ياشينها لاصرت معجب وخجلان‎

[الخفجاوى (2010)]

السلام عليكم ورحمة الله وبركاته



ياشينها لا صرت معجب و ( خجـلان )
خـوف المصـارح لا يجيـب المطمّـه

اخاف اصـارح بالغـلا ( ذاك الإنسـان
و ينقلـب ( جـوو المصـارح مذمّـه)

ويا شينها لا صرت مغرم و ( زعلان )
محد ٍ يراضي قلبـك و ( محـد يمّـه)

(وان رحت محد ٍ قال لك: (وين يافلان)؟
روحتك مع جيّتـك .. ماهـي مهمّـه)

ويا شينها لا صرت عايـش بحرمـان
مثل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
واللي اظلموه (عيال لحمـه و دمّـه )

ويا شين صاحب دربك(ان صار ثعبـان)
لا هو تركـك و لا نفـث فيـك سمّـه

كنّـا خويّـا وانتسـمّـى بـالأخـوان
واليوم أسمـه بأخبـث النـاس سمّـه

ويا شينها لا صـرت ناجـح و ندمـان
( وصلت قمّه )( وغيرك بأعلاا قمّـه )

مثل الإمـام ..العالـم بفقْـه الأديـان
يومه نجح .. والكل صـاروا ( أأمّـه )

ويا شينهـا لا صـرت تايـه وحيـران
( وسط الطريق .. و باقي ٍ فيك همّـه )

ودّك ترووح .. وآخر الدرب مـا بـان
تخاف تمشي .. ( ثم تغشـاك غمّـه )

ويا شينها لا صـرت مبلـي ومنهـان
والعلـم كلّـه .. مـن اكاذيـب نمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت من روس الاعيـان
ثم تنقلـب فـي نظـرة النـاس رمّـه

ويلااااه يا وقت ٍ نـوى لـي بعصيـااان
أثر الزمن يـا نـاس مـا فيـه ذمّـه

ويا شين طرد المقفْي لو كنـت ولهـان
ياخـذه شيطـان الغـرور و يخـمّـه

يظـن انّـك هايـم ٍ بـه وشفـقـااان
ما يدري انّه لو فطـس ... مـا تهمّـه

ومااشين من معاشر قليليـن الإيمـان
درب الهداية .. لا .. أبد ... مـا تتمّـه

الخلْق سجن وصاحبـك فيـه سجّـان
والعلم خال العز .... ( والجود عمّـه )

ويا شينها .. أصلا بقى شي ما شان ..؟
هـذي الليالـي طبعـهـا مدلهـمّـه

الشيـن والله شيـن غاليـن الأثمـاان
لا قـام كـل ٍ رافـع ٍ فــوق فـمّـه

( ويا زينها ) لا صرت لاهي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيه ثـوب ٍ يستـر أطـراف كمّـه

يا زينها لا صـرت معجـب و خرمـان
تنثـر علومـك لـو تجيـب المطمّـه

وسلامتكم

[glint]
وتقبلوا تحياتى الخفجاوى2010
[/glint]

[سـَمآ ♪]

اقتباس يظـن انّـك هايـم ٍ بـه وشفـقـااان ما يدري انّه لو فطـس ... مـا تهمّـه

رووووعه....

تسلم ع الاختيااار الراائع..

[ثلجة وردية]

السَلاَم عَلَّيكَمَّ ورَحْمَة الله وَبَركآته
..

الخَفََّجَأوي
أبيـآت أقَلَّ مآ يقآل عَنْهآ رَوَّعَه .,
يعَجَزَ لسآني عَنْ التَعْبِير ...!
شَكَرَا ع أَلاَِّخْتِيَار آلَمَُوَفَّق
وُدِّيّ ووَرْدِيّ لك..

[صانع الإبداع]

الله يعطيك العافية

[الخفجاوى (2010)]

اقتباس المشاركة الأصلية كتبت بواسطة شذى الايام رووووعه.... تسلم ع الاختيااار الراائع..

[glint]
والأروع هو مرورك المميز ويعطيك العافية
[/glint]

[كورن فلكس]

تسلم ع حسن الانتقاء

[الخفجاوى (2010)]

اقتباس المشاركة الأصلية كتبت بواسطة ثلجه ورديه السَلاَم عَلَّيكَمَّ ورَحْمَة الله وَبَركآته .. الخَفََّجَأوي أبيـآت أقَلَّ مآ يقآل عَنْهآ رَوَّعَه ., يعَجَزَ لسآني عَنْ التَعْبِير ...! شَكَرَا ع أَلاَِّخْتِيَار آلَمَُوَفَّق وُدِّيّ ووَرْدِيّ لك..

[glint]لاهنت على المرور المميز وتقبلوا تحياتى[/glint]

[عاشق القمم]

انتقاء رآآئع
ألف شكر لك ..

[الخفجاوى (2010)]

اقتباس المشاركة الأصلية كتبت بواسطة شبل العقيدة الله يعطيك العافية

[glint]

لاهنت على المرور المميز وتقبل تحياتى
[/glint]

[شمس الرائدية]

يسلمك ربي على الأبيات الجميله والإنتقاء المميز
بـ إنتظار جديدك
إحترامي لك
...{