الصمت حكمة والحكي مصدر افلاس

[لبى جنوني]

قالوا علامك صـامت وقلت ياناس
كثر الكلام يقل لاجله... مقامي

الصمت حكمه والحكي مــصدر إفلاس
ولقيت في صـمـتي يزيد احترامي

الصمت له معنى وله ذوق وإحســـاس
مركب نجاتك في بحـور الظلامي

ترى الرجل صوره من الـراس للساس
ثم يتبين جوهــره... بالكلامي

إما نطق في كلمة ترفــع... الرأس
تضفي على شكله جــديـد الاسامي

وإلا يعود معدنه مـــعــدن نحاس
يرميه سهمه بـعــد ماكان رامي

لا صار عندك من ثمـيـنات الألماس
خله بـصـدرك لين وقت التمامي

أخاف يطلعلك مـن الناس بلاس
وإلا سـفــيه ما يرد... السلامي

الله خلق خلقه على عـدة أجناس
وكلن يسوقه مذهـبه... للأمامي

والله خلق بالطير قمري وقرناس
ووقت الهدد ما ينغزي بالحـمـامي

لا جال في صدرك من الهم هوجاس
وعينك يحاربهـا لذيذ... المنامي

ونفسك عليله والفكر صار محتاس
اترك طمان القـاع وارق السنامي

عليك بالعالي ليا هب نسـناس
يبري الجروح الخـافيه والعظامي

وخلك لربـعـك دايم الدوم نـبراس
وخص القريب وخص ولد العــمامي

خلك لهم في داجي الليل مقـباس
ولصاحب أصدق من حقوق الغمــامي

ربعك ذراك ليا لحق راســك البـاس
قدم لهم شربك ولو كنت ضـامي

وخلك لثوب الطيب والعز لبـاس
واترك دروبٍ تنتهي ...بالحرامي

وفعل الجميل وواجب الضيف نومـاس
ومن لا... نفع بالضـيق نفعه عدامي

بيت الكريم أبوابه بدون حـراس
وبيت البخيل يـعـد مثل الهدامي

كلٍ بها الدنيا نصيبه بـمقياس
ياخذ نصيبه لوجــفـوه الأنامي

[ناصر الزعبي]

اقتباس ربعك ذراك ليا لحق راســك البـاس قدم لهم شربك ولو كنت ضـامي وخلك لثوب الطيب والعز لبـاس واترك دروبٍ تنتهي ...بالحرامي

قصيدة جميله ومعبرة فيها من الحكمة الشيئ الكثير
تسلمين اختي لبى جنونه

[لبى جنوني]

الله يسلمك ..
وأسعدني تواجدكـــ..
أبقى في القرب دوماً في جديدي..

[كورن فلكس]

تسلم أناملكـ

الله يعطيكـ العافية

[شمس الرائدية]

فـي كـل طــرح لــكِ تتمــيـزي فيـه .. ونحــن نستــمـتــع به.~
إبيـآت فـي قــمــة الروعــه .. لأآ تقــل روعــة عــنــك .~
صـح لسـآن شـآعــرهـآ .. وتسـلــم يمـيــنكِ .~
ودمـتِ بـآلـف صــحـه وســلأآمــه وخــيــر .~
لـكـِ مــنــي

[~أصداف~]

[align=center]
.
.


أبيات رآئعة ..
صح لسان شاعرها ..


سلمت يا ربّ ..~


.
.
[/align]

[حنين]

تسلم على هالاختيار الرااائع



الله يعطيك العافيه

[لبى جنوني]

شاكره التواجد الجميل

[أرخصتهم واغليتك]

أبيات رائعه جدا وفيها حكم

أشكرك بعنف على الإختيار الرائع

[لبى جنوني]

العفوووووو .. وتسلم ع التواجد