السلام عليكم ورحمة الله وبركاته
اول شي انا اقوله يارب انك تبعد عن عيالك كل شر وكل سوء وان الله يحفظهم لك ياخوي من كل مكرووه والمسلمين جمييع
ثاني شي يا جماعة الخير والكلام للجميع انا ما احدد شخص معين اقولكم اتقو الله بالخادمات مهما كانت جنسيتها لأنها ما اتت الينا وتركت اهلها الا للحاجة الماسة ولطلب الرزق بعد الله ولما انا اتكلم عليهن بهذي الطريقه مو للدفاع عنهن لا والله لكن مهما كان المعاملة الطيبه لها دور كونك انك تعامل الشخص اللي امامك كإنسان وانك تخاف الله فييه
وانا ماقولكم إن بعضهن مايغلطون ولا مايسوون سحر ومايضربون الأطفال بعد خروج اهاليهم من بيوتهم لكن صدقوني كل شي له سبب ومافيه شي من غير سبب ...
واللي يقولي ولا تقولي والله اني اعاملها بأحسن طريقة وماني مخليتها تحتاج اي شي ولو تعبت والله اوديها المستشفى وأهتم فيها وفووق هذا عملت لي سحر و أذت اولادي وبناتي اقول لها هذا بلاء من الله وتحملي بلاء الله بأولادك وبناتك او اي شخص عزيز عليكم ربما تكون انت لأن الله هو الذي يبتلي عبده وهو بإذنه تعالى يشفيه..
وبصراحة انا اشوف موضوع السحر منتشر بلآونه الأخيره مو بس من الشغالات اشوف صار يتداول بكل اسف وينتشر عندنا يعني على سبيل المثال من زوجة عملت سحر بزوجها لأنه تزوج عليها و و و و الخ قضايا كثيره نسأل الله العفو والعافية..
اللهم ابعد عنا الزنا والزلازل والمحن وسؤ الفتن ماظهر منها وما بطن
وصل اللهم على محمد وعلى آله وصحبة الطاهرين
والسلام عليكم ورحمة الله
المواضيع المتشابهه
العرض العادي
