طاحن سنوني وإنقلب عارضي شيب ....!!!!

[أبو فهاد]

السلام عليكم ورحمة الله وبركاته ،،،،،،،،


من أروع القصائد للشاعر المرحوم : عبدالله بن فرج الغيثي ...



طاحن سنوني وأنقلب عارضي شيب
............................ ودلّيــــــت اقوم بموخري قبل راسي

خذيت من طبع النضا شمّخ النيب
............................ ثوران هرش بالبروووووووك متواسي

هذا طريق الحق ماعنه تجنيب
............................ مضمووووون لو تفنى الجبال الرواسي

قالوا لي ان الشيب مابه عذاريب
............................ هرج يـــقــولــونه على غــيـــــر ساسي

الشيب لابه لا معزّه ولا طيب
............................ ألا الــمهونـــــه والتـــعب والتعـــاسي

صعب على راعيه بعض المواجيب
........................... الهيّــــن اللــــيّــــــن على العود قاسي

عقب الوناسه والطرب والتعاجيب
........................... يا شبت ياتيك الزمااااان انعكاسي

يصير لك دون الوناسه عواقيب
........................... آخر نهار وحال دونـــــه دمـــاسي

تحّرم من السجّه ونطّ المراقيب
........................... وتنسى طرات البال لو ماانت ناسي

الشيب يتعب شمّخ النيب والذيب
........................... وحتى النبات أليا كبر قيل عاسي

ياشبت تجفاك البني الرعابيب
........................... من عقب ما انت جنيه ترجع نحاسي

شي صحيح وماضي له تجاريب
........................... ولا يفيد لو تلبس جديـــــد اللباسي

العود له حشمه وقدر وتواجيب
........................... بدور مضى واليوم كنــــه مداسي

حتى من الاقراب ياجا تعاتيب
............................ تستضعفه بعض النفوس الخساسي

الشيب ياصادك بعكف المخاليب
............................ مايفارقك لو صحـــت تبي الخلاصي

مار يالله ياعالم خفى خافي الغيب
............................ عالم خفى المخفي بقلب سياسي

عبدك بدون عراك ماله مقاضيب
............................. يامخضر بالنبت عقب اليبــــاسي

اطلبك عفوك وانت معطي المطاليب
............................ بيوم تلين به القــلوب القواسي

ان صرت بالمظلم بشين الضنابيب
............................. حفر حفر عرضي وطول قياسي ..





الشاعر / عبدالله الفرج الغيثي (رحمة الله عليه)