت النار دافي


هو مادرى ان الجود يبغى تكاليف
سهر الليالي مقبلات مقافي


يبغى يدين للعطايا مغاريف
ويبغى رجول ماتمل الوقافي


والصبر بنحور السنين الشواحيف
اللي قساها مثل حد الرهافي


مايقدرون الجود سود الأطاريف
مشاركة بيض النسا باللحافي



يقدر عليه اللي حكم نجد بالسيف
واودع مباغيض القبايل ولافي


عبد العزيز اللي يبث المصاريف
يجدع قناطير الذهب بالفيافي


يمشي على دربه جموع مراديف
نو تحدر ماه والجو صافي


يشدي لواقيط الزبيدي بعد ريف
ومما كسى البيدا تفيد الضعافي

[طليفيح]

الله يرحمه

شاعر راااااااااااااااااااااااااااااااااااائع

تسلم يمينك يامبروك زايد

والله يعطيك العافيه

[goree]

oOo

الله الله
ماشاء الله تبارك الرحمن
شاعر رائع
واختيار للشعر
ذوووق
يسعدك ربي
Oo[mark=666666]جــوري[/mark]oO

[أبو رائد]

بندر بن سرور

شاعر كبير جدا

شكرا لك على هذه الأبيات

[مبروك زايد]

حياااك الله ياطليفيح

[مبروك زايد]

حياك الله ياجوري أن شاء الله تكون أعجبتكم القصيده جميعااا

[مبروك زايد]

حياااك الله يا ابو رائد ان شاء الله تنال على اعجابكم جميعااا

[حنين]

الله يرحمه الشاعر بندر



قصيده راائعه



ونقل اروع

[مبروك زايد]

شكراا لك يامشرفتنا حنين

حياك الله

[حلم]

؛
؛

عليكم السلام و رحمة الله و بركاته


مبروك زايد


نقل رائع ..
ألف شكر ..

؛
؛

حلم ..