[align=center]السلام عليكم
خلوني ادخل بالموضوع على طول
بحكم إن الخفجي مقبله على أجواء معتدله في هالايام وبحكم النجاح اللي قدمه مهرجان صيف الخفجي 2010 ليش مايكون فيه هناك تجهيزات للمهرجان الكبير ( كلنا الخفجي )
بخصوص مهرجان كلنا الخفجي الرابع ...
واتمنى إن كلامي هذا يوصل لأحد المسؤولين بالخفجي
وهو حنا بالخفجي ينقصنا اشياء كثيره بالنسبة للمهرجانات اللي تصير بالخفجي
والخفجي تملك مقومات سياحيه ونقدر نسوي اشياء كثيره بالخفجي .. ومانبي يكون المهرجان خيمة تسويقيه علشان مايقولون والله المهرجان (( تسويقي بحت ))
نبي مهرجان كله فعاليات مثلاً :
1ـ افتتاح المهرجان ( بالقراءن الكريم يتلوها أحد ابناء المحافظه )
طبعاً بحضور من سعادة المحافظ ورئيس البلدية ورؤساء الدوائر الخاصه والحكوميه ورجال الأعمال (( هذا الحضور يعطينا إحنا كـ أبناء للخفجي يعطينا دافع قوي ويشجعنا هذا الحضور )).
2ـ فرقة العرضة السعودية. في يوم الافتتاح بعد الاستماع لآيات من الذكر الحكيم تكون هناك كلمة لرئيس المهرجان .. وبعدها كلمة لرئيس بلدية الخفجي وبعدها كلمة لسعادة المحافظ وبعدها تبدأ فرقة العرضة السعوديه (( بالعرضه )) وسيشارك كل من سعادة المحافظ ورئيس البلدية ورؤساء الدوائر الحكوميه والخاصه بها.
3ـ أمسيات ومحاورات شعريه لشعراء من الخفجي مع شعراء من خارج الخفجي وشنو فيها لما يشارك شعراء من برا الخفجي ومن برا السعوديه مثلاً.
4ـ محاضرات دينيه وتكون مقسومه مابين الرجال والنساء .
5ـ فعاليات للأطفال يومياً بوقت معين .
6ـ مسابقات لجميع آفراد العائله يخصص لها يوم معين في الاسبوع.
بالنسبة للدعم :
دعم من إمارة الخفجي ومن بلدية الخفجي هذا لحاله وبحد ذاته تشجيع ويرفع من معنوياتنا حنا كـ ابناء للخفجي وبعدين رجال الأعمال اللي بالخفجي إذا شافو فيه دعم من سعادة المحافظ ودعم من رئيس البلدية أكيد راح يقدمون شيء للمهرجان
ترا والله تعبنا وحنا نشوف غيرنا ومحافظات اصغر من الخفجي يطلعون ويسوون مهرجانات
فخمه وعلى مستوى عالي
إذا كان رجال الأعمال ماني بقايل انهم يزعلون من بعض أو يحسدون بعض لكن بقول
إذا رجال الأعمال يغارون من بعض فيه حل وسط وهو:
يجتمعون عند سعادة المحافظ بخصوص المهرجان ويكون حاضر هذا الاجتماع الشخص اللي راح يمسك و يستلم زمام أمور مهرجان كلنا الخفجي ويكون هو الرئيس له’ يجتمعون ويقوم سعادة المحافظ ورئيس البلدية بتوزيع المهام على رجال الأعمال انا راح اضرب لكم مثال:
رجل أعمال 1
رجل أعمال 2
رجل أعمال 3
رجل أعمال 4
يقوم سعادة المحافظ بتوجيه رجل أعمال 1 يخليه يجيب فرقة العرضه السعوديه.
يقوم سعادة المحافظ بتوجيه رجل أعمال 2 يخليه يجيب أحد القنوات الشعبيه علشان تغطي جميع أيام المهرجان.
يقوم سعادة المحافظ بتوجيه رجل أعمال 3 يخليه يجيب إحدى فرق مسارح الأطفال وتكون هذي الفرقه متواجده طيلة أيام المهرجان.
يقوم سعادة المحافظ بتوجيه رجل أعمال 4 يخليه يحجز مثلاً شقق أو غرف للضيوف اللي جايين من برا الخفجي.. وهكذا على جميع الفعاليات التي يجب توافرها بالمهرجان.
طبعاً بكذا نكون حلينا جميع الأختلافات (( ولحد ينسى ترا هذا مجرد مثاااااااااااااااااااال ))
والله تعبنا وطفشنا وملينا وصرنا ننقهر كل مانشوف مهرجان في احد محافظات السعوديه إن مهرجانهم منظم ومميز وحنا للآسف للحين نخبط في بعض ياخي خلاص خلونا نحط يدينا في يدين بعض خلونا نتكاتف علشان الخفجي أتمنى أن كلامي مايكون فيه تجريح لشخص معين أو أن مايجيني ضرر من ورا هالكلام إذا كنتم بتسوون هالكلام أو مثل هالكلام فجزاكم الله خير و إذا ماتبون تسوونه أتمنى أنكم تعتبرونه خرافات مواطن خفجاوي أو حلم مواطن خفجاوي.
هذا وصلى اللهم على سيدنا محمد.[/align]
المواضيع المتشابهه
وفقك الباري 
العرض العادي
