احبتي الكرام
تحيه طيبه .. اضع بين ايديكم هذه المتواضعه بأمل أن ترقى لذائقتكم
][ غلطه ][
يا صاحبي جيتك و أنا كلي جـروح ...
... جيتك وإنا انزف من سبايب جروحك
ناديت لك والصوت متعب ومبحـوح ...
... و ارقبت أدور في عوآلي سفوحـك
كان العهد ما بيننا ضحك و مـزوح ...
... وتحلى بعيني ضحكتك مع مزوحـك
أسست في قلبي مساحات وصـروح ...
... ياللي بقلبـي شامخـات صروحـك
غلطه ولا ادري ليش هو سرها يبوح ...
... ولا يرجّع اللي فات نوحي ونوحـك
ردي على صوتي قبل روحي تـروح ...
... ودوك العهود و أوقفي عن نزوحـك
مسموح ياسيـد الغناديـر مسمـوح ...
... وروفي بقلب طامح فـي سموحـك
تدرين وش يعني أذا طلعت الروح ! ...
... يعني حبيـب راح | تفـداه روحـك
وتدرين وش يعني أذا كلك جروح ! ...
... يعني حبيبك | هو سبايب جروحـك
شعر :
فايز بن رجاء البجيدي
( الرآحل الغريب )
17/3/ 1431هـ
المواضيع المتشابهه
العرض المتطور
